Dn 1:12 - Kaqchiquel Bible

¹² Nink'utuj utzil chawe chi qojatejtobej lajuj q'ij. Kan xaxe k'a ichaj taya' chiqe richin niqatej y richin niqaqum, xa choj ya'.

Dn 1:12 ပူးပေါင်းရင်းမြစ်များ

Dn 1:11

Ri Aspenaz xuya' k'a kan ri Melsar pa kiwi' ri Daniel, ri Ananías, ri Misael y ri Azarías. Jak'a ri Daniel xubij chire ri Melsar:

Dn 1:13

Chirij ri lajuj q'ij xqojajunamaj k'a kik'in ri ch'aqa' chik alaboni' ri junan kiwaybal rik'in ri rey, y kan xtatz'et k'a ri rukojol ri yojtzu'un. K'ari' xtaben rat ri ruk'amon chi naben, xcha' ri Daniel chire.

Dn 1:16

Keri' ri Melsar nrelesaj k'a el chikiwech ri q'utun y ri vino ri k'o chi nikitej ri Daniel y ri e rachibil, y xa ja ri ichaj ri xuya' chike.

Romanos 14:2

Achi'el chirij ri ti'ij, roj kan kuqul qak'u'x chi utz niqatej ronojel, jak'a ek'o qach'alal ri man kan ta kikuquban kik'u'x rik'in ri Cristo, ri kuqul kik'u'x chi xaxe ri jalajoj ruwech ichaj ri utz yekitej.

Deut 8:3

Stape' xuben chiqe richin xqatej wayjal, k'ari' xuteq-pe ri aj-chikajil-wey chiqe, ri ni roj ni ta ri qati't-qamama' man jun bey qatz'eton, richin nuk'ut chiqawech chi man xaxe ta rik'in wey yojk'ase-wi xa kan rik'in chuqa' ri ruch'abel ri Dios.

Apocalipsis 2:10

Man tixibij-iwi' chuwech ri tijoj-poqonal ri xtipe pan iwi' ri chiwech-apo. Roma ri Itzel-Wineq xtuben chi ek'o jujun chiwe rix xkeruya' pa cárcel richin chi yerutejtobej. Lajuj k'a q'ij ri xkixk'oje' pa tijoj-poqonal. Jak'a kan kow kixk'oje' k'a toq xkixapon na chuwech ri kamik. Y yin xtinya' jun sipanik richin ch'akonik chiwe y ri' ja ri k'aslen ri man k'isel ta.