Dn 11:32 - Kaqchiquel Bible

³² Rik'in ri bananenri'il xkeruq'ol ri kiq'ajon ruwi' ri rujikibel-tzij ri Dios, jak'a ri awinaq ri kan kuqul kik'u'x rik'in ri Dios, kan kow k'a xkek'oje' y xtikipaba-ki' chuwech.

Dn 11:32 ပူးပေါင်းရင်းမြစ်များ

1 Crón 28:9

Y rat nuk'ajol Salomón, kan tawetamaj ruwech ri qa-Dios, y kan tasamajij rik'in ronojel ri awánima y rik'in kikoten ri nalex-pe pan awánima, roma ri Jehová Dios nutz'et ri qánima y ri qach'obonik. Keri', wi rat kan xtakanoj kan xtawil, rija' kan xtik'oje' awik'in. Jak'a wi rat xa xtamalij kan, rija' kan xkaretzelaj kan richin q'asen.

Wuj Richin ri Nehemías 4:14

Toq xentz'et yan ronojel re', xinbij k'a chike ri e tata'al, ri e aj-raqen y chike ri ch'aqa' chik winaqi': Man tixibij-iwi' chikiwech. Toqaqa k'a chi'ik'u'x chi ri qa-Dios, rija' kan nim wi y kan k'o rukiy chikiwech konojel winaqi'. Roma ri' tiqatija' qaq'ij koma ri qami'al-qak'ajol, ri qixjayilal y konojel ri ek'o pa qachoch, xicha' chike.

Wuj Richin Bix Chire ri Dios 9:10

Jehová kan awik'in k'a rat xtikikuquba-wi kik'u'x ri ketaman awech, roma rat, man jun bey ye'amalij kan ri yekanon awichin.

Wuj Richin Etamabel-Tzij 19:5

Jun wineq ri xa nutz'uk ri banobel ri yeruq'alajirisaj chirij jun wineq, xa xtiqaqa ruk'ayewal pa ruwi'; y kan qitzij wi chi ri wineq ri nitz'ukun-tzij, man xtikolotej ta el.

Wuj Richin Etamabel-Tzij 26:28

Ri wineq ri nitz'ukun-tzij man niqa' ta chuwech ri qitzij, ri wineq ri nubananej chi nich'on rik'in ch'uch'uj taq ch'abel, xa nuk'en-pe wululen.

Wuj Richin ri Jeremías 31:34

Kan man jun k'a nik'atzin-wi chi nikik'utula' ta chikiwech richin niketamaj nuwech, roma konojel rije' kan ketaman chik nuwech, nitiker-el rik'in ri más ko'ol y napon-q'anej rik'in k'a ri más nim, roma yin kan xtinkuy ri itzel taq kibanobal y man chik xtoqaqa ta chinuk'u'x ri kimak. Yin Jehová ri yibin.

Dn 11:21

Chirij k'a rija', xtibek'ulun chik pe jun rey, ri xa man ruk'amon ta chi nok rey, y maneq rejqalen. Jak'a rija' chaq k'ate' k'a xtok chupan ri ajawaren richin Siria rik'in q'oloj.

Dn 11:34

Toq xtapon ri q'ij richin ri tijoj-poqonal ri', xa kan e ka'i-oxi' k'a ok ri xketo'on kichin, y e k'iy k'a ri xtikibananej chi yekito', jak'a xa man qitzij ta.

Wuj Richin ri Zacarías 10:12

Yin kan xtinya' k'a kuchuq'a' ri nuwinaq aj-Israel, y kan pa nubi' yin xkebiyin-wi, xcha' ri Jehová.

Wuj Richin ri Malaquías 4:2

Jak'a rix ri k'o nukiy chiwech kan pa ruchojmilal k'a ri xtinben iwik'in. Ri ruchojmilal kan xtiyik'lun pan iwi' achi'el niyik'lun ri q'ij. Y chupan ri q'ij ri', rix kan xtik'ul raxnaqil achi'el toq nimeq'e-pe ri q'ij. Kan xkixropiyaj k'a roma kikoten achi'el yeropilan ri taq alaji' wákix toq yebe'el-pe pa ki-coral.

San Juan 17:3

Ri k'aslen ri man k'isel ta, ja ri niketamaj awech rat nata' Dios, y chuqa' niketamaj nuwech yin Jesús ri Cristo, ri xinateq-pe wawe' chuwech re ruwach'ulew.

1 Juan 5:20

Y qetaman chuqa' chi xok'ulun yan qa ri Ruk'ajol ri Dios chuwech re ruwach'ulew. Rija' xuya' etamabel chiqe, richin xqetamaj ruwech ri qitzij Dios, roma ri' jun qabanon rik'in ri Dios y ri Jesucristo ri Ruk'ajol. Rija' kan qitzij Dios wi, y rik'in rija' peteneq-wi ri k'aslen ri man k'isel ta.

Apocalipsis 6:11

Y jari' k'a toq xjach kitziaq seq chikijujunal, y xbix chike chi k'a tikoyobej na chik juba', roma k'a ek'o na ri kachibil pa rusamaj ri Cristo y chuqa' ri kach'alal ri k'a man jani yekamisex koma ri winaqi', achi'el ri xkik'uluwachij-el rije'.