Deut 9:1 - Kaqchiquel Bible

¹ Tiwak'axaj rix nuwinaq israelita: Wakami nibeq'axaj ri raqen-ya' Jordán richin niwichinaj ri nima'q taq ruwach'ulew, ri e k'iy winaqi' ri ek'o chupan y más kuchuq'a' chiwech rix, kan nima'q taq ruwach'ulew y e sutin-kij chi tz'aq ri janila nej e jotol.

Deut 9:1 ပူးပေါင်းရင်းမြစ်များ

Wuj Richin ri Rutikeribel 11:4

Chirij re' xkibij chik: Tiqapaba' jun tinamit y jun torre y re torre re' xtapon k'a chila' chikaj, richin keri' xtel qatzijol y man xqojtalutej ta chuwech re ruwach'ulew, xecha'.

Ex 32:1

Y jak'a toq ri winaqi' xkitz'et chi ri Moisés xa xyaloj yan y xa man qajineq ta pe pa ruwi' ri juyu', ri winaqi' jari' toq xkimol-apo-ki' chirij ri Aarón y xkibij chire: Wakami ja rat k'a ri kayakatej y tabana' jun qa-dios richin jari' ri niyuqen qichin, roma ri Moisés ri xojelesan-pe pan Egipto, man jun qetaman ri achike xuk'uluwachij, xecha'.

Dn 4:11

Re che' re' janila xk'iy y xnimer k'a ri rupan. Y ri rutum xapon k'a chila' chikaj, y kan nitz'etetej k'a chupan chijun ruwach'ulew.

Am 2:9

Ri amorreo kan janila e nima'q kipalen; kan e nima'q achi'el ri tiox-che'. Rije' kan janila kuchuq'a'; kan e kow achi'el ri tuq. Man rik'in ri' yin xenwelesaj-el pa kiruwach'ulew. Kan xenk'is k'a jumul achi'el nik'is jun che'; ri nitiker-pe pa rutum y k'a pa ruxe-qa.

Wuj Richin ri Q'axanri'il 13:22

Rije' xe'ok k'a el ri chiri' pa xokon chire ri ruwach'ulew Canaán y pa jun tinamit rubini'an Hebrón, chiri' xe'apon-wi nabey. Y ja ri chiri' ek'o-wi oxi' achi'a' ri e rijatzul kan ri Anac. Y ri achi'a' ri' kibini'an Ahimán, Sesai y Talmai. Ri tinamit Hebrón wuqu' juna' nabey xban-q'anej chuwech ri tinamit Soan ri k'o pan Egipto.

Wuj Richin ri Q'axanri'il 33:51

Kach'on kik'in ri awinaq y tabij chike: Toq xiq'axaj yan ri raqen-ya' Jordán y toq yixok yan apo chupan ri ruwach'ulew Canaán,

Deut 1:28

Wakami k'a ¿Akuchi k'a xqojbe-wi? Ri qawinaq ri xeqateq xojokixibij y xkibij chiqe chi ri winaqi' ri ek'o chiri' kan más kuchuq'a' y más nima'q kipalen chiqawech roj y ri kitinamit kan janila e nima'q, y e sutin-kij rik'in tz'aq ri kan janila nej e jotol chikaj. Y chuqa' xkibij chiqe chi xekitz'et kan ri e rijatzul ri Anac. Y roma ri' xqamalij qak'u'x, xixcha'.

Deut 11:23

ri Jehová kan xkerujech pan iq'a' ri etzelanel iwichin. Xkerelesaj k'a el ri winaqi' ri' stape' kan e k'iy y kan más kuchuq'a' chiwech rix. Chupan k'a ri kiruwach'ulew rije' xkixk'oje-wi kan rix.

Deut 11:31

Rix kan jare' k'a xkixq'ax la juk'an-apo ruchi' raqen-ya' y xtok iwichin ri ruwach'ulew ri xtuya' ri Jehová ri qa-Dios chiwe. Toq rix xe'ich'ek yan y ixk'o chik chupan,

Deut 27:2

Juba-apo xkixok chupan ri ruwach'ulew ri akuchi niwachin-wi ronojel ruwech tiko'n, ri xtuya' ri Jehová ri qa-Dios chiwe, achi'el ri rusujun chike ri qati't-qamama'. Roma ri' toq xtiq'axaj ri raqen-ya' Jordán, k'o chi yixjote-el pa ruwi' ri juyu' Ebal y kan xke'ipaba-q'anej nima'q taq abej y xke'ichumaj rij, richin nitz'ibaj chuwech ronojel re xtinbij chiwe.

Deut 3:18

Chupan ri q'ij ri' xinya' chiwe rix ri ix rijatzul kan ri Rubén, ri Gad, y ri nik'aj chiwe ri ix rijatzul kan ri Manasés re jun ruchojmilal re': Ri Jehová ri qa-Dios nujech re ruwach'ulew re' chiwe richin niwichinaj kan. Jak'a konojel ri aj-labal, tikichapa' ri kikamisabal y ke'ik'o-el chikiwech ri qawinaq israelita.

