Dn 11:23 - Kaqchiquel Bible

²³ Y ri rey ri kibanon jun jikibel-tzij rik'in, xa xkeruq'ol, y stape' e juba' ok aj-labal ri ek'o rik'in, kan xtich'akon.

Dn 11:23 ပူးပေါင်းရင်းမြစ်များ

Wuj Richin ri Rutikeribel 34:13

Jak'a ri e ruk'ajol ri Jacob rik'in q'oloj xech'on rik'in ri Siquem y ri rik'in ri Hamor ri rutata'. Keri' xkiben roma ri Siquem xuqasaj ruq'ij ri Dina ri kana'.

Wuj Richin Bix Chire ri Dios 52:2

Rat kan xaxe k'a ri itzel taq banobel ri nach'obola' chijun q'ij. Ri awaq' kan xaxe k'a q'oloj ri nuben, kan achi'el jun qupibel ri ya-ya' rey.

Wuj Richin Etamabel-Tzij 11:18

Ri wineq nibanon etzelal, ri ch'akonik ri nril xa man qitzij ta; jak'a ri kan nutik ri chojmilal, ri ch'akonik ri nril kan qitzij wi.

Dn 11:22

Ri aj-labal ri xtikipaba-ki' chuwech kan xkeruk'is k'a el konojel, achi'el nuben ri raqen-ya' toq nuk'uaj ronojel. Xkeruk'is k'a el junan rik'in ri aj-raqen pa kiwi'.

Dn 11:24

Re rey re' kan xtuben k'a ri man jun bey xkiben ri ch'aqa' chik rey ri xek'oje' ojer: Kan xtok k'a chupan jun ruwach'ulew ri akuchi k'o-wi janila chi beyomel y uxlanibel-k'u'x, y ronojel k'a ri k'o rejqalen ri xtuk'uaj-el chiri', xtuch'er k'a chikiwech ri aj-labal ri ek'o rik'in, y kan xkeruchop k'a ri tinamit ri e sutin-kij chi tz'aq. Y re rey re' kan man xtiyaloj ta k'a ri keri' xtuben.

Dn 8:24

Kan janila k'a ruchuq'a' xtik'oje', jak'a xa man ruchuq'a' ta rija'. Y rija' xtuben k'a chi xtipe wululen pa kiwi' ri winaqi'. Ronojel ri xkeruben, kan utz k'a xtel chuwech; xkeruk'is k'a konojel achi'a' israelita ri k'o kiq'ij, y chuqa' e k'iy kiwinaq.

Dn 8:25

Kan xtich'akon k'a roma ri retzelal y ri q'olonik ri yeruben. Y toq ri winaqi' man jun nikimey, chaq k'ate' k'a xkerukamisaj. Kan janila k'a xtunimirisaj-ri', y kan xtupaba-ri' chuwech ri Dios, jak'a rija' xa xtuwulaj.

Romanos 1:29

Kan konojel yekibanala' ri man pa ruchojmilal ta, nikibanala' etzelal chike ri ch'aqa' chik, nikirayij ri k'o rik'in jun chik, k'iy etzelal nikirayij nikiben chike ri ch'aqa'. Janila ch'upun-k'u'x ri k'o kik'in, yekamisan, nikiben oyowal, yeq'olon, yekamulun-tzij,

2 Corintios 11:3

Jak'a yin nuxibin-wi', roma man xa tibanatej iwik'in achi'el xbanatej rik'in ri Eva ojer kan, ri xq'olotej roma ri kumetz rik'in ri jebelej taq ruch'abel. Y rik'in juba' xa keri' xtiben rix, chi xa rik'in jun niya'on ina'oj, nijalatej ri ich'obonik. Y ri' nuben chiwe chi niya' kan ri Cristo.

2 Tesalonicenses 2:9

Jak'a toq xtibek'ulun-pe re itzel achin re', kan k'o-wi ri ruchuq'a' ri Satanás rik'in, xkerubanala' k'a k'iy meyel taq banobel y retal ri xa man e qitzij ta.