Deut 9:14 - Kaqchiquel Bible

¹⁴ Taya' q'ij chuwe richin yenk'is y kan xtiyojtej jumul ri kibi' chuwech ri ruwach'ulew, y xaxe k'a rik'in ri awijatzul rat xtinben jun nimalej ruwach'ulew y kan janila k'a xkek'iyer y xtik'oje' janila kuchuq'a' chikiwech rije', xcha' ri Jehová chuwe.

Deut 9:14 ပူးပေါင်းရင်းမြစ်များ

Deut 29:20

Ri Jehová kan man jun bey xtukuy rumak ri wineq ri nich'obon keri', xa kan xtrelesaj royowal chirij ri wineq ri', y kan xtuya' ri itzel oyonik pa ruwi' achi'el ri tz'ibatajineq kan chupan re jun wuj re', y kan xtuk'is-el jumul ri rijatzul chuwech re ruwach'ulew.

Wuj Richin Bix Chire ri Dios 9:5

Xaben k'a chike ri winaqi' richin ri ruwach'ulew chi xkixibij-ki'; xe'ak'is k'a ri e banoy taq etzelal; xaben chi ri kibi' man jun bey chik xnatex chuwech re ruwach'ulew.

Apocalipsis 3:5

Ri xtich'akon, kan xtinwiq k'a rik'in seq taq tzieq. Y man xtinwelesaj ta ri rubi' chupan ri wuj ri richin k'aslen. Y kan xtinbij k'a chire ri Nata' y chike ri ángel, chi ri wineq kan wichin yin.

Hechos 7:51

Rix kowirineq ri iwánima chupan ri etzelal. Rix ix achi'el ri man e qawinaq ta ri man nikitzeqelibej ta ri qa-Dios, y man jun bey niwajo' chi ja ta ri Loq'olej Espíritu ri nuk'uan iwichin. Kan achi'el xkibanala' ri qati't-qamama', kan keri' k'a chuqa' niben rix re wakami.

Wuj Richin Bix Chire ri Dios 109:13

Xkek'is ta k'a ri rijatzul, y chirij ri ruka'n sol ruwinaq kan ta k'a xtiyojtej jumul ri rubi'.

Wuj Richin ri Jeremías 15:1

Ri Jehová xubij chuwe: Stape' kan ja ta ri ánima Moisés y ri ánima Samuel xkepe wawe' richin nokik'utuj utzil chuwe richin chi xtinjoyowaj ta kiwech re winaqi' re', yin kan man xkento' ta. Tabij chike ri awinaq chi ke'el-el chinuwech yin y kan kebiyin nej.

Wuj Richin ri Jeremías 14:11

Chuqa' ri Jehová xubij chuwe: Man tak'utuj utzil chuwe richin utz xkebe re tinamit re'.

Wuj Richin Etamabel-Tzij 10:7

Ri natabel kichin ri winaqi' choj kik'aslen, kan rik'in kikoten yenatex; jak'a ri winaqi' ri xa itzel kik'aslen, xa man yenatex ta chik.

Deut 32:26

Yin xitikir ta xixintaluj-el richin xixtalutej ta chi nej chi naqaj chuwech re ruwach'ulew richin chi man jun chik tinatan iwichin.

Wuj Richin ri Esdras 9:14

Man ruk'amon ta chi chaq niqaq'ej ruwi' ri apixa' y man ruk'amon ta richin yojk'ule' kik'in ri winaqi' ri' ri nikiben ri man niqa' ta chawech rat. Wi niqaben keri', rat kan janila xtipe awoyowal chiqe, y kan xqojak'is.

Wuj Richin Bix Chire ri Dios 106:23

Ri Jehová kan xrajo' chi xeruk'is ta konojel ri qati't-qamama'. Jak'a ri Moisés ri rucha'on rija', kan xch'on k'a pa kiwi' rije', richin chi xuqasaj ruwi' ri royowal, richin man xerukamisaj ta.

Wuj Richin ri Jeremías 7:16

Rat Jeremías man kach'on wik'in pa ruwi' re tinamit re'. Man k'a kakamela'an y man tak'utuj utzil chuwe koma rije', roma yin kan man xkatinwak'axaj ta.

Wuj Richin ri Isaías 48:19

Chuqa' ri iwijatzul xewinaqir ta pa ruk'iyal, achi'el rajlabal ri sanayi' ri ek'o chuchi' ri palou. Y yin kan man ta xixink'is.