Dn 1:7 - Kaqchiquel Bible

⁷ Jak'a ri Aspenaz xujel kibi' ri alaboni' ri', y xukanoj pa kich'abel ri aj-Babilonia. Y kere' ri kibi' ri xuya': Ri Daniel xubini'aj Beltsasar; ri Ananías, Sadrac; ri Misael, Mesac; y ri Azarías, Abed-negó.

Dn 1:7 ပူးပေါင်းရင်းမြစ်များ

Wuj Richin ri Rutikeribel 41:45

Y jari' k'a toq ri rey xujel ri rubi' ri José y xubij Safenat-panéah chire, y xuk'uluba' rik'in ri Asenat, rumi'al ri Potifera, sacerdote richin ri tinamit On. Jari' toq ri José xuchop rutz'etik chijun ri ruwach'ulew Egipto.

2 Rey 23:34

K'ari' ri rey Necao xuya' ri Eliaquim ruk'ajol ri Josías richin xok kan rey, pa ruk'exel ri rutata'. Y kan xujel k'a ri rubi' y xubij Joaquim chire. K'ari' ri Joacaz xuk'uaj-el pan Egipto, y rija' chiri' xken-wi.

2 Rey 24:17

K'ari' ri rey richin Babilonia xuben rey chire ri Matanías ri ruch'utitata' ri Joaquín, y xujel kan ri rubi' y xubij Sedequías chire.

Dn 1:19

Y ri rey xch'on kik'in konojel ri alaboni' y xutz'et k'a chi chikikojol konojel rije' kan e maneq chik ri e achi'el ta ri kibanik ri Daniel, ri Ananías, ri Misael y ri Azarías. Roma ri' ja kaji' k'a alaboni' ri' ri xek'oje' kan aj-raqen pa kiwi' ri rusamajela' ri rey.

Dn 1:3

Chirij ri' ri rey xch'on rik'in ri aj-raqen pa kiwi' ri rusamajela', ri rubini'an Aspenaz, y xubij chire chi kek'amer-pe alaboni' chikikojol ri israelita ri e rijatzul ri rey y ri e tata'al.

Dn 10:1

Chupan ri rox juna' chire ri q'atbel-tzij richin ri Ciro, rey pa ruwi' ri ruwach'ulew Persia, jari' toq k'o xq'alajirisex chinuwech yin. Y ronojel ri xbix chuwe kan qitzij y kan k'o-wi ruk'ayewal chupan. Y k'ari' xq'ax chinuwech ri xbix chuwe.

Dn 2:26

K'ari' ri rey xuk'utuj chire ri Daniel wi kan qitzij nitikir nubij chire ri rachik' y ri nel chi tzij.

Dn 2:49

Y ri Daniel kan xch'on k'a rik'in ri rey pa kiwi' ri Sadrac, Mesac, y Abed-negó roma ri' ri rey kan xeruya' k'a pa utzilej taq samaj ri alaboni' ri' y xe'ok aj-raqen pa ruwi' chijun ruwach'ulew Babilonia. Jak'a ri Daniel kan chupan ri jay richin q'atbel-tzij rik'in ri rey xk'oje-wi.

Dn 4:5

Jak'a k'o jun aq'a' xinben jun achik', ri kan xuk'en-pe xibinri'il chuwe. Y keri' ink'o pa nuch'at janila xinch'ob rij ri xintz'et, y kan xsach nuk'u'x.

Dn 4:8

K'a ja toq xpe na ri Daniel ri chuqa' rubini'an Beltsasar, achi'el rubi' ri jun chike ri dios. Ri kan ya'on nojibel chire roma ri k'aslik Dios, kere' k'a ri xinbij chire:

Dn 5:12

Ri achin ri' kan jari' ri Daniel, ri rubini'an chuqa' Beltsasar. Rik'in rija' kan k'o k'a ronojel nojibel y etamabel richin nuq'alajirisaj achik', y nubij ri ye'el chi tzij, y kan nuchojmirisaj k'ayew taq banobel. Kan tawoyoj k'a rija', y kan xtuq'alajirisaj k'a chawech ri xtz'ibex kan chuwech ri jay, xcha'.