Dn 10:19 - Kaqchiquel Bible

¹⁹ Y xubij k'a chuwe: Rat ri kan utz at tz'eton roma ri Dios, man taxibij-awi'. Ja ri uxlanibel-k'u'x tik'oje' awik'in. Tatija' aq'ij y man kamayamo-qa, xcha' chuwe. Rokik najin nich'on wik'in, xk'oje' chik jun bey wuchuq'a', y xinbij chire chi tich'on k'a wik'in, roma kan xuya' yan wuchuq'a'.

Dn 10:19 ပူးပေါင်းရင်းမြစ်များ

Wuj Richin Bix Chire ri Dios 138:3

Ri q'ij toq yin xich'on awik'in, kan xak'uluba-pe ri nuch'abel; kan xaya' k'a ri wuchuq'a'.

Wuj Richin ri Isaías 35:4

Tikuquba' ik'u'x rix ri janila nixibij-iwi', y man chik tixibij-iwi', roma ri Dios xtipe richin xkixrukol. Rija' xtuya' rutojbalil-mak pa kiwi' ri etzelanel iwichin, achi'el ri ruk'amon.

Wuj Richin ri Isaías 41:10

Roma ri' man tixibij-iwi' roma yin kan ink'o iwik'in. Man timalij ik'u'x, roma ja yin ri in i-Dios. Kan xtinya' iwuchuq'a'; y chuqa' kan xkixinto'. Chuqa' kan xtinya' ri nimalej nuq'a' pan iwi'.

Wuj Richin ri Isaías 41:14

Man tixibij-iwi' rix ri ix rijatzul kan ri Jacob, stape' rix nina-iwi' chi man jun iwejqalen. Man timalij-qa ik'u'x, stape' kan ix juba' ok y kan maneq iwuchuq'a', roma ja yin ri xkixinto'. Yin ri in Loq'olej, ri ink'o pan iwi' kan xkixinkol.

Dn 10:18

K'ari' xjel chik apo jun bey wik'in y xiruchop richin xuya' wuchuq'a'.

Dn 9:23

Kan xaxe k'a toq rat xachop yatzijon rik'in ri Dios, kan jari' toq xbix chuwe yin chi yinoch'on awik'in. Y jare' k'a xipe richin nonq'alajirisaj ri xk'utumej chawech. Rat kan utz k'a at tz'eton roma ri Dios, y roma ri' xiruteq-pe. Wakami kan tiq'ax k'a jebel chawech ri nel chi tzij ri xk'utumej yan chawech.

Wuj Richin ri Hageo 2:4

Ri Jehová nubij chiwe rix Zorobabel y ri Josué chi tik'oje' iwuchuq'a'. Y rix winaqi' tikuqer ik'u'x y kixsamej, roma rija' kan nik'oje' iwik'in. Ri Jehová ri k'o ronojel uchuq'a' pa ruq'a' rusujun ronojel re'.

Wuj Richin ri Zacarías 8:13

Ri ojer kan xixok etzelanik chikikojol ri ruwach'ulew. Jak'a chiwech-apo, rix winaqi' aj-Judá y ri aj-Israel, xkixinkol y xkixok jun urtisanik. Roma ri' man k'a tik'oje' xibinri'il iwik'in; xa kan tik'oje' iwuchuq'a'.

Wuj Richin ri Zacarías 8:9

Yin Jehová ri k'o ronojel uchuq'a' pa nuq'a' ninbij chiwe rix ri xixk'oje' wawe' toq ri e q'alajirisey nuch'abel xech'on pa ruwi' ri wachoch toq xya'ox-qa ri ruxe', chi kan tik'oje' iwuchuq'a' y man timayamo-qa ri iwánima, richin nipaba-q'anej ri wachoch.

San Juan 11:3

Ri e ka'i' rana' ri' xkiteq k'a rubixik chire ri Jesús chi ri Lázaro, ri janila nrajo', yawa'.

San Juan 11:36

Jari' k'a toq ri winaqi' xkibila': Titzu', la Jesús niq'alajin chi kan janila xrajo' ri Lázaro, xecha'.

