Deut 9:4 - Kaqchiquel Bible

⁴ Toq ri Jehová ri qa-Dios xkerelesaj-el chiwech rix re tinamit re', man tibij-qa: Matiox chi roma utz ri qak'aslen roma ri' xojruk'en-pe chupan re jun ruwach'ulew re' richin nok qichin, man kixcha'. Xa roma k'a ri kimak ri tinamit ri' kan xkerelesaj-el chiwech rix.

Deut 9:4 ပူးပေါင်းရင်းမြစ်များ

Deut 8:17

Man tibij-qa pan iwánima chi ronojel ri ibeyomel kan ich'akon rik'in ri isamaj y ri iwuchuq'a'.

2 Timoteo 1:9

Ri Dios xojrukol chupan ri qamak, y xojroyoj richin niqak'uaj jun loq'olej k'aslen. Y ronojel re' xuben man roma ta ri utzilej taq qabanobal, xa kan roma ri rutzil y roma kan keri' ruch'obon-pe pa qawi' ri ojer chi nuteq-pe ri Jesucristo richin nuya' ri rutzil chiqe.

Deut 9:5

Man roma ta k'a yalan utz ri ik'aslen, ni man roma ta utz ri ibanobal, roma ta ri' xkixok-apo y niwichinaj kan ri kiruwach'ulew rije'. Xa kan roma k'a ri itzel taq kibanobal re tzobaj winaqi' re' richin ri ruwach'ulew ri' ri Jehová ri qa-Dios xkerelesaj-el chiri', richin chi nujikiba' ri rubin-pe chike ri qati't-qamama' ri Abraham, ri Isaac y ri Jacob.

1 Corintios 4:7

Rix ri nina' chi k'o janila iq'ij, ¿achike kami biyon chiwe chi ja rix ri más nim iq'ij? ¿Roma achike ta kami ri k'o iwik'in rix ri man ja ta chuqa' ri Dios yoyon-pe chiwe? Man jun. Y wi keri', man jun nik'atzin-wi chi ninimirisaj-iwi', roma xa ta iyon rix, man jun ta k'o iwik'in.

Romanos 11:6

Roj ri oj cha'on roma ri Dios, man oj cha'on ta roma ri jebel qabanobal. Roma wi ta keri', man ta nibix chi oj cha'on roma ri rutzil ri Dios.

Deut 12:31

Man tiya' ruq'ij ri Jehová achi'el nikiben rije', roma ri itzel kan man nukoch' ta nutz'et rija'. Jari' ri xkiben rije'; richin xkiya' ruq'ij ri ki-dios xekiporola' ri kimi'al-kik'ajol chikiwech.

Wuj Richin ri Rutikeribel 15:16

Y ri rukaj sol chire ri awijatzul xketzolin chik pe chupan re ruwach'ulew re', roma man jani tik'o ruwi' ri kimak ri rijatzul ri Hamor richin ninwelesaj ri ruwach'ulew chike, xcha' ri Dios.

1 Corintios 4:4

Yin ninna' chi kan jebel nubanon chire ri samaj. Jak'a man roma ta ri' yitikir ninbij chi ronojel ri nubanon, kan utz. K'a ja ri Cristo ri xtitz'eton ri nusamaj, y xtubij wi utz xinben chire ó xa man utz ta.

Romanos 11:20

Jak'a rije' roma ri man xkinimaj ta ri Dios, roma ri' toq xe'elesex-el. Y rix xaxe roma ikuquban ik'u'x rik'in ri Dios toq ixk'o kan pa kik'exel. Roma ri' man ruk'amon ta chi ninimirisaj-iwi'. Xa tixibij-iwi'.

Ez 36:32

Y ninwajo' chi niwetamaj chi ronojel re' man xtinben ta roma ri ajowabel iwichin rix. Yin Jehová ri ink'o pa ruwi' ronojel ri yibin. Ronojel re itzel taq banobel re' ruk'amon-pe k'ixbilal chiwe rix.

Ez 36:22

Roma ri' tabij k'a chike ri awinaq israelita chi ri xtinbenbana' wakami, man iwoma ta rix; xa kan roma ri nimalej nubi' ri iqasan ruq'ij ri pa taq ruwach'ulew ri akuchi ix apowineq-wi.

Wuj Richin ri Chojmirisabelri'il 18:3

Man k'a titzeqelibej ri kibanobal ri aj-Egipto ri akuchi xixk'oje-wi. Man k'a tiben achi'el ri nikiben ri aj-Canaán, ri ruwach'ulew ri akuchi yixink'uaj-wi. Y man k'a tiben achi'el ri kibanobal rije'.

Deut 9:7

Roma ri' toqaqa k'a chi'ik'u'x y man timestaj chi xiyek royowal ri Jehová ri qa-Dios, ichapon-pe kan ja toq xojel-pe pan Egipto, y chijun ri tz'iran ruwach'ulew y wakami re ojk'o wawe', kan man iniman ta k'a rutzij ri Jehová.

Deut 9:24

Kan ja ri q'ij toq yin xinwetamaj kiwech; xentz'et chi kan yalan kikowirisan-ki' chuwech ri Jehová.

Deut 31:27

Roma yin kan wetaman chi kan ix jun tinamit ri man yixniman ta tzij y kan janila kow ri iwánima. Wakami xiben ronojel re' chuwech ri Jehová y xa k'a in k'es na iwik'in. ¿Achike ta k'a ri man ta xtiben toq in kamineq chik?