Dn 10:20 - Kaqchiquel Bible

^20-21 Y rija' xubij: ¿Awetaman ri achike roma in peteneq awik'in? Yin in peteneq awik'in richin nonq'alajirisaj chawech ri tz'ibatel kan chupan ri wuj ri richin ri qitzij. Chirij ri' kan xkitzolej chik richin ninbenbana' oyowal rik'in ri itzel ángel ri k'o pa ruwi' ri ruwach'ulew Persia. Toq xkitikir chirij rija', xa xtibeyakatej chik pe ri itzel ángel ri k'o pa ruwi' ri ruwach'ulew Grecia. Y ninwajo' k'a richin nawetamaj chi kan xaxe k'a ri Miguel ri chajinel iwichin rix ri nito'on wichin.

Dn 10:20 ပူးပေါင်းရင်းမြစ်များ

Wuj Richin ri Esdras 4:4

K'ari' ri etzelanel kichin xkiben chike ri winaqi' aj-Judá chi xmayamo-qa ri kánima, y chuqa' xkiben chike chi xpe xibinri'il chike richin man nikipaba' ta chik q'anej ri rachoch ri Jehová.

Wuj Richin ri Isaías 37:36

Y chupan ri aq'a' ri', xpe k'a ri ángel richin ri Jehová richin xerukamisaj e 185,000 aj-Asiria ri chiri' akuchi ek'o-wi-qa. Y toq xseqer-pe, konojel e kaminaqi' chik.

Dn 10:13

Jak'a ri itzel ángel ri k'o pa ruwi' ri ruwach'ulew Persia, xa xiruq'et-qa juwineq jun q'ij. Jari' toq xapon ri Miguel, jun chike ri tata'al kichin ri ángel. Y rija' kan xiruto'.

Dn 7:6

Y ri rox chikop ri xintz'et kan achi'el k'a rubanik jun balma. K'o k'a kaji' rujolon y kaji' ruxik', achi'el kixik' ri aj-xik' taq chikopi', y kan xya'ox k'a janila uchuq'a' chire richin nich'akon.

Dn 8:21

Ri achij tzuntzun nel chi tzij ri q'atbel-tzij richin ri ruwach'ulew Grecia, y ri uk'a' ri k'o kojol runaq'-ruwech, nel chi tzij ri nabey rey pa ruwi' ri ruwach'ulew ri'.

Hechos 12:23

Kan chupan k'a ri ramaj ri', jun ángel richin ri ajaw xuya' jun yabil pa ruwi' ri Agripa roma rija' xa man xuya' ta ruq'ij-ruk'ojlen ri Dios. Rija' xtij koma jut, y jari' ri xok-el chire richin xken.