Dn 10:16 - Kaqchiquel Bible

¹⁶ Jari' toq rija' xuchop ri nuchi', y kan jari' k'a xich'on y xinbij chire: Roma ri xk'utumej chinuwech, yin kan janila yibison, y maneq chik wuchuq'a'.

Dn 10:16 ပူးပေါင်းရင်းမြစ်များ

Ex 4:10

K'ari' ri Moisés xubij chire ri Jehová: ¡Ajaw! Yin xa man xkitikir ta xtinben ri nawajo' rat, roma yin xa kan wichin wi chi man nel ta ok ri nuch'abel. Xa kan keri' ri rubanon kan y man k'a ta re wakami toq rat achapon-pe ch'owen rik'in re asamajel re', xcha'.

Ex 4:13

Ri Moisés xubij chik jun bey: ¡Ajaw! Tabana' utzil tataqa' jun chik, richin nuben ri samaj ri', xcha'.

Wuj Richin ri Molojri'il 1:18

Y keri' toq k'iy chik na'oj k'o awik'in, re' xa man nuben ta chawe chi nikuqer ak'u'x rik'in ri nach'ob. Y ri nuya' chik q'anej más etamabel pa ruwi' xa nuk'en-pe janila q'axo'n chire.

Wuj Richin ri Isaías 6:7

y xuya-apo ri q'aq' ri' chi nuchi', y xubij chuwe: Re q'aq' re' xuneq ri achi'. Y re' xuben chi kan xkuyutej k'a ronojel ri amak, richin kan man xtawejqalej ta chik, xcha'.

Wuj Richin ri Jeremías 1:9

Jari' toq ri Jehová xuya-apo ri ruq'a' y xuchop ri nuchi' y xubij chuwe:

Ez 1:26

Y pa ruwi' ri', xintz'et k'a chi k'o jun ri achi'el rubanik jun tz'uyubel, ri niyok'olin achi'el jun jebelej raxroj-abej y pa ruwi' ri' niyakatej-el jun achi'el wineq.

Ez 3:27

Jak'a toq yin k'o ninwajo' ninbij chawe, xtinya' chik ri ach'abel y k'ari' xtabebij chike ri rutzijol. Y ri nrajo' nrak'axaj kan trak'axaj k'a. Y ri man nrajo' ta nrak'axaj kan man k'a trak'axaj, roma rije' kan e jun tinamit ri yalan itzel, xcha'.

Ez 33:22

Jak'a ri aq'a' toq man jani tapon ri uk'uayon ri rutzijol chuwe, ri Jehová xutzeqej yan ri ruq'a' pa nuwi' richin xitikir xich'on chik jun bey. Y ri nimaq'a' toq xoqaqa ri achin ri niya'on rutzijol chuwe xich'on rik'in.

Dn 12:8

Yin kan xinwak'axaj k'a ri xubij, jak'a xa man xq'ax ta chinuwech. Y roma ri' xink'utuj chik apo chire chi k'a janipe' xtibetane' ronojel re'.

Dn 4:19

Toq xrak'axaj ronojel re' ri Daniel kan xpax ránima y jun xk'oje-wi chuch'obik, y keri' k'a xk'oje' jubama jun hora. Kan janila k'a xuxibij-ri' y roma ri' yin Nabucodonosor xinbij chire: Beltsasar, man tach'ujirisaj-awi' rik'in ri wachik', y ri nel chi tzij, xicha' chire. K'ari' rija' xubij chuwe: Wajaw yin, re achik' re' kan ta pa kiwi' ri e etzelanel awichin xtiqaqa-wi. Ri nel chi tzij re achik' re', kan ta k'a ja ri itzel nikirayij chawij ri xkek'uluman.

Dn 7:15

Yin, Daniel, kan janila k'a xink'en rukiy, y kan janila xinch'ob rij ronojel ri yinajin chutz'etik.

Dn 7:28

Wawe' k'a xtane-wi ri rusolik-rij ronojel ri xintz'et. Jak'a yin Daniel kan sachineq k'a nuk'u'x y kan nukajman yitzu'un. Man rik'in ri' kan xinyek k'a pa wánima ronojel ri xintz'et y ri xbix chuwe.