San Juan 11:5

Ri Jesús kan janila k'a nrajo' ri Marta, chuqa' ri María y ri Lázaro.

San Juan 14:27

Ri uxlanen ri k'o wik'in yin, kan jari' k'a ri ninya' kan chiwe. Jak'a ri uxlanen ri' man achi'el ta k'a ok ri uxlanen ri nikisuj ri winaqi' ri xa k'a kikuquban na kik'u'x rik'in re ruwach'ulew. Roma ri' man tisach ik'u'x, y man tixibij-iwi'.

San Juan 16:33

Ronojel k'a re', kan ninq'alajirisaj yan kan chiwe, richin chi kan k'o ta k'a ri uxlanen pa taq iwánima roma rix itunun chik iwi' wik'in. Y ninbij k'a chuqa' kan chiwe, chi kan xtiwil-wi tijoj-poqonal. Jak'a yin xich'akon yan chirij ri Itzel-Wineq ri chapayon richin re ruwach'ulew. Roma ri' kan tikuquba' ik'u'x iwik'in, xcha'.

San Juan 19:26

Toq ri Jesús xutz'et k'a pe ri rute' y ri rutijoxel ri janila nrajo', xubij k'a chire ri rute': Tabana' chire chi kan ja rija' ri achi'el awal, xcha'.

San Juan 21:20

Toq ri Jesús y ri Pedro e beneq, ri Pedro xtzu'un kan chirij y xutz'et k'a chi k'o jun chik tijoxel ri beneq chikij. Y ja tijoxel ri' ri janila najowex roma ri Jesús. Ja chuqa' ri' ri xraq'e-apo chuwa-ruk'u'x ri Jesús toq xkiben ri jun nima-wa'in, y ri xk'utun k'a chire ri Jesús chi achike k'a ri xtijacho richin.

1 Corintios 16:13

Wach'alal, tichajij k'a ri ik'aslen y chuqa' kan ta kuqul ik'u'x rik'in ri Dios. Man titzolij-iwi' chiwij, xa tik'oje' iwuchuq'a' y kow kixk'oje'.

2 Corintios 12:9

Jak'a ri ajaw xubij chuwe: Rat xaxe k'a kakikot rik'in ri wutzil y man jun chik ri xtik'atzin ta chawe. Toq maneq chik awuchuq'a' nana' rat, yin kan xkik'oje' awik'in y ninya' ri uchuq'a' ri nik'atzin chawe, xcha' chuwe. Roma ri' yin janila yikikot roma ri e nuk'uluwachilon ri xa nikik'ut chi maneq wuchuq'a'. Y rik'in ri' kan niqaqa-wi k'a pe ri ruchuq'a' ri Cristo pa nuwi'.

Efesios 6:10

Y pa ruk'isibel ninbij k'a el chiwe wach'alal, chi kan tikanoj k'a iwuchuq'a' rik'in ri Dios, roma rik'in rija' kan nim wi uchuq'a' k'o.

2 Timoteo 2:1

Ninbij k'a chawe rat Timoteo, ri at achi'el nuk'ajol, chi kan tik'oje' k'a el awuchuq'a' rik'in ri utzil ri niqak'ul roma ri Cristo Jesús.

Wuj Richin ri Josúe 1:9

Tawak'axaj k'a ri ninbij chawe: Tatija' k'a aq'ij y kow k'a kak'oje', man taxibij-awi', ni man timayamo-qa ri awánima roma yin Jehová ri a-Dios kan xkik'oje' awik'in xabakuchi xkabe-wi, xcha' ri Dios chire ri Josué.

Apocalipsis 1:17

Toq yin xintz'et ri', achi'el jun kamineq xitzaq-qa chiraqen. Jak'a rija' xuya' ri rijkiq'a' pa nuwi' y xubij chuwe: Man taxibij-awi', roma ja yin ri in k'o pe pa nabey y ja yin in k'o pa ruk'isibel.

Wuj Kichin ri To'onela' 6:23

Jak'a ri Jehová xubij-pe chire: Tik'oje' uxlanibel-k'u'x awik'in y man taxibij-awi' roma xa man xkaken ta, xcha'.