Deut 9:5 - Kaqchiquel Bible

⁵ Man roma ta k'a yalan utz ri ik'aslen, ni man roma ta utz ri ibanobal, roma ta ri' xkixok-apo y niwichinaj kan ri kiruwach'ulew rije'. Xa kan roma k'a ri itzel taq kibanobal re tzobaj winaqi' re' richin ri ruwach'ulew ri' ri Jehová ri qa-Dios xkerelesaj-el chiri', richin chi nujikiba' ri rubin-pe chike ri qati't-qamama' ri Abraham, ri Isaac y ri Jacob.

Deut 9:5 ပူးပေါင်းရင်းမြစ်များ

Wuj Richin ri Rutikeribel 12:7

Y ri Jehová xbepapo' chuwech ri Abram y xubij chire: Chike konojel awijatzul xtinya-wi re ruwach'ulew re', xcha'. Y jari' ri Abram xuben-q'anej jun porobel richin xuporoj jun kamelabel chuwech ri Jehová roma chiri' xuk'ut-wi-ri' chuwech.

Wuj Richin ri Rutikeribel 13:15

roma ronojel la ulew natz'et, xtinya' chawe rat y chike ri awijatzul richin q'asen.

Wuj Richin ri Rutikeribel 15:16

Y ri rukaj sol chire ri awijatzul xketzolin chik pe chupan re ruwach'ulew re', roma man jani tik'o ruwi' ri kimak ri rijatzul ri Hamor richin ninwelesaj ri ruwach'ulew chike, xcha' ri Dios.

Wuj Richin ri Rutikeribel 15:7

Y xubij chuqa' chire: Ja yin Jehová ri xatinwelesaj-pe chupan ri tinamit Ur ri k'o pa ruwach'ulew Caldea y xatink'en-pe chupan re ruwach'ulew re' richin ninya' chawe, y ja rat ri xkatichinan kan, xcha' chire.

Wuj Richin ri Rutikeribel 17:8

Yin xtiya' chawe rat y chike ri awijatzul ri ruwach'ulew ri akuchi atk'o-wi wakami ri xa q'axel, chijun re ruwach'ulew Canaán xtinya' chawe richin q'asen. Y yin xkinok ki-Dios ri awijatzul, xcha'.

Wuj Richin ri Rutikeribel 19:29

Kere' k'a xk'uluwachitej toq ri Dios xeruk'is ri tinamit ri akuchi xk'oje-wi ri Lot. Ri Dios kan xuben k'a achi'el xuk'utuj ri Abraham chire y xerukol k'a pe ri Lot pa Sodoma toq achi'el xupiskolij kan ri' ri tinamit.

Wuj Richin ri Rutikeribel 26:4

Y yin xtinben chi xtik'iyer ri awijatzul achi'el ruk'iyal ri ch'umila' ri ek'o chikaj, y chike k'a ri awijatzul xtinya-wi kan ronojel re ruwach'ulew re'. Chuqa' konojel ri tzobaj winaqi' richin ri ruwach'ulew xtinbenya' urtisanik pa kiwi' koma ri awijatzul rat.

Wuj Richin ri Rutikeribel 28:13

Y ri Jehová kan k'o el más pa jotol chire y nubij: Ja yin Jehová ri ki-Dios ri Abraham ri amama', in ru-Dios chuqa' ri Isaac, la ulew akuchi at kotz'ol-wi xtinya' chawe y chuqa' chike ri awijatzul.

Ex 32:13

Toqaqa chi'ak'u'x ri xabij kan chike ri asamajela' ri Abraham, ri Isaac y ri Israel ri xajikiba' kan chike pan abi' rat chi kan xkewinaqir k'a ri kijatzul y kan achi'el k'a kajlabal ri ch'umila' ri ek'o chikaj xtaben chike, kan chike k'a ri kijatzul xtaya-wi kan ri ruwach'ulew ri asujun chike, kan xke'ok k'a chupan y kan xtikichinaj k'a richin q'asen, keri' xabij chike, xcha' ri Moisés.

Ez 20:14

Xa roma ri ruruwaq'ijaj ri nubi' man xinben ta keri', richin man yinel ta itzel chikiwech ri ch'aqa' chik ruwach'ulew, ri xkitz'et chi xenwelesaj-pe pan Egipto.

Ez 36:22

Roma ri' tabij k'a chike ri awinaq israelita chi ri xtinbenbana' wakami, man iwoma ta rix; xa kan roma ri nimalej nubi' ri iqasan ruq'ij ri pa taq ruwach'ulew ri akuchi ix apowineq-wi.

