Deut 9:19 - Kaqchiquel Bible

¹⁹ Yin kan janila k'a xinxibij-wi' chuwech ri royowal ri Dios pa kiwi' rije', roma kan xrajo' chi xeruk'is ta rik'in ri royowal. Jak'a rija' kan xerak'axaj chik.

Deut 9:19 ပူးပေါင်းရင်းမြစ်များ

Deut 10:10

Y ri Moisés xubij chike ri ruwinaq: Chupan ri q'ij ri' yin xik'oje' pa ruwi' ri juyu', kawineq q'ij y kawineq aq'a' achi'el xinben ri nabey mul. Y ri Jehová kan xirak'axaj k'a jun bey chik y roma ri' man xeruk'is ta.

Wuj Richin Bix Chire ri Dios 99:6

Ri Moisés y ri Aarón kan jeri' ri xe'ok ru-sacerdote, Ri Samuel jari' ri nich'on pa kiwi' ri winaqi' rik'in rija'. Rije' kan xech'on k'a rik'in ri Jehová, y rija' kan xerak'axaj k'a pe.

Ex 33:17

Y ri Jehová xubij chik chire ri Moisés: Yin kan xtinben k'a ronojel ri xabij yan qa chuwe, roma kan awilon chik utzil chinuwech yin y jebel wetaman awech, xcha'.

Ex 32:14

Y jari' toq ri Jehová xuq'et k'a ri' y man xuya' ta chik pe pa kiwi' ri ruwinaq, ri ruk'ayewal ri ruch'obon richin nuya' pa kiwi'.

Wuj Richin Bix Chire ri Dios 106:23

Ri Jehová kan xrajo' chi xeruk'is ta konojel ri qati't-qamama'. Jak'a ri Moisés ri rucha'on rija', kan xch'on k'a pa kiwi' rije', richin chi xuqasaj ruwi' ri royowal, richin man xerukamisaj ta.

Deut 9:8

Chiri' pan Horeb kan xiyek janila royowal ri Jehová, y xoyower k'a iwik'in y xrajo' chi xixruk'is ta chiri'.

Hebreos 12:21

Ri xtz'etetej k'a pa ruwi' ri juyu', kan nuya-wi xibinri'il. Roma ri' ri Moisés xubij: Yibaybot roma xibinri'il, xcha'.

Ex 34:10

Y ri Jehová xubij chik chire ri Moisés: Wakami k'a, yin xtinbenbana' chik rutzil jun tununri'il iwik'in. Chuqa' chikiwech ri awinaq kan xkenben k'a meyel taq banobel, ri kan man jun bey e banatajineq ta ri pa taq tinamit ri ek'o chuwech re ruwach'ulew. Kan konojel k'a ri winaqi' kichin ri tinamit ri ek'o-pe chi taq inaqaj, xtikimey ri nimalej nusamaj yin Jehová y kan xtikimey k'a ri xtinbenbana' iwik'in rix.

Deut 9:20

Chuqa' ri Jehová yakatajineq royowal chirij ri Aarón, y xrajo' xuk'is jumul, jak'a yin kan xich'on chuqa' pa ruwi' rija'.

Deut 11:17

Wi keri' xtiben, ri Jehová kan xtiyakatej royowal pan iwi' rix, y man xtuteq ta pe ri job; y ri ulew man xtiwachin ta chik, y kan chi'anin xkixken roma wayjal.

Wuj Richin Bix Chire ri Dios 78:59

Toq ri Dios xutz'et ronojel re', kan janila k'a xpe royowal, roma ri' kan xeretzelaj k'a konojel ri qawinaq.

Wuj Richin ri Q'axanri'il 11:2

Roma ri' ri winaqi' xkik'utuj to'onik chire ri Moisés y rija' kan jari' xch'on rik'in ri Jehová. Y kan jari' toq ri q'aq' xk'is-el.

Wuj Richin Bix Chire ri Dios 106:19

Ri qati't-qamama' xkiben k'a ruwachibel jun alaj achij wákix chiri' pan Horeb. Kan xkiya' k'a ruq'ij ri wachibel ri xa ya'erisan pa q'aq'.