Deut 9:12 - Kaqchiquel Bible

¹² Y ri Jehová xubij chuwe: Kabiyin y kaqaqa-el chi'anin, roma ri tinamit ri xe'awelesaj-pe pan Egipto kan chi'anin xkich'er kan ki' wik'in; xa kan man xkitaqej ta ri xinbij chike; xa xkiben jun wachibel ri banon rik'in q'anapueq ri ya'erisan pa q'aq'.

Deut 9:12 ပူးပေါင်းရင်းမြစ်များ

Wuj Kichin ri To'onela' 2:17

Jak'a rije' kan man xeniman ta chuqa' chike ri to'onela', xkimalij kan ri Jehová y xa xekitzeqelibej ri jujun chik dios, y xkiya' kiq'ij; keri' chuqa' chi'anin xkijech'ej kan ki' chire ri rupixa' ri Jehová, y man xkiben ta achi'el ri xkiben ri kite-kitata'.

Deut 31:29

Roma yin wetaman chi toq xa in kamineq chik el, rix xkixyojtej jumul. Kan xtiya' kan ri bey ri xinbij chiwe ri k'o chi niwojqaj, y wetaman chuqa' ri xtipe chiwij ri chiwech-apo. Kan xtipe k'a ruk'ayewal pan iwi', roma kan itzel ri ibanobal chuwech ri Jehová, y niben chire richin nipe royowal roma ronojel ri xtiben, xcha' ri Moisés.

Gálatas 1:6

Yin kan xinmey-qa toq xinwak'axaj chi rix xijech'ej kan iwi' rik'in ri Dios, roma rix xa xitzeqelibej yan el ri jun wi chik ch'abel richin kolotajik, y man nitzeqelibej ta ri Dios ri xoyon iwichin richin xuya' ri rutzil ri Cristo pan iwi'.

Os 6:4

Ri Jehová nubij: ¿Achike ta k'a xtinben chawe rat Israel? ¿Achike ta k'a xtinben chawe rat Judá? Roma ri ajowabel ri k'o awik'in chuwe yin, xa achi'el ok ri sutz' ri niqaqa ri nimaq'a', achi'el ok raxq'ab ri niqaqa pa taq nimaq'a' ri xa chi'anin nik'is-qa.

Judas 1:10

Jak'a ri winaqi' ri nikiya' ri man qitzij ta tijonik, xa itzel yech'on chirij ri man q'axineq ta chikiwech. Ri ti juba' ri ketaman rije', ketaman achi'el ri chikopi' ri man yech'obon ta. Y jari' ri nikikusaj richin nikitz'ilobisaj ri kik'aslen.

Wuj Richin Bix Chire ri Dios 78:57

Rije' xa xkimalij kan ri Dios, xa xkipaba-ki' chuwech achi'el xkiben ri kite-kitata' rije'. Xa xkiben achi'el jun rute-ch'ab ri kotokik chik.

Deut 32:5

Jak'a ri ik'aslen rix xa q'ayineq; ri tz'ilolej k'aslen xa iwik'in rix peteneq-wi. Rix xa man ruk'amon ta chi ix ralk'ual ri Dios, roma xa imalin kan rija' y ri ik'aslen xa xotoxik.

Deut 9:16

Yin xentz'et k'a pe ri qate-qatata', chi xa xemakun chuwech ri Jehová ri qa-Dios y xkiben ri ruwachibel jun nima-alaj achij wákix rik'in q'anapueq ya'erisan pa q'aq', y rik'in k'a ri' xkijech'ej kan ki' chire ri rubin ri Jehová chike.

Deut 4:16

richin chi man yixyojtej y ye'ibanala-q'anej paban taq wachibel, ruwachibel jun achin, jun ixoq o jun chik wachibel.

Ex 32:1

Y jak'a toq ri winaqi' xkitz'et chi ri Moisés xa xyaloj yan y xa man qajineq ta pe pa ruwi' ri juyu', ri winaqi' jari' toq xkimol-apo-ki' chirij ri Aarón y xkibij chire: Wakami ja rat k'a ri kayakatej y tabana' jun qa-dios richin jari' ri niyuqen qichin, roma ri Moisés ri xojelesan-pe pan Egipto, man jun qetaman ri achike xuk'uluwachij, xecha'.

Ex 13:3

Y ri Moisés xubij chike ri winaqi': Toqaqa k'a chiqak'u'x re jun q'ij re', chupan ri ik' Abib toq ri Jehová rik'in ri nimalej ruchuq'a' xojrelesaj-pe pa tijoj-poqonal. Roma ri' kan man jun k'a chiqe roj xtutej ta kaxlan-wey ri k'o ch'amilej-q'or rik'in.

Deut 5:15

Toqaqa k'a chi'ik'u'x toq xixxime' pa samaj pan Egipto, y yin Jehová ri in i-Dios rik'in k'a wuchuq'a' xixinwelesaj-pe, y roma ri xinben iwik'in, roma ri' k'o chi nichajij ri q'ij richin uxlanen.

Deut 9:26

Y xink'utuj k'a utzil chire ri Jehová y xinbij: ¡Ajaw Jehová!, nink'utuj utzil chawe chi man tak'is re tinamit re', roma re' kan awichin rat, rat xakolon-pe richin rik'in ri animirinen, rat xatelesan-pe richin chiri' pan Egipto rik'in ri nimalej awuchuq'a'.

Deut 9:29

Roma ri' tabana' utzil takuyu' rumak re tinamit re', roma re' kan awichin rat, rat xatelesan-pe qichin pan Egipto rik'in ri nimalej awuchuq'a', xicha'.