Deut 9:3 - Kaqchiquel Bible

³ Roma ri' tiwetamaj chi ri Jehová ri qa-Dios ja rija' ri ik'owineq chiwech rix, achi'el jun q'aq' ri nuk'is ronojel. Rija' xkeruk'is y xtuqasaj kiq'ij; y rix kan xke'iwelesaj-el y kan xke'ik'is chi'anin, achi'el xubij ri Jehová.

Deut 9:3 ပူးပေါင်းရင်းမြစ်များ

Deut 4:24

Ri Jehová ri qa-Dios kan man niqa' ta chuwech chi k'o ta jun chik niya' ruq'ij, roma ri royowal rija' achi'el q'aq' ri nuk'is ronojel.

Hebreos 12:29

Roma ri qa-Dios kan achi'el q'aq' ri kan nuk'is ronojel.

Romanos 8:31

Y wi ronojel k'a re' nuk'ut chiqawech chi ri Dios kan k'o qik'in roj, ¿achike k'a xtitikir chiqij? Kan man jun.

Deut 20:4

Roma ri Jehová ri qa-Dios ri k'o iwik'in rix, ja rija' ri xtibebanon oyowal kik'in ri e etzelanel qichin y kan xtuya' ri ch'akonik chiwe, xticha' ri sacerdote.

Wuj Richin ri Josúe 3:11

Ri káxa richin ri rujikibel-tzij ri Jehová ri rajaw chijun re ruwach'ulew, jari' ri xtiq'ax nabey chiqawech chupan ri raqen-ya' Jordán.

Wuj Richin ri Miqueas 2:13

Ri Miqueas xubij: Ri Jehová xtiwulan ri ruchi' ri tinamit ri akuchi ek'o-wi pa ximonri'il ri rutinamit rija', richin xkerelesaj-pe. Ja rija' ri ki-rey ri xtinabeyej-pe chikiwech; y rije' xtikitzeqelibej-pe.

2 Tesalonicenses 1:8

peteneq pa jun ruxaq-q'aq' richin nuya' rutojbalil chike ri man xketamaj ta ruwech ri Dios y man xkinimaj ta ri utzilej ruch'abel ri qajaw Jesucristo.

Deut 1:30

Roma ri Jehová ri qa-Dios, kan beneq chiqawech, y kan ja rija' ri xtibanon ri oyowal pa qak'exel, achi'el ri xuben qik'in toq xojel-pe pan Egipto.

Wuj Richin ri Josúe 3:14

Ri winaqi' xkiyek-el ri taq kachoch y xebe richin chi nikiq'axaj ri raqen-ya' y ri e sacerdote ri e uk'uayon ri káxa richin ri jikibel-tzij, e ik'owineq chikiwech konojel winaqi'.

Efesios 5:17

Roma ri' man tiben achi'el ri nakaneq taq winaqi'. Xa kan nik'atzin chi niq'ax ta chiwech ri rurayibel ri qajaw pan iwi'.

Marcos 7:14

Ri Jesús xch'on chik k'a jun bey kik'in ri janila chi winaqi' ri kimolon-apo-ki' chiri', y xubij k'a chike: Tiwak'axaj k'a chi'iwonojel re xtinbij chiwe y tiq'ax-el chiwech.

San Mateo 15:10

Chirij ri' ri Jesús xch'on kik'in ri janila chi winaqi' ri kimolon-ki' chiri', y xubij k'a chike: Tiwak'axaj k'a re xtinbij chiwe y tiq'ax-el chiwech.

Wuj Richin ri Isaías 33:14

Ri pa tinamit Sión konojel winaqi' ri e aj-maki' kan janila xtikixibij-ki'. Konojel ri winaqi' ri maneq Dios chikiwech kan yebaybot roma xibinri'il. Rije' nikibij ri achike xtitikir xtikoch'on ri q'aq' ri', ri kan yaruk'is y man jun bey nichup.

Wuj Richin ri Isaías 30:33

Kan k'o yan chik pe q'ij naban-pe pa ruwi' ri rey richin Asiria, ri akuchi xtik'at-wi. Ri akuchi niya'ox-wi ri q'aq' janila nim ruwech y kan janila nim rupan; y kan janila k'iy si' ukusan chire. Y kan ja ri Jehová ri xtiya'on ruq'aq'al achi'el nibiyin ri chuwilej-abej.

Wuj Richin ri Isaías 30:30

Chupan ri q'ij ri', ri Jehová kan xtuben richin nak'axatej ri ruch'abel chi kan k'o runimirinen. Kan xtitz'etetej chi xtuyek ri ruq'a' chikaj richin nuya-pe ri ruk'ayewal. Ri nimalej royowal kan achi'el jun q'aq' ri kan yaruk'is. Chuqa' xtuya-pe koqolajay, nimalej kaq'iq', job y saqboch.

