Deut 9:27 - Kaqchiquel Bible

²⁷ Ke'oqaqa k'a chi'ak'u'x ri e asamajela', ri Abraham, ri Isaac y ri Jacob. Takuyu' ri yakatajinenri'il richin re tinamit re', keri' chuqa' ri itzel taq banobel y ri mak ri yekibanala' chawech.

Deut 9:27 ပူးပေါင်းရင်းမြစ်များ

Wuj Richin ri Jeremías 14:21

Man k'a tawetzelaj más ri qatinamit roma ruk'ojlen ri abi', ni man taqasaj ruq'ij ri tinamit akuchi naq'et-wi-tzij. Kan toqaqa k'a chi'ak'u'x ri jikibel-tzij ri xaben qik'in.

Wuj Richin ri Jeremías 50:20

Yin Jehová ri yibin. Y chupan ri q'ij ri', wi jun wineq nukanoj richin nubij ri imak, man xtril ta, roma yin xkenkuy ri juba' ri xekanej kan.

Wuj Richin Etamabel-Tzij 21:12

Ri choj ruk'aslen, kan rik'in k'a ronojel na'oj nuch'ob-rij ri kik'aslen ri aj pa rachoch ri wineq itzel, rija' kan retaman achike rubanik nuben, richin chi ruchapon rubanik ri etzelal.

Wuj Richin Bix Chire ri Dios 78:8

Richin keri' man tikiben achi'el ri xkiben ri kite-kitata' rije', ri xa kan xaxe ri yakatajinenri'il ri xkiben y man ja ta ri xubij ri Dios chike. Rije' xa kan man xkijeq ta ri kánima chuwech ri Dios ni man xkiben ta ri xkisuj chire ri Dios.

1 Sam 25:25

Man tanimaj rutzij ri jun achin ri'; rija' kan banoy etzelal. Roma ri' rija' Nabal ri rubi', nel chi tzij ch'u'j, y man nich'obon ta chi utzil. Yin ri in asamajel man xentz'et ta pe ri alaboni' ri xe'ateq qik'in.

Ex 32:13

Toqaqa chi'ak'u'x ri xabij kan chike ri asamajela' ri Abraham, ri Isaac y ri Israel ri xajikiba' kan chike pan abi' rat chi kan xkewinaqir k'a ri kijatzul y kan achi'el k'a kajlabal ri ch'umila' ri ek'o chikaj xtaben chike, kan chike k'a ri kijatzul xtaya-wi kan ri ruwach'ulew ri asujun chike, kan xke'ok k'a chupan y kan xtikichinaj k'a richin q'asen, keri' xabij chike, xcha' ri Moisés.

Ex 13:5

Kan ja k'a q'ij ri' y ja ik' ri' xqojnimaq'ijun toq ri Jehová xqojrukusaj chupan ri ruwach'ulew ri rusujun chike ri qati't-qamama', richin nuya' chiqe roj, ri kiruwach'ulew ri winaqi' cananeo, ri hitita, ri amorreo, ri heveo y ri jebuseo, ruwach'ulew ri akuchi niwachin ronojel ruwech tiko'n.

Ex 3:16

Kabiyin k'a y toq xkatapon, ke'amolo' ri nima'q taq achi'a' chikikojol ri awinaq y tabij chike: Ri Jehová ri ki-Dios ri qati't-qamama', ri Abraham, ri Isaac y ri Jacob, xuk'ut-ri' chinuwech y xubij chuwe chi rija' kan nutz'et k'a ronojel ri ruk'ayewal ri niban chiwe wawe' pan Egipto y roma ri' xpe chi'ito'ik.

Ex 3:6

Y chuqa' xubij chire: Ja yin ri ru-Dios ri atata', ri ru-Dios ri Abraham, ri ru-Dios ri Isaac, y ri ru-Dios ri Jacob, xcha' chire. Toq xrak'axaj keri', ri Moisés xrewaj rupalej, roma xuxibij-ri' richin nutzu' ruwech ri Dios.

Wuj Richin ri Rutikeribel 19:29

Kere' k'a xk'uluwachitej toq ri Dios xeruk'is ri tinamit ri akuchi xk'oje-wi ri Lot. Ri Dios kan xuben k'a achi'el xuk'utuj ri Abraham chire y xerukol k'a pe ri Lot pa Sodoma toq achi'el xupiskolij kan ri' ri tinamit.

Deut 9:26

Y xink'utuj k'a utzil chire ri Jehová y xinbij: ¡Ajaw Jehová!, nink'utuj utzil chawe chi man tak'is re tinamit re', roma re' kan awichin rat, rat xakolon-pe richin rik'in ri animirinen, rat xatelesan-pe richin chiri' pan Egipto rik'in ri nimalej awuchuq'a'.

Deut 9:28

Wi man keri' ta, ri aj-Egipto xtikibij chi rat man yatikir ta naya' chiqe ri ruwach'ulew ri asujun chiqe, o xa roma kan yojawetzelaj, roma ri' xojawelesaj-pe chiri' xaxe richin yojak'is kan re wawe' pa tz'iran ruwach'ulew.

Wuj Richin ri Chojmirisabelri'il 26:42

Chirij ri' k'ari' xtoqaqa chinuk'u'x ri nujikibel-tzij ri nubanon rik'in ri Jacob, ri Isaac, y rik'in ri Abraham, chuqa' xtoqaqa chinuk'u'x ri ruwach'ulew.

Wuj Richin ri Chojmirisabelri'il 26:45

Kan xtoqaqa k'a chinuk'u'x ri jikibel-tzij ri qabanon iwik'in toq xixinwelesaj-pe chikikojol ri aj-Egipto, y xinok i-Dios chikiwech konojel nima'q taq tinamit. Yin Jehová ri yibin, xcha'.

Wuj Richin Bix Chire ri Dios 130:3

Jehová, wi ta rat atz'iban ta ronojel ri qamak, ¿achike ta k'a xtitikir xtipa'e' chawech?