Dn 11:17 - Kaqchiquel Bible

¹⁷ Chirij ri' rija' kan xtapon k'a pan Egipto e rachibilan e k'iy aj-labal richin xtijunamatej-kiwech. Y roma ri' xtuya' ri rumi'al chire richin nik'ule' rik'in, y keri' nitikir nuch'ek ri Egipto. Jak'a xa man xtitikir ta y ri ruch'obonik kan man utz ta xtel chuwech.

Dn 11:17 ပူးပေါင်းရင်းမြစ်များ

2 Rey 12:17

Chupan k'a ri q'ij ri' ri Hazael rey richin Siria, xyakatej richin xberubana' oyowal rik'in ri tinamit Gat, y xeruch'ek k'a. Y k'ari' xjote-el richin xberubana' oyowal kik'in ri aj-Jerusalem.

2 Crón 20:3

Toq ri Josafat xrak'axaj keri', xuk'en janila rukiy y kan jari' xuk'ulubej ri Jehová; y chuqa' xutaluj rutzijol chupan ri rajawaren chi konojel winaqi' kemewayin.

Wuj Richin Bix Chire ri Dios 56:9

Ri e etzelanel wichin kan xketzolin k'a chikij, toq yin xkich'on awik'in. Jak'a yin kan wetaman, chi rat nu-Dios kan atk'o wik'in.

Wuj Richin Etamabel-Tzij 19:21

Ri pa ránima ri wineq kan k'o k'iy ri nrajo' nuben, y ri nibanatej xaxe ri nrajo' ri Jehová.

Ez 17:17

Y ri rey richin Egipto man janipe' ta chi to'onik ri xtuben kik'in toq ri aj-Babilonia xkeruchop chi oyowal ri aj-Judá, toq rije' xtikiben ri tz'aq ri banon rik'in ulew chirij ri tinamit y toq xtikiben jun raq'arik bey richin yetikir ye'ok-qa chupan ri tinamit.

Ez 25:2

tinya' k'a ri nutzubal chupan ri ruwach'ulew Amón y tinq'alajirisaj-el pa rubi' rija' ri achike xtipe chikiwech-apo.

Ez 4:3

Xeri' nabek'ama-pe jun xot ri banon rik'in q'eqapueq y jari' xtok achi'el jun tz'aq rat y ri ruwachibel ri tinamit ri'. Y k'ari' xkak'oje' chuwech re tinamit achi'el xa ta nachop chi oyowal. Y re' xtok jun retal chikiwech ri awinaq israelita.

Ez 4:7

Y keri' k'o chi xtak'ut ri tinamit Jerusalem ri sutin-rij koma ri aj-labal y xeri' naq'alajirisaj ri tijoj-poqonal ri xtikik'owisaj.

Dn 11:19

Y kan xtitzolej k'a pa Siria ri akuchi peteneq-wi. Y xtibe'ok k'a chupan ri tinamit ri e tz'apen-kij chi tz'aq, jak'a xa kan xtibetzaq rik'in ri ruch'obonik, y kan man jun chik xtinatan richin.

Dn 9:26

Toq xq'ax yan ri 483 juna', kan xtelesex k'a ruk'aslen ri tata'al ri', jak'a xa man roma ta rumak rija'. Chirij re' jun aj-raqen ri man etaman ta ruwech y ri ruwinaq xkepe pa Jerusalem achi'el jun raqen-ya' ri nel-el pa ruk'ulba't. Y kan xtikiwulaj k'a ri tinamit Jerusalem y ri rachoch ri Dios. Ri ruk'ayewal y ri labal kan xtik'oje' k'a jantape' k'a toq xtik'is na ri 490 juna', achi'el ri rubin ri Dios.

Wuj Richin ri Habacuc 1:9

Konojel k'a re' xkepe richin xkekich'ek rik'in kamik. Chikiwech rije' ninabeyej k'a ri nimalej xibinri'il. Y ri awinaq ri xkekik'uaj-el pa ximonri'il, kan achi'el k'a ri sanayi' ri k'o chuchi' ri palou.

San Mateo 12:30

Wi rix man ixk'o ta wik'in, xa ix yakatajineq chuwij. Y achike ri man nito'on ta wichin richin nink'ol ri tiko'n, xa jari' ri nitalun ronojel.

San Lucas 11:23

Roma ri', ninbij chi ri man wik'in ta yin nisamej-wi, xa yakatajineq chuwij. Y ri achike ri man yiruto' ta richin nink'ol ri ixin, xa jari' ri najin chutaluxik.

San Lucas 9:51

Toq xa noqaqa yan ri qij chi ri Jesús nitzolin chila' chikaj, rija' kan xuch'ob jebel richin xbe ri pa Jerusalem.

Romanos 8:31

Y wi ronojel k'a re' nuk'ut chiqawech chi ri Dios kan k'o qik'in roj, ¿achike k'a xtitikir chiqij? Kan man jun.