Dn 11:36 - Kaqchiquel Bible

³⁶ Toq xtapon k'a ri q'ij ri', ri rey kan xtiberubana' k'a ronojel ri niqa' chuwech rija'. Kan janila k'a xtunimirisaj-ri', y xtuna' chi ja rija' ri más nim ruq'ij chikiwech konojel dios. Y pa ruwi' ri' kan xtuyoq' k'a ri k'aslik Dios. Kan utz k'a xtel chuwech ronojel ri xkeruben, k'a toq ri Dios xtuya' ri rutojbalil-mak pa ruwi', roma ri bin-pe pa ruwi' kan xtibanatej k'a.

Dn 11:36 ပူးပေါင်းရင်းမြစ်များ

Wuj Richin Bix Chire ri Dios 136:2

Tinimirisaj ruq'ij ri Dios ri k'o más nim ruchuq'a' pa kiwi' ch'aqa' chik dios; roma ri rujoyowanik rija' kan richin jantape'.

Wuj Richin Bix Chire ri Dios 33:10

Ri Jehová kan nuben chi man jun rejqalen ri kich'obonik ri ajawaren. Rija' nuben chi nibe pa xulan ri kich'obonik ri winaqi' ri man nikitzeqelibej ta rija'.

Wuj Richin Etamabel-Tzij 19:21

Ri pa ránima ri wineq kan k'o k'iy ri nrajo' nuben, y ri nibanatej xaxe ri nrajo' ri Jehová.

Wuj Richin ri Isaías 10:23

Ri Jehová ri k'iytisanel richin ronojel kan rubin k'a chi yeruk'is chijun ri ruwach'ulew Israel; y ri rubin kan xtuben.

Wuj Richin ri Isaías 10:25

Roma chiwech-apo xa kan xtik'is ri woyowal chiwij rix, y ri woyowal kan xtiq'ax kan pa kiwi' ri aj-Asiria, nicha'.

Wuj Richin ri Isaías 10:5

Ri Jehová nubij: ¡Toq'ex ruwech ri rey richin ri ruwach'ulew Asiria! Roma rija' xtinqej richin xkeruk'is ri winaqi', toq yakatajineq janila woyowal, kan pa ruq'a' rija' ninya-wi ri woyowal.

Wuj Richin ri Isaías 14:13

Rat kan xabij-qa chi xkajote-el chila' chikaj, k'a akuchi ek'o-wi ri ch'umila', richin najikiba' ri atz'uyubal richin q'atoj-tzij ri chiri'. Xach'ob chi yabek'oje' pa juyu' ri akuchi nikimol-wi-ki' ri ch'aqa' chik dios.

Wuj Richin ri Isaías 14:14

Chuqa' xabij-qa chi k'a pa ruwi-el la sutz' xkajote-wi-el, richin xkatok achi'el ri nimalej Dios.

Wuj Richin ri Isaías 26:20

Rix nuwinaq kixbiyin k'a pa taq iwachoch, y kan titz'apej jebel ri ruchi' toq xkixok-apo. Tiwewaj juba' iwi' rokik nik'o-qa juba' royowal ri Dios.

Wuj Richin ri Isaías 30:33

Kan k'o yan chik pe q'ij naban-pe pa ruwi' ri rey richin Asiria, ri akuchi xtik'at-wi. Ri akuchi niya'ox-wi ri q'aq' janila nim ruwech y kan janila nim rupan; y kan janila k'iy si' ukusan chire. Y kan ja ri Jehová ri xtiya'on ruq'aq'al achi'el nibiyin ri chuwilej-abej.

Wuj Richin ri Isaías 46:10

Ri pa rutikeribel yin xinq'alajirisaj ri peteneq chiwech-apo. Chuqa' xinbij yan ri xa man jani tibanatej. Ri nubin kan xtibanatej, y ninben ronojel ri ninwajo'.

Wuj Richin ri Isaías 57:9

Rix kan xiya-el aceite y jebelej aq'om chiwij, y k'ari' xixbe rik'in ri dios Mélec richin xiya' ruq'ij. Xe'iteq-el nej ri itaqonela' richin nikikanoj pixabanik; y jujun chike rije' xe'apon k'a akuchi e muqun-wi ri kaminaqi'.

Ez 28:2

Rat Ezequiel, taya' re jun rutzijol re' chire ri rey richin Tiro y kere' tabij: Rat kan janila xanimirisaj-awi', y nach'ob chi at achi'el jun dios, y ri awajawaren ja ri palou. Jak'a stape' nana-awi' chi ri anojibal achi'el runojibal ri Dios, rat xa man at jun dios ta, xa at jun xabachike achin.

