Dn 10:1 - Kaqchiquel Bible

¹ Chupan ri rox juna' chire ri q'atbel-tzij richin ri Ciro, rey pa ruwi' ri ruwach'ulew Persia, jari' toq k'o xq'alajirisex chinuwech yin. Y ronojel ri xbix chuwe kan qitzij y kan k'o-wi ruk'ayewal chupan. Y k'ari' xq'ax chinuwech ri xbix chuwe.

Dn 10:1 ပူးပေါင်းရင်းမြစ်များ

Wuj Richin ri Rutikeribel 41:32

Y re ka'i' achik' re xaben, re' kan nel chi tzij chi ri Dios kan xtuben-wi y kan chi'anin yan xtibanatej.

2 Crón 36:22

Chupan ri nabey juna' richin ri q'atbel-tzij richin ri Ciro rey richin Persia, richin nibanatej achi'el rubin kan ri Jehová chire ri Jeremías, ri Jehová xusiloj ránima ri rey ri' y xuben chire chi tutaluj rutzijol y tutaluj wuj chupan chijun ruq'atbal-tzij. Y ri Ciro kere' k'a xubij:

Wuj Richin ri Esdras 3:7

Y xkiya' k'a méro chike ri aj-tz'aq y chike ri ajanela' ri xkebesamej. Y chuqa' xkiya' kiway-kuk'ya' y aceite, chike ri aj-Sidón y ri aj-Tiro, richin chi nikik'en-pe tiox-che' k'a pa Líbano y nikik'uaj k'a pa Jope pa ruwi' ya'. Y ronojel re' xban roma ri Ciro, rey richin Persia, kan xuya' q'ij chike.

Wuj Richin ri Esdras 4:3

Jak'a ri Zorobabel, ri Josué y ri ch'aqa' chik aj-raqen xkibij chike: Man ruk'amon ta richin niqapaba-q'anej ri rachoch ri Dios junan iwik'in rix. Kan qayon roj xtiqapaba-q'anej ri rachoch ri Jehová, ri qa-Dios, roma kan keri' xubij chiqe ri Ciro rey richin Persia, xecha'.

Wuj Richin ri Esdras 4:5

Xekipuaqij k'a jujun achi'a' ri ek'o pa q'atbel-tzij, richin chi tikibana' chike ri winaqi' ri xetzolin-pe chi tikimalij kik'u'x y man nikiben ta q'anej ri samaj. Keri' k'a xkiben ri winaqi' ri' janipe' xq'aton-tzij ri rey Ciro y chuqa' toq xq'aton-tzij ri Darío rey richin Persia.*f1*

Wuj Richin ri Esdras 6:14

Keri' ri aj-raqen ri ek'o pa kiwi' ri judío xkipaba' k'a q'anej ri rachoch ri Dios. Y ri winaqi' kan utz k'a xel chikiwech roma ri tijonik ri xkik'ul kik'in ri Hageo y ri Zacarías ri ruk'ajol ri Idó. Xkipaba' k'a q'anej, y xkik'is achi'el xubij ri ki-Dios ri k'o pan Israel, y achi'el xkibij ri e oxi' rey richin Persia: Ri Ciro, ri Darío y ri Artajerjes.

Wuj Richin ri Esdras 6:3

Chupan k'a ri nabey juna' toq niq'aton-tzij ri rey Ciro, xuya' k'a re ruchojmilal re' pa ruwi' ri rachoch ri Dios, ri k'o pa Jerusalem, richin tipabex chik q'anej jun bey ri jay ri', ri akuchi nisuj-wi kamelabel. Y kan jebel keban kan chire ri ruxe'. Y ri tz'aq richin ri jay k'o chi nuk'uaj waqlajuj jaj ri rujotolen y waqlajuj jaj ri ruwech.

Wuj Richin ri Isaías 44:28

Chuqa' ja yin ri yibin chire ri rey Ciro chi ja rija' ri xtok yuq'unel wichin, y ja rija' xtibanon ronojel ri nurayibel. Ri Ciro xtubij chi xtipabex chik jun bey ri tinamit Jerusalem, y chi ri wachoch kan xtipabex chik jun bey.

Dn 1:17

Ri Dios kan xuya' k'a ronojel etamabel y na'oj chike ri kaji' alaboni' ri', richin niq'ax chikiwech ri tijonik ri niya'ox chike. Y chire ri Daniel xuya' na'oj richin nuq'alajirisaj achik' y ronojel ri yek'utumej chuwech jun wineq.

Dn 1:21

Y ri Daniel xsamej chiri', y kan k'a k'o chiri' toq ri Ciro aj-Persia xuch'ek kan ri ruwach'ulew Babilonia.

