Deut 9:2 - Kaqchiquel Bible

² Ri winaqi' ri ek'o chiri' kan nima'q kipalen y e rijatzul kan ri achin rubini'an Anac, rix kan iwak'axan k'a chi kere' nibix: Kan man jun nitikir kik'in ri e rijatzul kan ri Anac, yecha'.

Deut 9:2 ပူးပေါင်းရင်းမြစ်များ

Wuj Richin ri Achin Job 11:10

Wi ta nipe pa ránima rija' chi yaruchop y yarutz'apej pa cárcel, o yaroyoj richin nuq'et-tzij pan awi'. ¿K'o kami ri yatikir naben richin nato-awi'?

Ex 9:11

Y chupan ri q'ij ri' ri aj-itza' kan man xetikir ta chik xe'apon toq xapon ri Moisés, roma rije' xa k'o chik k'a ch'a'k chikij. Ri ch'a'k ri' kan xqaqa k'a chikij ri aj-itza' y chikij konojel ri winaqi' aj-Egipto.

Dn 11:16

Ri rey richin Siria kan xtuben k'a ri xtiqa' chuwech rija', y kan man jun k'a ri xtupaba' ta ri' chuwech. Chuqa' xtik'oje' k'a kan chupan ri aruwach'ulew Israel, y kan ronojel k'a xtuk'is rik'in ri ruchuq'a'.

Dn 8:4

Y xintz'et chi ri karne'l ri' nuben chi nitoq'on ri keri' pa qajbel-q'ij, pa xaman y pa xokon, y kan man jun k'a chikop ri nitikir ta nupaba-ri' y nukol ta el ri' chuwech roma ri ruchuq'a'. Kan nuben k'a ronojel ri achike ri niqa' chuwech y ri karne'l ri' kan janila k'a xnimer.

Am 2:9

Ri amorreo kan janila e nima'q kipalen; kan e nima'q achi'el ri tiox-che'. Rije' kan janila kuchuq'a'; kan e kow achi'el ri tuq. Man rik'in ri' yin xenwelesaj-el pa kiruwach'ulew. Kan xenk'is k'a jumul achi'el nik'is jun che'; ri nitiker-pe pa rutum y k'a pa ruxe-qa.

Wuj Richin ri Nahum 1:6

¿Achike kami nitikir nikoch'on ri royowal rija'? ¿Achike ta k'a nitikir nikoch'on ri ruq'aq'al ri royowal? Roma ri royowal rija' kan nitix achi'el ri ch'ich' ri ya'erisan pa q'aq', y chuwech k'a rija' yepax ri nima'q taq abej.

Wuj Richin ri Q'axanri'il 13:22

Rije' xe'ok k'a el ri chiri' pa xokon chire ri ruwach'ulew Canaán y pa jun tinamit rubini'an Hebrón, chiri' xe'apon-wi nabey. Y ja ri chiri' ek'o-wi oxi' achi'a' ri e rijatzul kan ri Anac. Y ri achi'a' ri' kibini'an Ahimán, Sesai y Talmai. Ri tinamit Hebrón wuqu' juna' nabey xban-q'anej chuwech ri tinamit Soan ri k'o pan Egipto.

Wuj Richin ri Q'axanri'il 13:28

Jak'a ri winaqi' ri e chapayon ri ruwach'ulew ri', janila kuchuq'a'; y ri tinamit janila e nima'q y e tz'apen-kij chi tz'aq; y ri chiri' xeqatz'et chuqa' kan ri e rijatzul kan ri Anac, ri janila nima'q kipalen.

Wuj Richin ri Q'axanri'il 13:33

Y chiri' chuqa' xeqatz'et kan ri achi'a' ri e rijatzul kan ri Anac, ri achi'a' ri más nima'q kipalen chikiwech ri ch'aqa' chik. Y roj roma kan taq oj kokoj ok, xqana-qa-qi' chi oj achi'el ok taq sak' y achi'el xa kan keri' ri xojkitz'et rije', xecha'.

Deut 1:28

Wakami k'a ¿Akuchi k'a xqojbe-wi? Ri qawinaq ri xeqateq xojokixibij y xkibij chiqe chi ri winaqi' ri ek'o chiri' kan más kuchuq'a' y más nima'q kipalen chiqawech roj y ri kitinamit kan janila e nima'q, y e sutin-kij rik'in tz'aq ri kan janila nej e jotol chikaj. Y chuqa' xkibij chiqe chi xekitz'et kan ri e rijatzul ri Anac. Y roma ri' xqamalij qak'u'x, xixcha'.

Deut 2:21

Ojer kan ri refaíta kan janila e k'iy y janila kuchuq'a' y nima'q kipalen, achi'el ri e rijatzul kan ri Anac. Ri Jehová xerukusaj k'a ri amonita richin xeruk'is-el ri winaqi' ri'. Y ja ri amonita xek'oje' kan pa kik'exel.

Deut 7:24

Y xkerujech ri ki-rey pan iq'a' y xkek'oje' chuxe' itzij rix, y rix xtiben chike chi ni jun chike rije' xtinatex ri rubi' chuwech re ruwach'ulew. Y man jun chike rije' xtupaba' ta ri' chiwech rix y kan xke'ik'is.

Wuj Richin ri Josúe 11:21

Chupan k'a ri q'ij ri', ri Josué chuqa' xeruk'is konojel ri e rijatzul kan ri Anac ri nima'q kipalen ri ek'o chuwi' taq juyu' richin Hebrón, richin Debir, richin Anab, y ri ek'o chuwi' taq juyu' richin Judá y richin chijun ruwach'ulew Israel. Ri Josué kan xeruk'is k'a konojel ri winaqi' ri ek'o chiri' y chuqa' ri kitinamit.

Wuj Richin ri Josúe 11:22

Man jun k'a chike ri e rijatzul ri Anac ri xk'oje' ta kan chupan ri kiruwach'ulew Israel. Xaxe k'a xek'oje' kan chupan ri tinamit Gaza, Gat y Asdod.

Wuj Richin ri Josúe 15:14

Ri Caleb xerelesaj k'a pe chi e oxi' rijatzul kan ri Anac: Ri Sesai, ri Ahimán y ri Talmai.