Ez 35:13

Rik'in k'a ri ich'abel kan xinimirisaj k'a iwi' y kan janila k'a itzel xixch'on chuwij. Y yin kan xinwak'axaj ronojel.

Dn 11:16

Ri rey richin Siria kan xtuben k'a ri xtiqa' chuwech rija', y kan man jun k'a ri xtupaba' ta ri' chuwech. Chuqa' xtik'oje' k'a kan chupan ri aruwach'ulew Israel, y kan ronojel k'a xtuk'is rik'in ri ruchuq'a'.

Dn 11:3

Chirij ri' xtibeyakatej chik pe jun rey ri janila ruchuq'a', y xtuq'et k'a tzij rik'in uchuq'a' y xtuben ronojel ri niqa' chuwech rija'.

Dn 11:37

Kan man jun k'a dios ri nuya' ta rejqalen; ni ri ki-dios ri e rati't-rumama', ni ri dios ri nikiya' ruq'ij ri ixoqi', roma rija' kan xtuna-ri' chi kan xaxe rija' ri nim ruq'ij chikiwech konojel.

Dn 12:7

K'ari' ri ukusayon tzieq ri banon rik'in lino, kan xutzeqej k'a chi e ka'i' ruq'a' chikaj y xuya' rutzij pa rubi' ri Dios ri jantape' k'es, chi ronojel re' kan xtibetane', k'a toq xtitz'aqet na ri oxi' juna' rik'in nik'aj, toq ri uchuq'a' ri k'o kik'in ri rutinamit ri Dios xtik'is jumul, k'ari' toq xtitane' ronojel re'.

Dn 2:47

Y xubij k'a chire ri Daniel: Wakami kan ninimaj chi ri i-Dios rix kan jari' ri Dios pa kiwi' konojel ri ch'aqa' chik dios. Rija' kan ajaw pa kiwi' konojel ri rey. Kan xaxe rija' ri nitikir niq'alajirisan ronojel ri ewatel, y roma ri' rat kan xatikir xaq'alajirisaj chinuwech re jun achik' re', xcha'.

Dn 4:35

Chawech rat, ri winaqi' ri ek'o chuwech re ruwach'ulew xa man jun kejqalen, Rat kan naben achi'el ri niqa' chawech; keri' ri chikaj y keri' chuqa' chuwech re ruwach'ulew. Kan man jun k'a wineq ri nitikir ta niq'aton awichin, Kan man jun ri nik'utun chawe ri achike roma keri' naben. Keri' xinbij chire ri nimalej Dios.

Dn 5:19

Roma ri nimirinen ri xya'ox chire roma ri Dios, ri winaqi' richin chijun ruwach'ulew, kan xkik'en rukiy y xkiya' ruq'ij. Rija' kan xuben k'a ronojel ri xqa' chuwech: Xerukamisaj ri xrajo' y xuya' q'ij chi yek'ase' ri xrajo'; ch'aqa' xeruya' pa jotol y ch'aqa' xuqasaj kiq'ij.

Dn 5:20

Jak'a toq xunimirisaj-ri' y ri ránima kan xukowirisaj rik'in ri runimirisanen, xa kan xelesex k'a el chupan ri rajawaren, y ronojel ri ruwaq'ijaj kan xelesex chire.

Dn 7:8

Y rokik k'a yin ninmey ri lajuj uk'a' ri', kan xbek'ulun chik k'a pe chikikojol jun chik ti ko'ol uk'a', y k'o chi xe'elesex-el oxi' richin chi xk'oje' kan ri jun ti ko'ol. Ri ti ko'ol uk'a' ri' kan k'o k'a runaq'-ruwech achi'el ri wineq. K'o chuqa' ruchi', y yerubila' k'a janila itzel taq ch'abel.

Dn 8:19

Y xubij k'a chuwe: Yin kan xtink'ut k'a chawech ri xtipe toq xtik'is juba' ri oyowal, y re' kan qitzij.

Dn 8:4

Y xintz'et chi ri karne'l ri' nuben chi nitoq'on ri keri' pa qajbel-q'ij, pa xaman y pa xokon, y kan man jun k'a chikop ri nitikir ta nupaba-ri' y nukol ta el ri' chuwech roma ri ruchuq'a'. Kan nuben k'a ronojel ri achike ri niqa' chuwech y ri karne'l ri' kan janila k'a xnimer.

Wuj Richin ri Zacarías 11:16

Roma yin kan xtinya' k'a jun aj-raqen ri nichajin kichin ri nuwinaq, achi'el jun yuq'unel ri man xtiniman ta chike ri karne'l kitalun-ki', ni man xkerukanoj ta ri e sachinaqi', ni man xkeraq'omaj ta ri q'ajineq kaqen, ni man xkeruch'elej ta ri e kosinaqi'. Xa kan xaxe k'a xtutej ri rutijul ri karne'l ri e ti'oj, y ni ta k'a ri ruwi' taq raqen xtuya' kan.