Deut 4:1

Wakami k'a rix nuwinaq, tiwak'axaj k'a ronojel ri nubij ri pixa' re nink'ut chiwech. Kan titaqej k'a, richin xtiwichinaj y richin xkixk'ase' chupan ri ruwach'ulew ri xtuya' chiwe ri Jehová, ri ki-Dios chuqa' ri qati't-qamama'.

Deut 4:38

Chuqa' xerelesaj-el ri nima'q taq tzobaj winaqi' etzelanel qichin ri más kuchuq'a' chiqawech roj, richin yixbek'oje' chuwech ri kiruwach'ulew rije' achi'el ri nibanatej wakami.

Deut 6:10

Toq ri Jehová ri qa-Dios, xtuya' ri ruwach'ulew ri rujikiban kan chike ri qati't-qamama' Abraham, ri Isaac y ri Jacob, y ri xujikiba' chi nuya' chiwe jun nimalej ruwach'ulew ri ek'o jebel taq tinamit chupan ri man rix ta ix yakayon-q'anej.

Deut 7:1

Toq ri Jehová Dios xkixrukusaj-apo chupan ri ruwach'ulew, jari' toq kan chiwech xkerelesaj-el wuqu' tinamit ri janila e nima'q y janila kuchuq'a' chiwech rix, jare' ri tinamit: Ri hitita, ri gergeseo, ri amorreo, ri cananeo, ri ferezeo, ri heveo y ri jebuseo.

Wuj Richin ri Josúe 1:11

Kixbiyin pa runik'ajal ri akuchi ek'o-wi-qa ri winaqi' y tibij chike chi tikichojmirisaj ri achike ri nikik'uaj richin nikitej roma pa rox q'ij xqojbe richin chi xtiqaq'axaj ri raqen-ya' Jordán richin yojok-apo y xtok qichin ri ruwach'ulew ri xtuya' chiqe ri Jehová ri qa-Dios, xcha' chike.

Wuj Richin ri Josúe 1:15

Rix kan xqojito', k'a toq ri Jehová xtuya' na chiqe ri ulew richin xtiqichinaj achi'el ri xuya' yan chiwe rix; y k'ari' xkixtzolin-pe chupan re ruwach'ulew re' re iwichinan kan rix, re ruya'on kan ri Moisés ri rusamajel ri Jehová chiwe, re k'o pe kere' pa relebel-q'ij chire re Jordán, xcha' ri Josué.

Wuj Richin ri Josúe 14:12

Taya' k'a chuwe re chuwi' taq juyu' re' achi'el xubij kan ri Jehová chupan ri q'ij ri'. Rat kan xawak'axaj chupan ri q'ij ri', chi ri nima'q kipalen achi'a' ri e rijatzul kan ri Anac ek'o chiri' y kan k'a ek'o na chiri' chupan ri nima'q taq tinamit ri e sutin-kij rik'in tz'aq; rik'in ri ruto'onik ri Jehová xkenwelesaj-pe achi'el rubin rija', xcha' ri Caleb.

Wuj Richin ri Josúe 3:14

Ri winaqi' xkiyek-el ri taq kachoch y xebe richin chi nikiq'axaj ri raqen-ya' y ri e sacerdote ri e uk'uayon ri káxa richin ri jikibel-tzij, e ik'owineq chikiwech konojel winaqi'.

Wuj Richin ri Josúe 3:16

ri ya' ri xulan-pe xpa'e' y xumol kan ri', y ri akuchi xumol kan ri' ri ya' ri', kan janila nej chike rije' y chunaqaj ri tinamit rubini'an Adam ri k'o chunaqaj ri jun chik tinamit rubini'an Saretán, ri ya' ri beneq pa xulan xapon k'a chupan ri Tzayi-Choy y ri winaqi' xeq'ax-apo pa chaqi'j pa ruchojmilal ri tinamit Jericó.

Wuj Richin ri Josúe 3:6

Chuqa' xch'on kik'in ri e sacerdote y xubij: Titelej-el ri káxa richin ri jikibel-tzij y kixik'o-el chuwech ri tinamit, xcha'. Y rije' kan xe'ik'o-el chikiwech ri winaqi'.

Wuj Richin ri Josúe 4:19

Chupan ri q'ij lajuj richin ri nabey ik', ri winaqi' xkiq'axaj k'a ri raqen-ya' Jordán, y xek'oje-qa chiri' chupan ri jun taq'aj ulew rubini'an Guilgal ri k'o chiri' pa relebel-q'ij chire ri tinamit Jericó.

Wuj Richin ri Josúe 4:5

jari' toq xubij k'a chike: Kixtzolin chik k'a akuchi k'o-wi ri káxa richin ri rujikibel-tzij ri Jehová ri qa-Dios. Y chiri' chi'ijujunal richin ri jun tzobaj xtibek'ama-pe jun abej y xtiya-el chuwi-itele'n,