Dn 1:19 - Kaqchiquel Bible

¹⁹ Y ri rey xch'on kik'in konojel ri alaboni' y xutz'et k'a chi chikikojol konojel rije' kan e maneq chik ri e achi'el ta ri kibanik ri Daniel, ri Ananías, ri Misael y ri Azarías. Roma ri' ja kaji' k'a alaboni' ri' ri xek'oje' kan aj-raqen pa kiwi' ri rusamajela' ri rey.

Dn 1:19 ပူးပေါင်းရင်းမြစ်များ

Wuj Richin ri Rutikeribel 41:46

Ri José k'o k'a juwineq lajuj rujuna' toq xuchop nusamajij ri rey ri richin Egipto. Y xuchop k'a nel chubanik ri rusamaj y xretamaj chijun ri ruwach'ulew Egipto.

1 Rey 17:1

Y k'o k'a jun q'ij k'o jun q'alajirisey ruch'abel ri Dios ri xch'on rik'in ri rey Acab. Y ri q'alajirisanel ri' rubini'an Elías, y rija' aj-Tisbé, ri k'o pa ruwach'ulew Galaad. Y ri Elías xubij chire: Chuwech ri k'aslik Jehová Dios richin Israel, ri achoq chuwech in pa'el wi yin, ninbij chawe chi man xtiqaqa ta job ni raxq'ab pa ruwi' re ruwach'ulew Israel, k'a ja toq xtinbij na yin, xcha'.

Wuj Richin Etamabel-Tzij 22:29

Wi rat awetaman ruwech jun wineq ri kan jebel nisamej pa rusamaj rija', ri wineq ri' kan tikirel chire chi nibesamej kik'in ri e rey, y man kik'in ta xabachike winaqi' nril-wi rusamaj.

Wuj Richin ri Jeremías 15:19

K'ari' ri Jehová xubij chik chuwe: Wi yatzolin-pe wik'in, xkatink'ul chik jun bey y xkatikir chik xkinasamajij. Man chaq ch'owen man ch'owen taben y ri xtabij xaxe ri ch'abel ri kan k'o rejqalen, wi keri' xtaben ja rat ri xkach'on pa nuk'exel. Ja rije' ri k'o chi yetzolin-pe awik'in y man ja ta rat ri k'o chi yatzolin kik'in.

Dn 1:18

Y toq xtz'aqet k'a ri oxi' juna' ri rubin ri rey chire ri Aspenaz, jari' toq konojel ri alaboni' xe'uk'uex chuwech ri rey.

Dn 1:4

Rije' kan nik'atzin chi kan e tz'aqet y kan e jebel ok, y e tijon jebel rik'in ronojel etamabel y kan e nowineq, ri kan e nojineq chuqa' rik'in na'oj y kan ruk'amon richin yek'oje' pa rachoch ri rey. Y chuqa' xubij chike chi ketijox rik'in ri kich'abel ri aj-Babilonia, y tik'ut rutz'ibaxik ri ch'abel ri' chikiwech.

Dn 1:5

Y chuqa' xubij chi ri alaboni' ri' k'o chi nikitej ri q'utun achi'el nutej rija' q'ij-q'ij, y ri vino ri nuqum rija', jari' k'o chi nikiqum chuqa' rije'. Y oxi' juna' k'o chi yetijox richin chi ye'ok aj-raqen rik'in rija'.

Dn 1:6

Chikikojol k'a ri alaboni' aj-Judá xecha'ox, ri Daniel, ri Ananías, ri Misael y ri Azarías.

Dn 1:7

Jak'a ri Aspenaz xujel kibi' ri alaboni' ri', y xukanoj pa kich'abel ri aj-Babilonia. Y kere' ri kibi' ri xuya': Ri Daniel xubini'aj Beltsasar; ri Ananías, Sadrac; ri Misael, Mesac; y ri Azarías, Abed-negó.

Dn 2:13

Y kan xtalux k'a rutzijol chi konojel rije' ye'uk'uex richin yebekamisex, y roma ri' xkanox chuqa' ri Daniel y ri e rachibil.

Dn 3:29

Roma ri' wakami, kan ninya' re jun pixa' re' chi xabachike k'a tinamit, ruwach'ulew o wineq ri nich'on itzel chirij ri ki-Dios ri Sadrac, ri Mesac y ri Abed-negó, kan xkek'ajix k'a y ri kachoch kan xtok k'a kan toribel q'ayis. Roma kan qitzij wi chi kan man jun chik dios nikolon achi'el ri ki-Dios rije', xcha'.