Dn 8:15

Xk'uluwachitej k'a chi toq xintz'et yan ronojel re', y rokik ninch'ob rij ri achike nel chi tzij, kan jari' k'a xbepa'e' chinuwech jun ri achi'el titzu'un jun wineq, y rija' rubini'an Gabriel. Y jun chik wineq xch'on-pe chiri' chuchi' ri raqen-ya' Ulai, ri kan nureq ruchi' y nubij chire ri Gabriel chi tuq'alajirisaj chinuwech ri yinajin chutz'etik.

Dn 8:17

Y ri Gabriel kan xjel k'a apo wik'in. Y jari' toq yin kan janila xinmey, y roma ri' xinqasaj-wi' k'a pan ulew chuwech. Jak'a rija' xubij k'a chuwe chi yin k'o chi niq'ax jebel chinuwech ri yinajin chutz'etik. Ronojel re' kan xtibebanatej k'a chiqawech-apo, xcha'.

Dn 8:18

Rokik rija' nich'on wik'in, yin xa ximayamo-qa y xijupuju-qa pan ulew. Jak'a rija' xiruchop-qa y xuben chuwe richin xipa'e' chik q'anej.

Dn 8:27

Chirij ronojel re', yin nina' chi xk'is wuchuq'a' y kan xiyawej k'a ka'i-oxi' q'ij. Y toq xik'achoj-el xiyakatej-el y xibe chik pa nusamaj rik'in ri rey, jak'a xa janila nuxibin-wi', roma ri xintz'et. Y kan man niq'ax ta chinuwech.

Dn 9:21

Rokik yinajin chire ri ch'owen ri', jari' toq ri Gabriel, ri nutz'eton chik chupan ri achi'el achik', peteneq k'a pa kaq'iq' y xoqaqa wik'in, chupan ri ramaj toq nisuj ri kamelabel richin tiqaq'ij pa Jerusalem.

San Lucas 1:64

Kan chupan k'a ri ramaj ri', ri Zacarías xch'on chik jun bey. Y xunimirisaj ruq'ij ri Dios.

San Lucas 21:15

roma kan ja yin ri xkiya'on ch'abel chiwe. Xtinya' chuqa' etamabel chiwe richin keri' man jun xketikir xtikibij chiwe ri ye'etzelan iwichin.

San Juan 20:28

K'ari' ri Tomás xubij chire ri Jesús: Kan ja rat k'a nu-Dios yin y wajaw yin, xcha'.

Wuj Richin ri Josúe 5:14

K'ari' ri achin ri' xubij chire ri Josué: Man jun chike ri ka'i' ri nabij rat, yin kan in tata'al kichin ri e richin ri Jehová ri in peteneq wakami, xcha'. Jari' toq ri Josué xuxuk-xumej-ri' chuwech richin xuya' ruq'ij, y xubij chire: Ajaw ¿achike k'a nawajo' nabij chuwe yin ri asamajel?, xcha'.

Apocalipsis 1:13

Y pa kinik'ajal ri wuqu' kandelero ri' pa'el jun achi'el wineq, rukusan jun rutziaq ri napon k'a chiraqen-qa. Y rukusan chuqa' jun ximibel banon rik'in q'anapueq, y re ximibel re' q'axineq chuwa-ruk'u'x.

Wuj Kichin ri To'onela' 13:8

Jari' toq ri Manoa xch'on rik'in ri Jehová y xubij: Wajaw, yin nink'utuj utzil chawe richin tataqa' chik pe jun bey ri achin qik'in, richin nubij chiqe ri achike ruk'amon niqaben rik'in ri ak'ual ri xtibe'alex, xcha'.

Wuj Kichin ri To'onela' 6:13

Ri Gedeón xubij chire: Wajaw yin, wi ri Jehová k'o qik'in roj, ¿achike k'a roma toq niqaq'axaj ronojel re'? ¿Akuchi k'o-wi ri meyel taq banobel, ri kitzijon kan ri qati't-qamama' toq xkibij chi ri Jehová xerelesaj-pe pan Egipto? ¿Wakami achike k'a roma toq oj rumalin kan y oj rujachon pa kiq'a' ri aj-Madián?, xcha'.

Wuj Kichin ri To'onela' 6:15

Jak'a ri Gedeón xubij: Wajaw yin, ¿in achike ta k'a ok yin richin chi ja yin ri yikolon kichin ri nuwinaq? Roma yin xa yipe pa jun jay winaqi' ri maneq ok ruchuq'a', ri richin ri tzobaj richin kan ri Manasés, y chuqa' xa in ch'i'p chikikojol ri wach'alal, xcha'.