Deut 9:26 - Kaqchiquel Bible

²⁶ Y xink'utuj k'a utzil chire ri Jehová y xinbij: ¡Ajaw Jehová!, nink'utuj utzil chawe chi man tak'is re tinamit re', roma re' kan awichin rat, rat xakolon-pe richin rik'in ri animirinen, rat xatelesan-pe richin chiri' pan Egipto rik'in ri nimalej awuchuq'a'.

Deut 9:26 ပူးပေါင်းရင်းမြစ်များ

Apocalipsis 5:9

Y ri achi'a' ri' k'o jun k'ak'a' bix nikibixaj chire ri Karne'l. Y ri bix ri' nubij: Rat kan ruk'amon-wi richin xabek'ama-pe ri wuj, kan ruk'amon-wi chi ja rat yatelesan ri e tz'apeben-wi kan; roma rat kan xakamisex, kan rik'in ri akik'el xojakol qonojel richin xojok richin ri Dios. Xojakol stape' oj richin jalajoj ijatzul, ch'abel, tinamit y ri ruwach'ulew.

Tito 2:14

Rija' kan man xupoqonaj ta xuya-ri' pa kamik pa qak'exel, richin chi xojrukol chuwech ronojel ruwech mak, y richin chuqa' xuch'ajch'ojirisaj ri qak'aslen. Keri' xuben qik'in roj ri xojok richin rija', richin nibe qánima chubanik ri utz.

Wuj Richin ri Jeremías 14:21

Man k'a tawetzelaj más ri qatinamit roma ruk'ojlen ri abi', ni man taqasaj ruq'ij ri tinamit akuchi naq'et-wi-tzij. Kan toqaqa k'a chi'ak'u'x ri jikibel-tzij ri xaben qik'in.

Wuj Richin Bix Chire ri Dios 107:2

Tibij re', iwonojel rix ri ix kolotajineq chik; ri ix rukolon chik pa kiq'a' ri e etzelanel iwichin;

Ex 15:13

Rat xayuqej rik'in joyowanik ri atinamit ri xakol; kan rik'in k'a ri awuchuq'a' xak'uaj k'a akuchi atk'o-wi rat.

Hebreos 9:12

Toq ri Cristo xok ri akuchi kan janila loq'olej, xaxe jun bey xok ri chiri'. Y rija' man xusuj ta na ri kikik'el tzuntzun, ni ta kichin alaji' taq wákix. Kan ja ri rukik'el rija' ri xusuj chire ri Dios richin xkuyutej ri qamak, y rik'in ri' xuya' ri kolotajik ri richin jantape' chiqe.

Wuj Richin ri Miqueas 6:4

Kan ja k'a yin ri xinelesan-pe iwichin pan Egipto y xixinkol-pe chupan ri kowilej taq samaj. Xenteq k'a ri Moisés, ri Aarón y ri María richin ja rije' re xeyuqen-pe iwichin.

Wuj Richin ri Isaías 63:19

Kan qitzij, roj xa qabanon achi'el xa ta man jun bey aq'aton-tzij pa qawi', y achi'el xa ta man jun bey qak'uan ri abi'.

Wuj Richin ri Isaías 44:23

Roma ri' kan jajun ri kaj tibixan richin nuya' nuq'ij, roma yin kan xinya' kolotajik. Kan jajun ri ruwach'ulew tibixan rik'in kikoten, chuqa' ri juyu', ri k'echelaj y ronojel che' ri ek'o, roma kan xixinkol rix israelita, y kan xink'ut ri nimalej wuchuq'a' pan iwi', xcha' ri Dios.

Wuj Richin Bix Chire ri Dios 106:23

Ri Jehová kan xrajo' chi xeruk'is ta konojel ri qati't-qamama'. Jak'a ri Moisés ri rucha'on rija', kan xch'on k'a pa kiwi' rije', richin chi xuqasaj ruwi' ri royowal, richin man xerukamisaj ta.

Wuj Richin Bix Chire ri Dios 99:6

Ri Moisés y ri Aarón kan jeri' ri xe'ok ru-sacerdote, Ri Samuel jari' ri nich'on pa kiwi' ri winaqi' rik'in rija'. Rije' kan xech'on k'a rik'in ri Jehová, y rija' kan xerak'axaj k'a pe.

Wuj Richin Bix Chire ri Dios 77:15

Rik'in ri awuchuq'a' xojakol roj ri oj atinamit, ri oj kijatzul kan ri Jacob y ri José.

Wuj Richin ri Nehemías 1:10

Y ri xaben kik'in ri qate-qatata' chi xe'akol rik'in ri nimalej y janila awuchuq'a', keri' tabana' qik'in roj ri atinamit.

1 Rey 8:51

Xtaben k'a ronojel re' roma rije' kan e awichin rat, y kan ja rat xatelesan-pe ri atinamit pan Egipto, toq ri qati't-qamama' nikik'owisaj tijoj-poqonal ri kan achi'el chupan jun horno ri janila ruk'atanal ri xek'oje-wi.

2 Sam 7:23

Chuqa' kan man jun chik k'o ri achi'el ta roj ri atinamit Israel, roma kan ja rat ri xakolon-pe kichin ri qati't-qamama' chiri' pan Egipto richin xojok atinamit. Chuqa' kan xaben chi xnimer aq'ij toq xe'aben ri nimalej taq banobel ri kan nak'en rukiy richin chi xe'awelesaj-el ri winaqi' aj wawe' junan kik'in ri ki-dios, chikiwech ri qati't-qamama' toq xe'oqaqa re wawe'.

Deut 32:9

Roma ri Jehová ja ri qatinamit ri xucha', kan ja roj ri oj rijatzul kan ri Jacob ri xojrucha' rija'.