Ez 36:32

Y ninwajo' chi niwetamaj chi ronojel re' man xtinben ta roma ri ajowabel iwichin rix. Yin Jehová ri ink'o pa ruwi' ronojel ri yibin. Ronojel re itzel taq banobel re' ruk'amon-pe k'ixbilal chiwe rix.

Wuj Richin ri Chojmirisabelri'il 18:24

Man k'a ke'iben itzel taq banobel achi'el nikiben ri winaqi' aj-Canaán, roma rije' xa kan man e ch'ajch'oj ta chik chinuwech. Y roma ri' xkenwelesaj-el chupan ri kiruwach'ulew, y xtinjech ri ruwach'ulew pan iq'a' rix.

Wuj Richin ri Chojmirisabelri'il 18:25

Roma k'a ri itzel taq banobel ri xekiben, kan xok man ch'ajch'oj ta ri kiruwach'ulew, y yin kan xinya' k'a ri rutojbalil-mak pa kiwi'; y roma ri' xinben chire ri ruwach'ulew richin xek'is ri winaqi' chuwech.

Wuj Richin ri Miqueas 7:20

Jehová, jantape' ta k'a xtaya' pa qawi' ri awajowabal ri xasuj chire ri Abraham y ri Jacob. Ronojel ri xasuj chike ri qati't-qamama' ojer kan, jari' ta k'a ri xtaya' pa qawi' roj wakami.

Hechos 3:25

Qichin k'a roj judío ri xusuj kan ri Dios koma ri e q'alajirisey ri xbix chike roma rija'. Y kan qichin chuqa' roj ri xusuj toq xuben ri jun jikibel-tzij kik'in ri qati't-qamama'. Roma xubij chire ri Abraham chi ri winaqi' ri ek'o chuwech re ruwach'ulew xtikik'ul k'a utzil roma ri riy-rumam rija', ri xtibe'alex.*f12*

Romanos 11:28

Ek'o nuwinaq judío ri niketzelaj ri Dios, roma man kiniman ta ri utzilej ch'abel richin kolotajik. Y roma k'a man kiniman ta, ri Dios xuya' ri ruch'abel chiwe rix ri man ix judío ta. Jak'a kan k'a yerajo' na ri nuwinaq, roma e rucha'on y roma chuqa' ri rutzil ri xusuj chike ri ojer taq qati't-qamama'.

Romanos 15:8

Keri' ninbij chiwe, roma ri Cristo xpe richin xojruto' qonojel roj judío, richin xuk'ut chiqawech chi ri Dios kan nuben-wi achi'el ri xubij chike ri ojer taq qati't-qamama'.

Deut 1:8

Tiwetamaj k'a chi kan ja yin yiya'on chiwe ri ruwach'ulew, kixok chupan y tichapa' k'a y kan tibana' iwichin chire ri ruwach'ulew ri nuya'on nutzij chire. Yin in Jehová, chi kan chike ri iwati't-imama', Abraham, Isaac y ri Jacob y chiwe rix ri ix kijatzul kan rije' ninya-wi, xcha' ri Jehová, xcha' ri Moisés.

Deut 12:31

Man tiya' ruq'ij ri Jehová achi'el nikiben rije', roma ri itzel kan man nukoch' ta nutz'et rija'. Jari' ri xkiben rije'; richin xkiya' ruq'ij ri ki-dios xekiporola' ri kimi'al-kik'ajol chikiwech.

Deut 18:12

Roma ronojel re' kan man niqa' ta chuwech ri Jehová y kan itzel yerutz'et ri yebanon ronojel re'. Xa roma ri' xkerelesaj-el ri winaqi' pa kiruwach'ulew y xkerujech pan iq'a', roma ri kibanobal man niqa' ta chuwech ri Dios.

Deut 18:9

Toq xkixok chupan ri ruwach'ulew ri akuchi xtuya-wi ri Jehová ri qa-Dios chiwe; man titzeqelibej ri itzel taq banobel ri nikiben ri ch'aqa' chik ruwach'ulew.

Deut 20:18

richin man nikik'ut chiwech ri itzel taq banobel ri xekibanala' rije', richin nikiya' ruq'ij ri ki-dios; y keri' nikiben chiwe richin yixmakun chuwech ri Jehová ri qa-Dios.

Tito 3:5

rija' xojrukol k'a pe chupan ri qamak. Man roma ta yalan choj ri k'aslen qak'uan toq xojrukol-pe, xa kan roma xujoyowaj qawech. Roma ri rusamaj ri Loq'olej Espíritu, xuch'ej ri qánima, xojruch'ajch'ojirisaj y xuya' jun k'ak'a' k'aslen chiqe.