Dn 11:22 - Kaqchiquel Bible

²² Ri aj-labal ri xtikipaba-ki' chuwech kan xkeruk'is k'a el konojel, achi'el nuben ri raqen-ya' toq nuk'uaj ronojel. Xkeruk'is k'a el junan rik'in ri aj-raqen pa kiwi'.

Dn 11:22 ပူးပေါင်းရင်းမြစ်များ

Wuj Richin ri Isaías 28:15

Rix rik'in ri inimirisanen nibij chi kan xijikiba-itzij rik'in ri kamik, y xiya' yan itzij rik'in ri jul richin muqbel, richin chi toq xtipe ri nimalej ruk'ayewal, kan man jun ri xtuben kan chiwe. Ich'obon chi rik'in ri tz'ukun-tzij, rix xixkolotej yan, y rik'in ri q'oloj ri' rix xiwil jun itobal.

Dn 11:10

Jak'a ri e ralk'ual ri rey richin ri Siria kan xtiyakatej k'a koyowal, y xtikimol-ki' janila chi aj-labal, richin nibekibana' labal rik'in ri Egipto. Nibekichapa' ri oyowal y kan xtikiwulaj k'a ronojel ri tinamit ri e tz'apen-kij chi tz'aq, achi'el toq niq'ax jun nimalej raqen-ya'.

Dn 11:23

Y ri rey ri kibanon jun jikibel-tzij rik'in, xa xkeruq'ol, y stape' e juba' ok aj-labal ri ek'o rik'in, kan xtich'akon.

Dn 8:25

Kan xtich'akon k'a roma ri retzelal y ri q'olonik ri yeruben. Y toq ri winaqi' man jun nikimey, chaq k'ate' k'a xkerukamisaj. Kan janila k'a xtunimirisaj-ri', y kan xtupaba-ri' chuwech ri Dios, jak'a rija' xa xtuwulaj.

Dn 9:26

Toq xq'ax yan ri 483 juna', kan xtelesex k'a ruk'aslen ri tata'al ri', jak'a xa man roma ta rumak rija'. Chirij re' jun aj-raqen ri man etaman ta ruwech y ri ruwinaq xkepe pa Jerusalem achi'el jun raqen-ya' ri nel-el pa ruk'ulba't. Y kan xtikiwulaj k'a ri tinamit Jerusalem y ri rachoch ri Dios. Ri ruk'ayewal y ri labal kan xtik'oje' k'a jantape' k'a toq xtik'is na ri 490 juna', achi'el ri rubin ri Dios.

Am 8:8

Kan xtisilon ri iruwach'ulew roma ronojel re'. Chi'iwonojel rix kan xkixoq'. Ri iruwach'ulew xtijote' y xtiqaqa achi'el nuben ri raqen-ya' Nilo.

Am 9:5

Ri Jehová ri Dios ri k'o ronojel uchuq'a' pa ruq'a', nuchop-qa juba' ri ruwach'ulew y ri ulew kan niya'er-qa. Kan jari' toq konojel ri winaqi' nikichop oq'ej. Chupan ri q'ij ri' ri ruwach'ulew kan nijote' y niqaqa achi'el nuben ri raqen-ya' Nilo.

Wuj Richin ri Nahum 1:8

Jak'a ri e etzelanel richin kan xkeruk'is el, achi'el nuben jun nim raqen-ya' ri kan nibolqo't y nuk'uaj-el ronojel. Ri Jehová kan xkeruq'i' k'a ri e etzelanel richin chupan jun nimalej q'equ'm richin yeruk'is.