Dn 11:10 - Kaqchiquel Bible

¹⁰ Jak'a ri e ralk'ual ri rey richin ri Siria kan xtiyakatej k'a koyowal, y xtikimol-ki' janila chi aj-labal, richin nibekibana' labal rik'in ri Egipto. Nibekichapa' ri oyowal y kan xtikiwulaj k'a ronojel ri tinamit ri e tz'apen-kij chi tz'aq, achi'el toq niq'ax jun nimalej raqen-ya'.

Dn 11:10 ပူးပေါင်းရင်းမြစ်များ

Wuj Richin ri Isaías 25:12

Ri Jehová kan xkeruwulaj ri tz'aq ri sutiyon-kij ri kitinamit. Kan xkeruwulaj jumul, y xkeruqasaj pan ulew ronojel.

Wuj Richin ri Jeremías 51:42

Ri e etzelanel kichin xkeyakatej chikij achi'el nibolqo't ri palou y xtikinojisaj ri ruwach'ulew.

Dn 11:22

Ri aj-labal ri xtikipaba-ki' chuwech kan xkeruk'is k'a el konojel, achi'el nuben ri raqen-ya' toq nuk'uaj ronojel. Xkeruk'is k'a el junan rik'in ri aj-raqen pa kiwi'.

Dn 11:26

Roma ja jun k'a ri yewa' rik'in ri xkepiskolitej chirij. Ri aj-labal xa xkech'akatej k'a y e k'iy chike rije' xkeken.

Dn 11:7

Man rik'in ri', jun chike ri rach'alal ri ixoq ri' xtiyakatej-el chirij ri Siria. Xtok k'a chupan ri ruwach'ulew ri', y xkeruch'ek ri tinamit ri e tz'apen-kij chi tz'aq.

Dn 11:9

Chirij ri', ri rey richin Siria, kan xtrajo' k'a xtiyakatej chirij ri Egipto, jak'a xa man xtitikir ta, y roma ri' k'o chi xtitzolej chupan ri rajawaren.

Dn 9:26

Toq xq'ax yan ri 483 juna', kan xtelesex k'a ruk'aslen ri tata'al ri', jak'a xa man roma ta rumak rija'. Chirij re' jun aj-raqen ri man etaman ta ruwech y ri ruwinaq xkepe pa Jerusalem achi'el jun raqen-ya' ri nel-el pa ruk'ulba't. Y kan xtikiwulaj k'a ri tinamit Jerusalem y ri rachoch ri Dios. Ri ruk'ayewal y ri labal kan xtik'oje' k'a jantape' k'a toq xtik'is na ri 490 juna', achi'el ri rubin ri Dios.