Dn 11:37 - Kaqchiquel Bible

³⁷ Kan man jun k'a dios ri nuya' ta rejqalen; ni ri ki-dios ri e rati't-rumama', ni ri dios ri nikiya' ruq'ij ri ixoqi', roma rija' kan xtuna-ri' chi kan xaxe rija' ri nim ruq'ij chikiwech konojel.

Dn 11:37 ပူးပေါင်းရင်းမြစ်များ

2 Tesalonicenses 2:4

Rija' xtiyakatej y xtupaba' ri' chuwech ronojel ri nibix dios chire, y ri niya'ox ruq'ij. Man xaxe ta ri' roma xa kan xtibetz'uye' chupan ri rachoch ri Dios, y xtubij chi ja rija' ri Dios.*f2*

Wuj Richin ri Isaías 14:13

Rat kan xabij-qa chi xkajote-el chila' chikaj, k'a akuchi ek'o-wi ri ch'umila', richin najikiba' ri atz'uyubal richin q'atoj-tzij ri chiri'. Xach'ob chi yabek'oje' pa juyu' ri akuchi nikimol-wi-ki' ri ch'aqa' chik dios.

1 Timoteo 4:3

Re winaqi' re' xtikibij chi man utz ta ri k'ulanen. Xtikibij chuqa' chi k'o q'utun ri man utz ta yetij. Jak'a ri Dios jari' ri k'iytisayon kan ronojel richin nikitej rik'in matioxinik ri kikuquban kik'u'x rik'in ri Cristo, y ketaman ri qitzij ruch'abel.

Ez 24:16

Rat Ezequiel, wakami xtinwelesaj-el ruk'aslen ri awixjayil, ri kan janila nawajo'. Jak'a rat kan man xkatoq' ta chirij, kan man xtibiyin ta ri ruya'al runaq'-awech roma rija'.

Wuj Richin ri Nimalej Bix 7:10

Yin kan irichin ri wajowanel. Y kan xaxe wik'in yin nikikot-wi.

Deut 21:11

Y wi k'o jun chiwe rix nutz'et chikikojol rije' chi k'o ta jun ixoq janila jebel ok, y kan nrajo' richin nok rixjayil,

Deut 5:21

Man tirayij chi iwik'in ta rix k'o-wi ri k'o kik'in ri iwachpochel; man tirayij kiwech ri kixjayilal, ni ri kisamajela' ri e yuqul pa samaj kik'in, ni ri kaj-ik'a', ni ri kibóyix, ni ri kibur, ni man jun chike ri e kichin ri iwachpochel tirayij, xcha' ri Jehová.

Wuj Richin ri Rutikeribel 3:16

Y ri Dios xubij chire ri ixoq: Yin xtinben chawe chi kan janila k'a xkaq'axon toq awoyoben richin nibe'alex awal y kan rik'in k'a rukiy xkatalan. Y man rik'in ri', rat kan k'a xtarayij na ruwech ri awachijil y kan xkak'oje' k'a chuxe' ri rutzij rija', xcha'.

Wuj Richin ri Rutikeribel 3:5

Roma ri Dios retaman chi ri q'ij toq xtitej, kan xtijaqatej k'a ri runaq'-iwech y kan xtiwetamaj k'a ri utz y ri itzel y kan xkixok k'a achi'el ri Dios, xcha' ri kumetz.

Dn 8:11

Pa ruwi' ri', kan xunimirisaj-ri' chuwech ri aj-raqen ri k'o pa kiwi' rije'. Y man jun rejqalen xuben chire ri kamelabel ri yesuj q'ij-q'ij, y ri rachoch ri Dios kan xuqasaj ruq'ij.

Dn 11:36

Toq xtapon k'a ri q'ij ri', ri rey kan xtiberubana' k'a ronojel ri niqa' chuwech rija'. Kan janila k'a xtunimirisaj-ri', y xtuna' chi ja rija' ri más nim ruq'ij chikiwech konojel dios. Y pa ruwi' ri' kan xtuyoq' k'a ri k'aslik Dios. Kan utz k'a xtel chuwech ronojel ri xkeruben, k'a toq ri Dios xtuya' ri rutojbalil-mak pa ruwi', roma ri bin-pe pa ruwi' kan xtibanatej k'a.

Dn 11:38

Xa kan xaxe k'a ri dios ri richin uchuq'a' ri xtuya' ruq'ij, y re dios re' man ja ta re' ri ki-dios kan ri rati't-rumama'. Xtuya' k'a ruq'ij rik'in saqipueq, q'anapueq y jebejoj taq abej, y rik'in chuqa' ronojel ruwech ri kan k'o rejqalen.

Wuj Richin ri Isaías 14:14

Chuqa' xabij-qa chi k'a pa ruwi-el la sutz' xkajote-wi-el, richin xkatok achi'el ri nimalej Dios.

Ez 28:2

Rat Ezequiel, taya' re jun rutzijol re' chire ri rey richin Tiro y kere' tabij: Rat kan janila xanimirisaj-awi', y nach'ob chi at achi'el jun dios, y ri awajawaren ja ri palou. Jak'a stape' nana-awi' chi ri anojibal achi'el runojibal ri Dios, rat xa man at jun dios ta, xa at jun xabachike achin.