Wuj Richin ri Isaías 30:27

Tiwak'axaj k'a rix ri aj-Asiria: Ri Jehová kan xtipe nej rik'in oyowal. Y xtuk'en-pe jun nimalej q'eqel-sib. Rik'in ri ruch'abel xtak'axatej chi rija' janila royowal, y kan xtel q'aq' pa ruchi', q'aq' richin kan xkixruk'is.

Wuj Richin ri Isaías 27:4

Man woyowal ta chik chire ri nutiko'n. Stape' ek'o k'ix ri kan janila kik'ixal, yin xa kan xkenya' pa q'aq'.

Deut 9:6

Roma ri' kan tiwetamaj chi man roma ta yalan utz ri ik'aslen, man roma ta ri' ri Jehová ri qa-Dios xtuya' ri utzilej ruwach'ulew chiwe richin niwichinaj; roma rix xa kan ikowirisan-iwi'.

Deut 7:16

Y rix kan xke'ik'is konojel ri e nima'q taq tinamit ri xkeruya' ri Jehová ri qa-Dios pan iq'a'; man tikuy kimak y man tiya' kiq'ij ri ki-dios, roma jari' ri xtok jun pikbel chiwe rix.

Ex 24:17

Chikiwech ri winaqi' israelita, xq'alajin chi ri rubanik ri ruk'ojlen ri Jehová, achi'el jun nimalej q'aq' ri nitikir nuk'is ronojel. Keri' ri rubanik ri xq'alajin ri pa rutza'n-q'anej ri juyu'.

Wuj Kichin ri To'onela' 4:14

Jari' toq ri Débora xubij chire ri Barac: Ja q'ij re' toq ri Jehová xtujech ri Sísara pan aq'a', roma ri Jehová kan nabeyejineq chawech, xcha'. Y ri Barac kan jari' xbeqaqa k'a pe ri chuwa-juyu' e rachibilan-pe ri e 10,000 aj-labal.

Ex 23:23

Roma ri' ri nu-ángel xtinabeyej-el chiwech y xkixruk'uaj chupan ri kiruwach'ulew ri amorreo, ri heteo, ri ferezeo, ri cananeo, ri heveo y ri jebuseo; konojel re winaqi' re' xkenk'is yin.

Deut 7:22

Ri Jehová ri qa-Dios chi jutaqba' chi jutaqba' xkerelesaj-el ri winaqi' chiwech; roma rix xa man xkixtikir ta xke'ik'is-el pa jun bey, richin chi man yebeyakatajilan-pe chiwij ri k'uxunela' taq chikopi' ri richin pa taq juyu'.

Deut 20:1

Toq rix xkixbe pa labal kik'in ri etzelanel iwichin, y kan xke'itz'et chi ek'o janila kikiej y ki-carruaje e richin labal y kan janila e k'iy ri aj-labal más ke chiwech rix, man tixibij-iwi' chikiwech, roma rix man iyon ta ixk'o, kan k'o ri Jehová ri qa-Dios iwik'in, ri xojelesan-pe pan Egipto.

Wuj Richin ri Josúe 11:8

Ri Jehová xerujech k'a ri winaqi' ri' pa kiq'a' ri Josué y ri achi'a'; xekich'ek y xekitzeqelibej k'a pa nimalej tinamit Sidón y k'a pa Misrefot-maim y k'a pa taq'aj richin Mispá ri k'o pa relebel-q'ij. Y xekikamisaj kan y man jun k'a xk'ase' kan.

Wuj Richin ri Josúe 11:12

Keri' chuqa' ri Josué y ri achi'a' xekich'ek k'a konojel ri tinamit ri', y ri ki-rey xekikamisaj chi espada, y xekik'is k'a achi'el rubin kan ri Moisés ri rusamajel ri Jehová.

Wuj Richin ri Josúe 14:12

Taya' k'a chuwe re chuwi' taq juyu' re' achi'el xubij kan ri Jehová chupan ri q'ij ri'. Rat kan xawak'axaj chupan ri q'ij ri', chi ri nima'q kipalen achi'a' ri e rijatzul kan ri Anac ek'o chiri' y kan k'a ek'o na chiri' chupan ri nima'q taq tinamit ri e sutin-kij rik'in tz'aq; rik'in ri ruto'onik ri Jehová xkenwelesaj-pe achi'el rubin rija', xcha' ri Caleb.