Deut 21:8

Takuyu' k'a qamak roj ri oj atinamit ri xawelesaj-pe pa tijoj-poqonal, y man taya' chirij re tinamit re', xkecha'. Y keri' xtikuyutej re mak re', roma xkamisex jun wineq.

Deut 15:15

Man timestaj chi roj chuqa' xojxime' pa samaj chiri' pan Egipto, y ri Jehová ri qa-Dios xojrelesaj-pe chiri'. Roma ri' wakami ninbij re jun ruchojmilal re' chiwe.

Deut 13:5

Jak'a ri wineq ri nubij chi q'alajirisey ruch'abel ri Dios o k'o ri yerachik'ala' y xa man keri' ta, kan k'o chi nikamisaj, roma xa yixrutaqchi'ij richin nipaba-iwi' chuwech ri Jehová ri qa-Dios ri xojelesan-pe pan Egipto ri akuchi xixxime' pa samaj. Rija' xaxe k'a nrajo' yixruch'er kan chire ri bey ri rubin ri Jehová ri qa-Dios chi nitzeqelibej. Jun wineq keri' kan tikamisex richin tik'is-el ri etzelal chi'ikojol.

Deut 9:29

Roma ri' tabana' utzil takuyu' rumak re tinamit re', roma re' kan awichin rat, rat xatelesan-pe qichin pan Egipto rik'in ri nimalej awuchuq'a', xicha'.

Deut 7:8

Ri Jehová ri qa-Dios kan yojrajo', y roma ri' xuben k'a ri rujikiban chik chike ri qati't-qamama'. Rik'in ronojel ruchuq'a' xojrukol-pe pa kiq'a' ri aj-Egipto y xojrelesaj-pe chiri' ri akuchi xqatej-wi poqon roma xojya'ox pa kowilej taq samaj.

Ex 34:9

Y xeri' ri Moisés xubij chire ri ajaw: Wi qitzij chi wilon utzil chawech, tabana' utzil jo' qik'in, stape' re atinamit kan man nuqasaj ta ri' chawech. Kan takuyu' k'a ri itzel taq qabanobal, takuyu' ri qamak y tabana' chiqe chi kan yojok-wi atinamit, xcha' ri Moisés.

Ex 33:13

Y wi kan qitzij k'a chi wilon utzil chawech rat, nink'utuj utzil chawe chi xtak'ut ta chinuwech ri niqa' chawech, richin chi rik'in ri' yin xtinwetamaj k'a awech jebel y jantape' ta xtinwil utzil chawech rat. Yin ninbij k'a chawe chi toqaqa chi'ak'u'x, chi re winaqi' re' kan atinamit rat, xcha' ri Moisés.

Deut 9:27

Ke'oqaqa k'a chi'ak'u'x ri e asamajela', ri Abraham, ri Isaac y ri Jacob. Takuyu' ri yakatajinenri'il richin re tinamit re', keri' chuqa' ri itzel taq banobel y ri mak ri yekibanala' chawech.

1 Sam 7:9

Y ri Samuel xberuk'ama-pe jun ti karne'l ri k'a nitz'uman na. Xukamisaj k'a richin kamelabel y xuporoj chijun chuwech ri Jehová. Y xch'on pa kibi' ri ruwinaq y kan xak'axatej-wi roma ri Jehová.

1 Rey 8:53

roma rat kan xojacha' richin xojok awichin richin q'asen, y xojacha' chikikojol konojel tinamit chuwech re ruwach'ulew achi'el xabij chire ri asamajel Moisés toq xe'awelesaj-pe ri qati't-qamama' pan Egipto, rat nimalej qajaw Jehová, xcha' ri Salomón.

Wuj Richin Bix Chire ri Dios 78:35

K'ari' noqaqa chikik'u'x chi ja ri Dios ri kitobal, chuqa' noqaqa chikik'u'x chi ja ri nimalej Dios koloyon kichin.

Wuj Richin ri Jeremías 15:1

Ri Jehová xubij chuwe: Stape' kan ja ta ri ánima Moisés y ri ánima Samuel xkepe wawe' richin nokik'utuj utzil chuwe richin chi xtinjoyowaj ta kiwech re winaqi' re', yin kan man xkento' ta. Tabij chike ri awinaq chi ke'el-el chinuwech yin y kan kebiyin nej.

Wuj Richin ri K'uxla'anik 2:20

Nimalej Jehová, tabana' utzil tatz'eta' y tach'obo' chi kan man jun chik achoq pa ruwi' aya'on-wi re jun ruk'ayewal re'. ¿Kan xkekitej kami qa ri teja' ri taq kal, ri k'a yetz'uman na? ¿Kan xtaya' ta kami q'ij richin yekamisex ri e sacerdote y ri e q'alajirisey ri ach'abel chupan ri awachoch?

Deut 9:12

Y ri Jehová xubij chuwe: Kabiyin y kaqaqa-el chi'anin, roma ri tinamit ri xe'awelesaj-pe pan Egipto kan chi'anin xkich'er kan ki' wik'in; xa kan man xkitaqej ta ri xinbij chike; xa xkiben jun wachibel ri banon rik'in q'anapueq ri ya'erisan pa q'aq'.

Wuj Richin Bix Chire ri Dios 28:9

Jehová, takolo' y tawurtisaj ri atinamit. Tayuq'uj y taq'axaj k'a richin jantape'.

Wuj Richin Bix Chire ri Dios 57:1

Tabana' utzil tajoyowaj nuwech nu-Dios yin, taya' ri awutzil pa nuwi'; roma awik'in rat nukuquban-wi nuk'u'x y kan awik'in k'a rat ninto-wi-wi', k'a toq xtiq'ax na ri ruk'ayewal.