Dn 1:7

Jak'a ri Aspenaz xujel kibi' ri alaboni' ri', y xukanoj pa kich'abel ri aj-Babilonia. Y kere' ri kibi' ri xuya': Ri Daniel xubini'aj Beltsasar; ri Ananías, Sadrac; ri Misael, Mesac; y ri Azarías, Abed-negó.

Dn 10:14

Wakami, in peteneq richin nonq'alajirisaj chawech ri xtipe pa ruwi' ri atinamit chawech-apo, roma ri xk'utumej chawech xa kan richin k'a ri q'ij ri', xcha'.

Dn 11:2

Wakami k'a, yin xtinbenk'utu' k'a chawech ri qitzij. Xkebeyakatej k'a pe e kaji' chik rey richin ri ruwach'ulew Persia, y ri ruk'isibel kan janila rubeyomel xtibek'oje', y kan más k'a k'iy chikiwech ri ch'aqa' chik ri xek'oje'. Y toq xtik'oje-q'anej ruchuq'a' roma ri rubeyomel, kan xtiyakatej k'a chirij ri ajawaren richin Grecia.

Dn 12:4

Jak'a rat Daniel, kan tatz'apej kan jebel re wuj re', k'a toq xtapon na k'a ri ruq'ijul richin ri ruk'isibel taq q'ij. Chupan ri q'ij ri' ri winaqi' kan xtikitej k'a kiq'ij richin niketamaj, y ri etamabel kan xtibe k'a pa jotol, xcha' chuwe.

Dn 12:9

Y rija' xubij chuwe: Rat Daniel katzolin, roma ronojel re' kan xtz'apetej yan, y k'a pa ruk'isibel taq q'ij xtiq'alajirisex ronojel re'.

Dn 2:21

Ja rat yabanon richin yeq'ax ri ik' y ri juna'. Ja rat yaya'on ri q'atbel-tzij, y rat yatelesan kichin. Ja rat yaya'on na'oj chike ri e aj-na'oj, ri etamabel kan rat k'a yaya'on chike ri etamanela'.

Dn 4:8

K'a ja toq xpe na ri Daniel ri chuqa' rubini'an Beltsasar, achi'el rubi' ri jun chike ri dios. Ri kan ya'on nojibel chire roma ri k'aslik Dios, kere' k'a ri xinbij chire:

Dn 5:12

Ri achin ri' kan jari' ri Daniel, ri rubini'an chuqa' Beltsasar. Rik'in rija' kan k'o k'a ronojel nojibel y etamabel richin nuq'alajirisaj achik', y nubij ri ye'el chi tzij, y kan nuchojmirisaj k'ayew taq banobel. Kan tawoyoj k'a rija', y kan xtuq'alajirisaj k'a chawech ri xtz'ibex kan chuwech ri jay, xcha'.

Dn 5:17

Jari' k'a toq ri Daniel xubij chire ri rey: Ri sipanik ri naya' chuwe, xa tik'oje' kan awik'in. Xa kan taya' k'a chike ch'aqa' chik ri nasuj chuwe yin. Man rik'in ri' yin kan xtintz'et k'a ri tz'iban kan chuwech ri jay y xtinbij k'a chawe ri nel chi tzij.

Dn 6:28

Keri' k'a ri Daniel xk'oje' k'a ruq'ij chupan chijun ri q'atbel-tzij richin ri rey Darío. Y chirij ri Darío, xk'oje' chuqa' ruq'ij chupan ri q'atbel-tzij richin ri Ciro, ri rey richin ri ruwach'ulew Persia.

Dn 8:26

Ri xq'alajirisex chawech pa ruwi' ri jubama wuqu' juna' ri' kan qitzij chi keri' xtibebanatej. Jak'a rat Daniel kan man tatzijoj ri xatz'et, roma re' xa kan xtibebanatej k'a toq q'axineq chik k'iy juna', xcha'.

San Lucas 1:20

Ronojel re' kan xtibanatej na wi. Y roma man xanimaj ta ri xinbij chawe, xkamemur*f2* k'a kan, man k'a xkach'on ta, k'a toq xtapon ri q'ij richin nibanatej ri xinbij chawe, xcha'.

Apocalipsis 19:9

Y ri ángel ri beneq wik'in, xubij chuwe: Tatz'ibaj k'a, chi jebel ruwa-kiq'ij ri e oyon richin ri nimaq'ij chupan ri ruk'ulubik ri Karne'l, xcha'. Y ri ángel ri' kan xubij chuqa' chuwe: Re tzij re xinbij chawe, kan ja ri Dios biyon y kan qitzij wi, xcha'.