Dn 11:27 - Kaqchiquel Bible

²⁷ Ri e ka'i' rey ri' junan yewa' pa mesa richin nik'oje' ta uxlanibel-k'u'x kik'in, jak'a ri pa kánima xa kan xaxe ri ch'upun-k'u'x k'o. Ri nikibij chikiwech xa man qitzij ta, jak'a xa man jun chike chi e ka'i' ri xtich'akon ta. Ronojel re' xtibanatej roma xa man jani tapon ri q'ij richin uxlanibel-k'u'x.

Dn 11:27 ပူးပေါင်းရင်းမြစ်များ

Wuj Richin Bix Chire ri Dios 12:2

Xa kan chaq nikitz'ukula' k'a tzij chikij ri kachpochel. Rik'in ka'i' kipalej yech'on chikiwech; xa ruyon k'a q'oloj yekiben.

Wuj Richin ri Habacuc 2:3

Stape' re yinajin chubixik chawe, kan k'a niyaloj na juba' richin nibebanatej Man rik'in ri' kan xtapon k'a ri q'ij richin kan xtibebanatej. Rat kan tawoyobej k'a, roma xa kan xtapon k'a ri q'ij ri'.

Dn 11:35

Y jujun ri xtibekitzeqelibej ri Dios, ri e aj-na'oj xtikitej poqon, richin k'a yetejtobex y richin chi yech'ajch'ojir, richin kan e ch'ajch'oj toq xtapon ri ruk'isibel taq q'ij ri rubin-pe ri Dios.

Wuj Richin Bix Chire ri Dios 64:6

Nikinojila' k'a q'anej ri etzelal, y kan jebel ruch'obik nikiben chire. Kan qitzij na wi chi rije' kan janila e nowineq rik'in ri kich'obonik.

Dn 11:40

Jak'a toq xtitz'aqet ri q'ij ri q'aton-pe pa ruwi' ri rey richin Siria, ri rey richin Egipto kan xtibeyakatej chik k'a pe chirij. Jak'a rija' xa kan xtel k'a pe chirij ri rey richin Egipto, y kan xtuben k'a achi'el nuben jun nimalej kaq'iq'-job. Xtel k'a pe rik'in janila chi carruaje, aj-labal ri yech'oke' chirij kiej y chuqa' rik'in janila chi barco. Xtok k'a chupan ri ruwach'ulew Egipto y keri' pa taq ch'aqa' chik ruwach'ulew, achi'el nuben jun raqen-ya' toq nril chik el jun rubey.

Dn 8:19

Y xubij k'a chuwe: Yin kan xtink'ut k'a chawech ri xtipe toq xtik'is juba' ri oyowal, y re' kan qitzij.

Wuj Richin Etamabel-Tzij 26:23

Kan achi'el jun bojo'y ri banon rik'in ulew y su'un saqipueq chirij, xa keri' ri wineq ri ruyon jebelej taq ch'abel ri yerubij y ri pa ránima xa ruyon itzel k'o.

Wuj Richin Etamabel-Tzij 12:20

Ri kan k'o pa kinojibal chi k'o ri nikajo' nikiben chire jun wineq, xa k'ayilej k'aslen ri nikil; jak'a ri kan k'o pa kinojibal chi nikiya' uxlanen pa ruk'aslen jun wineq, nuk'en-pe kikoten chike.

Wuj Richin Bix Chire ri Dios 58:2

Xa man keri' ta, xa kan pa taq iwánima nalex-pe ri etzelal. Xa kan ich'obon chik k'a achike chi etzelal ri xtibebana' pa qaruwach'ulew.

Wuj Richin Bix Chire ri Dios 52:1

Rat ri nim aq'ij banon chawe, ¿achike roma nanimirisaj-awi' rik'in ri itzel taq abanobal? Ri rujoyowanik ri Dios pa kiwi' ri ralk'ual, kan richin jantape'.

1 Tesalonicenses 5:1

Qach'alal, man nik'atzin ta ninbij chiwe ri achike q'ij xtipe ri Jesucristo.

Hechos 17:31

Roma rija' kan rucha'on jun q'ij richin toq xtuq'et-tzij pa kiwi' konojel winaqi'. Rucha'on chik k'a Jun ri kan choj xtiq'aton-tzij. Ri Dios xuq'alajirisaj chi qitzij chi ri Jun ri' xtiq'aton-tzij, roma xuben chire chi xbek'astej-pe chikikojol ri kaminaqi', xcha' ri Pablo.

Hechos 1:7

Jak'a ri Jesús xubij chike: K'a ja na ri Dios nibin jampe' xtibanatej ri', y man nik'atzin ta chi niwetamaj rix.

Dn 11:29

Y xtapon na k'a ri q'ij chi xtiyakatej chik jun bey chirij ri Egipto, jak'a xa man xtich'akon ta, achi'el ta ri xuben ri pa nabey y ri pa ruka'n mul.

Dn 10:1

Chupan ri rox juna' chire ri q'atbel-tzij richin ri Ciro, rey pa ruwi' ri ruwach'ulew Persia, jari' toq k'o xq'alajirisex chinuwech yin. Y ronojel ri xbix chuwe kan qitzij y kan k'o-wi ruk'ayewal chupan. Y k'ari' xq'ax chinuwech ri xbix chuwe.

Ez 17:9

Jak'a yin Jehová ninbij chi re juwi-uva re' kan man utz ta xuben. Y roma ri' ri nabey kot xtuk'uq-el ri ruxe' y chuqa' xtuwux-el ri ruwech, richin xtichaqi'j-qa. Y re' man xtrajo' ta janila uchuq'a' ni k'iy winaqi' richin xtik'uqutej-el ri ruxe'.

Wuj Richin Etamabel-Tzij 19:21

Ri pa ránima ri wineq kan k'o k'iy ri nrajo' nuben, y ri nibanatej xaxe ri nrajo' ri Jehová.

Wuj Richin Bix Chire ri Dios 62:9

Kan qitzij wi, chi ri wineq xa q'axel achi'el ri kaq'iq', Stape' beyom o k'o ta pa meba'il, xa kan maneq rejqalen. Wi ta ye'etex pa jun etabel konojel, kan yek'ulun chi xa man jun kejqalen.

2 Sam 13:26

K'ari' ri Absalón xubij chi wi rija' man nitikir ta nibe, stape' xaxe k'a ri Amnón ri runimal ri nibe rik'in. Y ri rey xuk'utuj chire achike roma nrajo' chi nibe ri Amnón rik'in.

Dn 11:28

Chirij ri' ri rey richin Siria xtuchop k'a el bey richin nitzolej chupan ri rajawaren y kan xtuk'uaj k'a el janila chi beyomel. Rik'in ri royowal xtok k'a chupan ri aruwach'ulew Israel, y kan xtuben k'a ronojel ri nrajo' rija' y k'ari' xtitzolej chik pa Siria.

Dn 8:17

Y ri Gabriel kan xjel k'a apo wik'in. Y jari' toq yin kan janila xinmey, y roma ri' xinqasaj-wi' k'a pan ulew chuwech. Jak'a rija' xubij k'a chuwe chi yin k'o chi niq'ax jebel chinuwech ri yinajin chutz'etik. Ronojel re' kan xtibebanatej k'a chiqawech-apo, xcha'.