Deut 8:8 - Kaqchiquel Bible

⁸ Jun ruwach'ulew ri akuchi niwachin ri trigo, ri cebada, ri uva, ri wíkix, ri granada, ri olivo y ri kab ri nikiya' taq chikopi'.

Deut 8:8 ပူးပေါင်းရင်းမြစ်များ

San Juan 6:13

Ri tijoxela' kan xbekimolo' k'a pe, y xkinojisaj kablajuj chakech rik'in ri man xk'is ta rutijik, toq e wayneq chik konojel. K'a ja na ri' xmolotej kan chire ri wo'o' kaxlan-wey banon rik'in cebada.

Wuj Richin Bix Chire ri Dios 147:14

Ja rija' ri niya'on ri uxlanen chupan ri iruwach'ulew. Rija' nuya' pa ruk'iyal ri trigo richin yixnoj jebel.

Deut 32:14

Chuqa' chiri' xitej jebelej mantequilla roma ri iwawej kan janila chi leche xkiya'. Xitej kich'akul karne'l y tzuntzun richin Basán, ri jebel e ti'ojirisan. Y xitej ri jebelej taq trigo y xiqum ri jebelej taq vino.

San Juan 6:9

Wawe' k'o jun ala' ri k'o wo'o' kaxlan-wey rik'in, ri banon rik'in cebada; chuqa' ka'i' taq ker e ruk'amon-pe, ¿xaxe ta k'a ok re' ri xtiqaya-apo chikiwech konojel re winaqi' re'?, xcha' ri Andrés.

Wuj Richin ri Habacuc 3:17

Yin kan xkikikot k'a rik'in ri Jehová, kan xkinimaq'ijun k'a rik'in ri Dios ri nukolonel; stape' ta ri ruche'el wíkix man ta chik niwachin, ni ri juwi-uva man ta chik nuya' ruwech, ni ri aceite richin ri olivo maneq ta chik; stape' kan man niwachin ta chik ri ruwach'ulew, y kan e maneq ta chik ri kokoj y nima'q taq awej.

Wuj Richin ri Miqueas 4:4

Chupan ri q'ij ri' konojel k'a winaqi' man xtikixibij ta ki', y chikijujunal k'o kijuwi-uva y ri ruche'el ri kiwíkix, richin xtikitej pa ruk'iyal. Keri' nubij ri Jehová ri k'o pa ruwi' ronojel.

Os 2:22

Ri ruwach'ulew kan xtiberuwachij k'a pe ri trigo, ri vino y ri aceite. Ri taq'aj Jezreel kan xtibewachin k'a jebel.

Os 2:8

Jak'a rija' xa man xuya' ta rejqalen chi ri trigo, ri vino y ri aceite xa ja yin ri in yoyon chire. Ri q'anapueq y ri saqipueq ri kan pa ruk'iyal nuya'on chire, xa chire ri Baal xusuj-wi.

Ez 27:17

Y chuqa' ri winaqi' aj-Judá y ri aj-Israel yepe rik'in richin ye'oloq'on; nikik'en-pe trigo ri nipe pa tinamit Minit. Chuqa' nikik'en-pe kab ri nikiya' ri taq chikopi', aceite richin olivo y jalajoj kiwech aq'om y rik'in ri' nikitojbej kan.

Wuj Richin ri Jeremías 5:17

Rije' xtikitej ronojel ruwech ri itiko'n y ri iway. Xkekik'uaj konojel ri iwalk'ual. Xkekitej ronojel ri iwawej y xkekik'is ri ijuwi-uva y ri iwíkix. Kan rik'in k'a ri kikamisabal xtikik'is kan ronojel ri nima'q taq itinamit ri kan e tz'apen rik'in tz'aq, ri achoq ik'in ikuquban-wi ik'u'x.

Wuj Richin ri Isaías 7:23

Chuqa' chupan ri q'ij ri' ri akuchi xk'oje' 1,000 juwi-uva, ri kan janila rajel, xa xkebek'iy-pe ri q'ayis ri janila kik'ixal chuwech.

1 Rey 5:11

Y ri Salomón chi juna' chi juna' xuteq más juba' 2,200 quintal trigo, y más juba' 4,000 litro aceite richin oliva ri jebel ch'ajch'oj; ronojel re' richin nikitej ri ek'o pa rachoch ri rey Hiram.

