Dn 11:16 - Kaqchiquel Bible

¹⁶ Ri rey richin Siria kan xtuben k'a ri xtiqa' chuwech rija', y kan man jun k'a ri xtupaba' ta ri' chuwech. Chuqa' xtik'oje' k'a kan chupan ri aruwach'ulew Israel, y kan ronojel k'a xtuk'is rik'in ri ruchuq'a'.

Dn 11:16 ပူးပေါင်းရင်းမြစ်များ

Wuj Richin ri Isaías 8:8

keri' xtikiben toq xke'apon pa tinamit Judá. Xtikinojisaj chijun ri ruwach'ulew, y kan xkeruk'is, xcha'. Y ri winaqi' aj-Judá xkibij: Jak'a ri Dios kan k'o qik'in. Rija' xqojrukuch roj y chuqa' ri qaruwach'ulew, achi'el nuben jun aj-xik' chikop ri rurik'on ri ruxik' richin yerukuch ri taq ral.

Wuj Richin ri Jeremías 3:19

Xinben chiwe richin xixok achi'el walk'ual y xinya' jun ruwach'ulew chiwe ri kan janila rayixel, ri kan janila jebel ok chuwech chijun ruwach'ulew. Y yin xinch'ob chi rix nibij nata' chuwe y man jun bey chik xtijech'ej kan iwi' wik'in.

Dn 11:3

Chirij ri' xtibeyakatej chik pe jun rey ri janila ruchuq'a', y xtuq'et k'a tzij rik'in uchuq'a' y xtuben ronojel ri niqa' chuwech rija'.

Dn 11:36

Toq xtapon k'a ri q'ij ri', ri rey kan xtiberubana' k'a ronojel ri niqa' chuwech rija'. Kan janila k'a xtunimirisaj-ri', y xtuna' chi ja rija' ri más nim ruq'ij chikiwech konojel dios. Y pa ruwi' ri' kan xtuyoq' k'a ri k'aslik Dios. Kan utz k'a xtel chuwech ronojel ri xkeruben, k'a toq ri Dios xtuya' ri rutojbalil-mak pa ruwi', roma ri bin-pe pa ruwi' kan xtibanatej k'a.

Dn 11:41

Xtok chik k'a chupan ri aruwach'ulew Israel, y e janila chi winaqi' xkerukamisaj. Jak'a ri ruwach'ulew Edom, ri Moab y ri Amón kan xketikir xtikikol-ki' chuwech.

Dn 11:45

Y xkerupabala' ri rachoch banon rik'in tzieq, chukojol ri palou y ri juyu' ri akuchi k'o-wi ri rachoch ri Dios. Jak'a xa kan xtapon k'a chupan ri ruk'isibel q'ij chire ri ruk'aslen, y kan man jun k'a ri xtito'on richin.

Dn 5:19

Roma ri nimirinen ri xya'ox chire roma ri Dios, ri winaqi' richin chijun ruwach'ulew, kan xkik'en rukiy y xkiya' ruq'ij. Rija' kan xuben k'a ronojel ri xqa' chuwech: Xerukamisaj ri xrajo' y xuya' q'ij chi yek'ase' ri xrajo'; ch'aqa' xeruya' pa jotol y ch'aqa' xuqasaj kiq'ij.

Dn 8:4

Y xintz'et chi ri karne'l ri' nuben chi nitoq'on ri keri' pa qajbel-q'ij, pa xaman y pa xokon, y kan man jun k'a chikop ri nitikir ta nupaba-ri' y nukol ta el ri' chuwech roma ri ruchuq'a'. Kan nuben k'a ronojel ri achike ri niqa' chuwech y ri karne'l ri' kan janila k'a xnimer.

Dn 8:7

Y ri tzuntzun xuq'ej y xuwulaj k'a ri ka'i' ruk'a' ri achij karne'l, y ri karne'l xa kan man jun chik k'a ruchuq'a' richin ta xuto-ri'. Chirij ri' ri tzuntzun xuqasaj k'a pan ulew ri achij karne'l, xpa'e' chirij y kan man jun xkolon pa ruq'a'.

Dn 8:9

Y chire jun chike ri uk'a' ri' xbek'ulun chik k'a pe jun ti ko'ol uk'a', ri kan janila xk'iy pa ruchojmilal ri xokon, ri relebel-q'ij, y pa ruchojmilal ri tinamit Israel.

Wuj Richin ri Josúe 1:5

Man jun k'a xtitikir chawij chupan ronojel q'ij chire ri ak'aslen, achi'el xik'oje' rik'in ri Moisés, kan keri' chuqa' xkik'oje' awik'in rat, man xkatinya' ta kan y man xkatinmalij ta kan.