Deut 8:7 - Kaqchiquel Bible

⁷ Roma ri Jehová ri qa-Dios yixberuya' chupan jun jebelej ruwach'ulew, ri akuchi ek'o kokoj raqen taq ya', ek'o ralaxbel taq ya' y ek'o chuqa' ya' e rimil xabakuchi; ya' ri kan yebiyin chuwa taq taq'aj y kojol taq juyu'.

Deut 8:7 ပူးပေါင်းရင်းမြစ်များ

Ex 3:8

Roma ri' xiqaqa-pe richin chi yetotej-el pa kiq'a' ri aj-Egipto, y yenwelesaj-el chupan ri ruwach'ulew ri', y yenk'uaj chupan jun utzilej ruwach'ulew y nim, ri akuchi niwachin-wi ronojel ruwech tiko'n, ri akuchi k'o-wi ri kiruwach'ulew ri winaqi' cananeo, ri heteo, ri amorreo, ri ferezeo, ri heveo y ri jebuseo.

Ez 20:6

Ri q'ij ri' kan xinya' k'a ri nuq'a' pa kiwi' y xinya' nutzij chike chi yin yenwelesaj-pe chiri' y yenk'uaj chupan jun ruwach'ulew ri kan kichin rije' ri akuchi niwachin ronojel ruwech tiko'n, jun ruwach'ulew ri kan jebel chikiwech konojel.

Wuj Richin ri Rutikeribel 49:11

Ri rubur xtuyuquba' chuwech ruche'el ri uva, kan chuwech k'a ri ruche'el ri jebelej uva xtuyuquba-wi, rija' kan pa vino chik xtuch'ej-wi ri rutziaq, ri ko'ol raqen rutziaq chupan ri kik'-kik' ruya'al uva xtuch'ej-wi.

Deut 8:6

Titaqej k'a ri pixa' ri ruya'on ri Jehová ri qa-Dios chiwe y kan tiya' ruq'ij y kan titzeqelibej k'a ri rutijonik ri ruya'on rija' chiwe.

Deut 8:8

Jun ruwach'ulew ri akuchi niwachin ri trigo, ri cebada, ri uva, ri wíkix, ri granada, ri olivo y ri kab ri nikiya' taq chikopi'.

2 Rey 18:32

K'ari' rija' xkixruk'uaj-el pa jun chik ruwach'ulew ri junan rik'in ri iruwach'ulew rix. Y chiri' xkixtikir xtitik-qa jalajoj ruwech ixin y ri uva. Chiri' xtiben kaxlan-wey y vino. Ri ruwach'ulew ri' xtuya' aceite richin olivo, kab ri nikiya' ri taq chikopi'. Y keri' rix man xkixken ta, jak'a xa kan xkixk'ase' kan. Jak'a man tiwak'axaj ri nubij ri Ezequías roma rija' xa yixruq'ol toq nubij chi ri Jehová xkixrukol.

Wuj Richin Bix Chire ri Dios 106:24

Stape' keri', ri winaqi' xa kan xketzelaj k'a ri ruwach'ulew ri kan rayixel. Man xkikuquba' ta kik'u'x rik'in ri ruch'abel rija'.

Wuj Richin ri Jeremías 2:7

Yin xenk'en-pe chupan re ruwach'ulew akuchi jebel nuya' ronojel ruwech tiko'n, richin chi nikitej ri ruwech y ronojel ri nuya' chiri', jak'a rix toq xixok chupan, xa xitz'ilobisaj ri nuruwach'ulew y xiben chire chi yin man utz ta chik nintz'et.

Ez 17:5

Y ri kot xtzolin chiri' pan iruwach'ulew Israel y xuk'uaj-el jun ti ija'tz richin xberutika' kan pa jun ulew ri kan richin tiko'n y kan chuchi' k'a jun raqen-ya' xutik-wi-qa, ri akuchi janila ya' k'o.

Wuj Kichin ri To'onela' 18:10

Toq xqojbe, xqojapon kik'in winaqi' ri kikuquban kik'u'x, y xqojapon chupan jun ruwach'ulew ri kan janila nim, y chuqa' chiri' kan man jun achike ta ri man ta k'o; xa kan ronojel k'o. Ri Dios xa kan xujech yan k'a pa qaq'a', xecha'.

Wuj Richin Bix Chire ri Dios 104:10

Jehová, ja rat ri xabanon ri tz'ukubel taq ya', y ye'ateq chupan ri kokoj raqen taq ya'. Ri raqen taq ya' ri' kan yeq'axlan k'a kojol taq juyu'.

Wuj Richin ri Isaías 5:1

Xtinbenbixaj k'a re jun bix re' chire ri wachibil ri janila ninwajo', Re bix re' richin ri rutiko'n richin uva. Ri wachibil kan k'o k'a jun rutiko'n richin uva ri rubanon-qa, pa jun ulew ri akuchi niwachin-wi ronojel ruwech tiko'n.

Wuj Richin ri Isaías 36:17

k'a toq ri nu-rey xtipe richin xkixruk'uaj-el pa jun chik ruwach'ulew ri kan jubama junan rik'in ri iruwach'ulew rix, akuchi niwachin-wi ri jalajoj kiwech ixin richin niben ikaxlan-way, y akuchi niwachin-wi ri uva richin niben i-vino.