2 Sam 4:6

Ri e ka'i' achi'a' ri' xkiben k'a el chi nibekik'ama' trigo chiri', y roma ri' xe'ok-apo. Jak'a toq xe'apon chupan ri jay ri', xkitz'et chi ri Is-bóset jebel niwer pa ruch'at. Jari' toq xkikamisaj y xkelesaj-pe ri rujolon, y k'ari' xkik'en-pe. Xebiyin chijun aq'a' chupan ri taq'aj bey ri niq'ax chuchi' ri raqen-ya' Jordán.

Wuj Richin Bix Chire ri Dios 81:16

Jak'a ri nutinamit yin, kan ta xinya' ri jebelej trigo chike; kan ta rik'in kab ri nikiya' ri taq chikopi' xink'owisaj ri chaqi'j kichi', xcha'.

Wuj Richin ri Rutikeribel 49:11

Ri rubur xtuyuquba' chuwech ruche'el ri uva, kan chuwech k'a ri ruche'el ri jebelej uva xtuyuquba-wi, rija' kan pa vino chik xtuch'ej-wi ri rutziaq, ri ko'ol raqen rutziaq chupan ri kik'-kik' ruya'al uva xtuch'ej-wi.

Deut 8:7

Roma ri Jehová ri qa-Dios yixberuya' chupan jun jebelej ruwach'ulew, ri akuchi ek'o kokoj raqen taq ya', ek'o ralaxbel taq ya' y ek'o chuqa' ya' e rimil xabakuchi; ya' ri kan yebiyin chuwa taq taq'aj y kojol taq juyu'.

Deut 8:9

Chupan ri jun ruwach'ulew ri' maneq tijoj-poqonal y kan k'o-wi k'iy richin nitij. Chuqa' man jun ri man ta nik'ase' chiri' richin tijel y man jun ri man ta nilitej chiri' achi'el ri q'eqapueq y ri q'enq'oj-pueq.

Deut 32:13

Rija' xixruto' richin xe'ich'ek ri winaqi' ri ek'o chuwech ri taq'aj, y xixwa' jebel chuwech ri ulew ri ek'o chiri'. Chuqa' xe'itz'ub ri kab ri nikiya' ri taq chikopi' ri chuwa taq abej, y kojol wajweq taq abej xek'iy-pe che' olivo.

Wuj Richin ri Q'axanri'il 13:23

Y toq rije' xe'apon-el pa jun taq'aj kojol juyu', ja ri chiri' toq xkitzak'ij-pe jun nima-tzeqaj uva y e ka'i' k'a achi'a' ri xek'amon-pe chuwi-kitele'n, rik'in jun ruq'a-che', y chuqa' xekik'en-pe ruwech ri granada y ruwech ri wíkix.

Deut 6:3

Roma ri' rix nuwinaq israelita tiwak'axaj, y kan tiya' k'a pan iwánima re pixa' re' richin utz xkixbe, y keri' kan xkixwinaqir chupan ri ruwach'ulew ri akuchi nik'ase' ronojel ruwech tiko'n, achi'el rusujun ri Jehová ri qa-Dios, ri chuqa' ki-Dios ri qati't-qamama'.

2 Rey 18:32

K'ari' rija' xkixruk'uaj-el pa jun chik ruwach'ulew ri junan rik'in ri iruwach'ulew rix. Y chiri' xkixtikir xtitik-qa jalajoj ruwech ixin y ri uva. Chiri' xtiben kaxlan-wey y vino. Ri ruwach'ulew ri' xtuya' aceite richin olivo, kab ri nikiya' ri taq chikopi'. Y keri' rix man xkixken ta, jak'a xa kan xkixk'ase' kan. Jak'a man tiwak'axaj ri nubij ri Ezequías roma rija' xa yixruq'ol toq nubij chi ri Jehová xkixrukol.

Wuj Richin ri Jeremías 2:7

Yin xenk'en-pe chupan re ruwach'ulew akuchi jebel nuya' ronojel ruwech tiko'n, richin chi nikitej ri ruwech y ronojel ri nuya' chiri', jak'a rix toq xixok chupan, xa xitz'ilobisaj ri nuruwach'ulew y xiben chire chi yin man utz ta chik nintz'et.