San Juan 5:30

Yin kan man yitikir ta k'a yisamej pa nuyonil, roma xa kan achi'el ri q'atoj-tzij ri nuq'alajirisaj chinuwech ri Dios, keri' ri ninben. Ri nuq'atoj-tzij kan pa ruchojmilal, roma man ja ta ri nurayibel yin ri ninben, xa kan ja ri rurayibel ri nata' Dios ri taqayon-pe wichin ri ninben.

San Juan 6:38

Roma yin, ri xiqaqa-pe chila' chikaj, man nusamaj ta k'a yin ri nuk'amon-pe. Yin xipe chubanik ri samaj ri kan rurayibel-wi ri taqayon-pe wichin.

Hechos 4:28

Jak'a ri xkiben rije' k'o chi xbanatej roma rat kan keri' ach'obon, y rat kan k'o uchuq'a' awik'in richin keri' naben.

Deut 10:17

Roma ri Jehová ri qa-Dios kan ja rija' ri Dios pa kiwi' konojel ri dios ri ek'o, y kan ja rija' ri Ajaw pa kiwi' konojel ajaw ri ek'o. Rija' kan Dios nim rejqalen ri k'o ronojel uchuq'a' pa ruq'a' y kan ruk'amon yojbaybot chuwech. Rija' man nuben ta rukojol kik'in ri winaqi', ni man yojtikir ta niqapuaqij.

2 Tesalonicenses 2:3

Man k'a kixq'olotej, roma nabey chuwech richin nipe ri Jesucristo, janila e k'iy ri xkeya'on kan richin ri Dios, chuqa' xtipe ri itzel achin. Ri kan rubin chik ri Dios chi kan richin chik ri tojbel-mak.

2 Tesalonicenses 2:4

Rija' xtiyakatej y xtupaba' ri' chuwech ronojel ri nibix dios chire, y ri niya'ox ruq'ij. Man xaxe ta ri' roma xa kan xtibetz'uye' chupan ri rachoch ri Dios, y xtubij chi ja rija' ri Dios.*f2*

2 Tesalonicenses 2:8

jari' toq xtibek'ulun-pe ri itzel achin ri', jak'a ri ajaw Jesús xa xtuxupuj-el richin xtukamisaj, toq xtipe chik jun bey rik'in ri rusaqil ri ruk'ojlemal.

Wuj Richin ri Josúe 22:22

Ri Jehová Dios ri k'o pa kiwi' ri ch'aqa' chik dios, xtuq'alajirisaj chiwech ri qach'obonik, chi roj man xqaben ta q'anej re jun porobel re' richin yojyakatej chirij rija', roma wi ta keri' kan ja k'a rix ri xkixkamisan qichin ri'.

Apocalipsis 10:7

Roma xaxe toq xtuxupuj ri trompeta ri ruwuq ángel, jari' toq xtitz'aqet y ronojel ri e ewatel xkebeq'alajin-pe achi'el ri ruq'alajirisan chike ri rusamajela' y ri e q'alajirisey ruch'abel ri Dios, xcha'.

Apocalipsis 12:14

Y roma ri' ri ixoq xya'ox-el chire, juk'ulaj ruxik' kot ri janila e nima'q, richin chi nitikir napon k'a pa tz'iran ruwach'ulew, nej chire ri nimalej chikop ri' y chiri' nilix oxi' juna' rik'in nik'aj.

Apocalipsis 13:1

K'ari' xintz'et chi chupan ri palou xbe'el-pe jun nimalej itzel chikop. Re chikop re' k'o wuqu' rujolon y lajuj ruk'a'. Pa kiwi' ri lajuj ruk'a' k'o k'a jujun tz'ajtz'ik ch'ich'. Y pa kiwi' jujun jolomaj e tz'ibatel k'a jujun bi'aj, y re' nuyoq' rubi' ri Dios.

Apocalipsis 17:17

Ri Dios xuya' pa kánima ri lajuj rey chi junan kiwech xeyakatej chirij ri ixoq ri man utz ta ri ruk'aslen, y chuqa' chi junan kiwech xkijech ri kiq'atbal-tzij chire ri chikop, k'a toq xtibanatej ronojel ri rubin ri Dios.

Apocalipsis 17:3

Y chupan ri jun achi'el achik' ri xinben xinna' chi xinuk'uex-el pa jun tz'iran ruwach'ulew. Y chiri' xintz'et jun ixoq ch'okol chirij ri nimalej itzel chikop ri k'o wuqu' rujolon y lajuj ruk'a'. Re chikop re' ruyon bi'aj rij, richin nuyoq' rubi' ri Dios.