Dn 1:8 - Kaqchiquel Bible

⁸ Jak'a ri Daniel kan xubij pa ránima chi man xtutz'ilobisaj ta ri ruk'aslen rik'in ri q'utun y ri vino ri nutej ri rey. Roma ri' xuk'utuj utzil chire ri Aspenaz chi man tiban chire chi nuq'ej ruwi' rutzij ri ru-Dios.

Dn 1:8 ပူးပေါင်းရင်းမြစ်များ

1 Rey 5:5

Roma ri' yin wakami ninwajo' ninpaba-q'anej jun rachoch ri Jehová ri nu-Dios, roma kan keri' rubin chire ri nata' toq k'a k'es na rija'. Ri Jehová xubij chire ri nata' chi xtuya' kan jun chike ri ruk'ajol pa ruk'exel rija' chupan ri ruq'atbal-tzij. Y chuqa' xubij chi ri ruk'ajol ri', jari' ri xtipaban-q'anej ri rachoch.

Wuj Richin Bix Chire ri Dios 106:28

Ri israelita xa xkisamajij ri dios Baal-peor. Xkitej ri sipanik ri e sujun chik chikiwech ri dios ri maneq kik'aslen.

Wuj Richin Bix Chire ri Dios 119:106

Xinya' nutzij y xinjikiba', chi kan jantape' xtintaqej ri apixa' ri kan choj-wi.

Wuj Richin Bix Chire ri Dios 119:115

Rix winaqi' ri ix banoy taq etzelal, kan tich'ara-el-iwi', roma yin kan nintaqej na ri rupixa' ri nu-Dios.

Wuj Richin Bix Chire ri Dios 141:4

Man taya' q'ij, chi ri wánima nikikot rik'in ri etzelal, chi yin ninben ri itzel taq banobel, ri kan man niqa' ta chawech. Man taya' q'ij chi yin yinimaq'ijun kik'in winaqi' ri e banoy etzelal.

Wuj Richin Etamabel-Tzij 23:3

Man kan janila tarayij kiwech ri q'utun, xaxe roma ri kibanik banon chike; roma rik'in juba' ri xoyon awichin, xa k'o roma toq kan keri' rubanik wa'in ri nusuj chawe.

Dn 1:5

Y chuqa' xubij chi ri alaboni' ri' k'o chi nikitej ri q'utun achi'el nutej rija' q'ij-q'ij, y ri vino ri nuqum rija', jari' k'o chi nikiqum chuqa' rije'. Y oxi' juna' k'o chi yetijox richin chi ye'ok aj-raqen rik'in rija'.

Dn 5:4

Yequmun k'a y nikiya' ruq'ij ri ki-dios ri xa e banon rik'in q'anapueq, saqipueq, q'enq'oj-pueq, q'eqapueq, che' y abej.

Hechos 11:23

Toq ri Bernabé xapon, xutz'et k'a chi ri Dios kan ruya'on-wi k'a ruq'a' pa ruwi' ri kisamaj ri qach'alal. Roma ri' janila xkikot ránima ri Bernabé, y xubij k'a chike konojel chi kan tikuqer kik'u'x rik'in ri ajaw Jesucristo, y chi kan rik'in ronojel kánima kek'oje' rik'in.

Hechos 15:20

Ri ruk'amon k'a niqaben, ja ri tiqataqa-el rubixikil chike chupan jun wuj, chi man yekitej ri xa man utz ta richin nitij roma ya'on chik chikiwech ch'aqa' chik dios. Chuqa' ri winaqi' e k'ulan man tikikanola-ki' richin yemakun, y man chuqa' tikitej ti'ij kichin ri chikopi' ri xejiq', ni man k'a chuqa' tikitej kik', qojcha-el chupan ri wuj.

1 Corintios 7:37

Jak'a wi nutz'et ri tata'aj chi ri rumi'al xa man nik'atzin ta chi nik'ule', y wi rija' kan k'a k'o na pa ruwi' ri xten ri'; wi keri', ri tata'aj man k'a tubij chire chi k'o chi nik'ule'.

2 Corintios 9:7

Roma ri' chi'ijujunal rix tiya' k'a achi'el ri xubij ri iwánima chiwe. Man k'a tiya' rik'in bis, ni man tiya' chuqa' xaxe roma xk'utux chiwe. Xa kan rik'in kikoten tiya' ri to'onik, roma ri Dios kan yerajo' ri yeya'on rik'in ronojel kánima.

Deut 32:38

¿Akuchi kami ek'o-wi ri i-dios ri nibij chi utz nikiseq ri ruq'anal ri chikop richin ri ikamelabal? ¿Akuchi kami ek'o-wi ri i-dios ri chuqa' nibij chi nikiqum ri isipanik richin vino? ¡Keyakatej k'a richin yixkito' y yixkikol!, xticha' ri Jehová.