Dn 1:4 - Kaqchiquel Bible

⁴ Rije' kan nik'atzin chi kan e tz'aqet y kan e jebel ok, y e tijon jebel rik'in ronojel etamabel y kan e nowineq, ri kan e nojineq chuqa' rik'in na'oj y kan ruk'amon richin yek'oje' pa rachoch ri rey. Y chuqa' xubij chike chi ketijox rik'in ri kich'abel ri aj-Babilonia, y tik'ut rutz'ibaxik ri ch'abel ri' chikiwech.

Dn 1:4 ပူးပေါင်းရင်းမြစ်များ

Wuj Richin ri Rutikeribel 41:46

Ri José k'o k'a juwineq lajuj rujuna' toq xuchop nusamajij ri rey ri richin Egipto. Y xuchop k'a nel chubanik ri rusamaj y xretamaj chijun ri ruwach'ulew Egipto.

2 Sam 14:25

Ri Absalón kan janila k'a jebel ok. Y kan man jun k'a chikikojol ri israelita ri achi'el ta rija'. Kan chijun ri rubanik kan jebel nitzu'un. Y roma ri' ri winaqi' kan xaxe rija' ri nikinataj.

Wuj Richin Etamabel-Tzij 22:29

Wi rat awetaman ruwech jun wineq ri kan jebel nisamej pa rusamaj rija', ri wineq ri' kan tikirel chire chi nibesamej kik'in ri e rey, y man kik'in ta xabachike winaqi' nril-wi rusamaj.

Wuj Richin ri Molojri'il 7:19

Ri na'oj ri k'o rik'in jun wineq aj-na'oj kan nuya' janila ruchuq'a', jun uchuq'a' más nim ke chuwech ri kuchuq'a' lajuj q'atoy taq tzij pa jun tinamit.

Wuj Richin ri Isaías 36:11

Ronojel re' ri aj-raqen kichin ri aj-Asiria xubij pa ch'abel hebreo. Jak'a ri Eliaquim, ri Sebná y ri Joah xkibij chire chi tich'on kik'in pa ch'abel arameo, richin man niq'ax ta chikiwech ri kiwinaq ri ek'o pa ruwi' ri tz'aq.

Wuj Richin ri Jeremías 5:15

Y chuqa' ninbij chiwe rix nutinamit, chi yin xkenteq-pe winaqi' chiwij ri k'a janila nej yepe-wi, jun tinamit ri k'o ruchuq'a' y kan ojer ri' k'o-pe. Y rix kan man xtiq'ax ta k'a chiwech ri kich'abel rije'.

Dn 2:10

Jak'a ri etamanela' xkibij chik chire ri rey: Kan maneq k'a etamanela' chuwech re ruwach'ulew ri xketikir ta xtikiq'alajirisaj chawech ri nak'utuj rat rey. Pa ruwi' ri' kan man jun k'a rey, ni man jun tata'al ri ruk'utun ta chike ri etamanela' achi'el re nak'utuj rat.

Dn 2:2

Roma ri' xuteq koyoxik ri e aj-q'ija' y ri e aj-itza' y ri etamanela' aj-Caldea, richin nikiq'alajirisaj chuwech ri achik' ri xeruben. Y konojel re achi'a' re' kan xe'apon k'a chuwech.

Dn 3:8

Chupan ri q'ij ri' ek'o k'a jujun chike ri aj-Babilonia ri kan itzel yekitz'et ri aj-Judá, y roma ri' rik'in ch'upun-k'u'x xebekisujuj rik'in ri rey.

Dn 5:11

Roma chupan ri awajawaren kan k'o jun achin ri kan ya'on nojibel chire koma ri e dios. Y chupan ri q'ij toq xk'oje' ri Nabucodonosor, kan xilitej k'a rik'in ri achin ri' ri nojibel y ri etamabel, kan achi'el ri k'o kik'in ri dios. Roma ronojel ri etamabel ri xilitej rik'in, ri Nabucodonosor kan xuben k'a chire chi xok aj-raqen pa kiwi' ri etamanela' aj-Caldea, ri aj-q'ija' y ri aj-itza'.

Dn 5:7

K'ari' xsik'in y xubij chi ke'oyox-pe ri etamanela' ri aj-Caldea, ri aj-q'ija' y ri aj-itza'. Y toq ek'o chik chuwech xubij chike: Xabachike k'a ri nitikir nitz'eton re tz'ibanik re' y nubij chuwe ri achike nel chi tzij, kan xtinben k'a chire chi nukusaj ri tzieq q'eqq'oj-keq nitzu'un, y xtinya' jun ichinaj chiruqul ri banon rik'in q'anapueq. Y kan jari' xtok q'atoy-tzij chuwij qa yin, xcha'.

Dn 9:1

Toq k'a k'es na ri rey Darío, ruk'ajol ri Asuero, ri aj-Media, y chupan ri nabey juna' toq xkiben rey chire pa ruwi' ri ajawaren richin Babilonia.

Wuj Richin ri Zacarías 2:4

Y xubij k'a chire: Chi'anin ri' kabech'on rik'in la achin ri uk'uayon ri k'an y tabij chire chi ri Jerusalem man tikirel ta chi niya'ox tz'aq chirij, roma e janila chi winaqi' ek'o y janila chi awej.

Hechos 7:20

chupan k'a ri q'ij ri' xalex ri Moisés ri chiri' chuqa' pan Egipto. Chuwech ri Dios, re ak'ual re' yalan jebel. Oxi' k'a ik' ri xilix koma ri rute-rutata'.

Hechos 7:22

Roma ri' ri Moisés kan xtijox-wi jebel rik'in ronojel ruwech etamabel ri k'o kik'in ri nima'q taq winaqi' aj-Egipto. Y kan niq'alajin toq k'o nubij y toq k'o nuben.

Efesios 5:27

Keri' xuben richin chi roj ri qakuquban qak'u'x rik'in, man jun ta qamak xtiq'alajin chuwech. Xa nrajo' chi kan ch'ajch'oj ri yojapon rik'in, achi'el jun tzieq ri ch'ajch'oj chik; banon chik ruchojmil, y man yochoyik ta chik.

Wuj Kichin ri To'onela' 8:18

K'ari' ri Gedeón xuk'utuj chike ri Zebáh y ri Salmuná: ¿Achike kibanik ri achi'a' ri xe'ikamisaj ri chiri' pa juyu' Tabor?, xcha'. Y rije' xkibij: Achi'el abanik rat; keri' kibanik rije', y ri yetzu'un kan achi'el e ruk'ajol jun rey, xecha'.