Deut 8:17 - Kaqchiquel Bible

¹⁷ Man tibij-qa pan iwánima chi ronojel ri ibeyomel kan ich'akon rik'in ri isamaj y ri iwuchuq'a'.

Deut 8:17 ပူးပေါင်းရင်းမြစ်များ

Deut 9:4

Toq ri Jehová ri qa-Dios xkerelesaj-el chiwech rix re tinamit re', man tibij-qa: Matiox chi roma utz ri qak'aslen roma ri' xojruk'en-pe chupan re jun ruwach'ulew re' richin nok qichin, man kixcha'. Xa roma k'a ri kimak ri tinamit ri' kan xkerelesaj-el chiwech rix.

1 Corintios 4:7

Rix ri nina' chi k'o janila iq'ij, ¿achike kami biyon chiwe chi ja rix ri más nim iq'ij? ¿Roma achike ta kami ri k'o iwik'in rix ri man ja ta chuqa' ri Dios yoyon-pe chiwe? Man jun. Y wi keri', man jun nik'atzin-wi chi ninimirisaj-iwi', roma xa ta iyon rix, man jun ta k'o iwik'in.

Dn 4:30

xinmey k'a ronojel ri nubeyomel y xinbij k'a qa: Titz'eta' ri runimirinen ri ruwach'ulew Babilonia. Jare' ri xinpaba-q'anej yin rik'in ri wuchuq'a'; xinpaba-q'anej richin chi xinben chire chi xok ruk'u'x ri wajawaren, y richin chi nik'oje' kan retal ri nunimirinen yin, xicha-qa.

Os 12:8

Rije' kan xkibij k'a qa: Kan janila xibeyomer-q'anej kan nim k'a ri beyomel ri wilon yin. Kan man jun k'a xtitikir xtich'ojin chuwe ri akuchi nuk'amon-wi ronojel re beyomel re', ni kan man jun k'a mak xtilitej chupan, yecha'.

Deut 7:17

Rik'in juba' rix nibij-qa pan iwánima: Re winaqi' kichin re ruwach'ulew re' kan k'o-wi más kuchuq'a' chiqawech roj, ¿achike k'a xtiqaben richin chi xkeqelesaj-el?, xkixcha'.

Wuj Richin ri Habacuc 1:16

Rije' nikiya' kiq'ij ri kikamisabal, achi'el ri e chapoy ker ri kan yekisuj kamelabel pa rubi' ri kiya'l, y kan yekamela'an k'a roma ri'. Roma rik'in ri' nikil-wi ri janila jebelej taq q'utun, y kan pa ruk'iyal.

Wuj Kichin ri To'onela' 7:2

Ri Jehová xubij chire ri Gedeón: Ri winaqi' ri ek'o awik'in janila e k'iy richin yenjech ri aj-Madián pan aq'a', man xa roma ri' kiyon rije' xtikiya-qa kiq'ij y nikibij-qa chi roma ri kuchuq'a' rije' xech'akon.

1 Sam 2:7

Ri Jehová nuben chi ri wineq nok meba' y nuben chi nok beyom. rija' nuqasaj ruq'ij y nunimirisaj ruq'ij.

Wuj Richin Bix Chire ri Dios 44:3

Rije', man roma ta ri kikamisabal xe'ok kan chuwech ri ruwach'ulew ri', ni man ja ta ri kuchuq'a' rije' ri xekolo. Kan ja ri awijkiq'a' y ri asaqil rat kik'in rije' ri xbanon chike chi xech'akon, Kere' xaben kik'in roma kan xeqa' chawech.

Wuj Richin ri Molojri'il 9:11

Chuwech re ruwach'ulew kan k'o chik k'a ri xinwetamaj: Chi toq niban jun anin, man xaxe ta ri jun ri más anineq nanin ri nich'akon. Chuqa' toq k'o jun labal man xaxe ta ri aj-labal ri kan ik'owineq kuchuq'a' ri xkech'akon; ri nitij q'ij-q'ij man xaxe ta kichin ri achi'a' aj-na'oj; ni ri beyomel man xaxe ta kichin ri etamanela', y chuqa' man ronojel ta ri rutzil xaxe ta kichin ri jebel yech'obon, roma xa qonojel roj niqil ronojel re'.

1 Sam 30:23

Jak'a ri David xubij: Man tiben keri' wach'alal rik'in ri xuya' chiqe ri Jehová ri kan xojruto' y xuya' pa qaq'a' ri e itzel taq achi'a' ri xeyakatej-pe chiqij roj.

Wuj Richin ri Achin Job 31:25

Ri nukikoten yin man xpe ta k'a roma ri nubeyomel, chuqa' man xpe ta roma ronojel ri xinch'ek rik'in ri nuq'a'.

Wuj Richin ri Molojri'il 3:6

Napon k'a ruq'ijul richin nakanoj y nawil, y chuqa' napon k'a ruq'ijul richin nakanoj y man nawil ta. Napon k'a ruq'ijul richin nayek, y chuqa' napon ruq'ijul richin nawelesaj-el.

Wuj Richin ri Jeremías 9:22

Ri Dios kan rubin k'a chiqe chi ri kaminaqi' kan xkech'otot kan, achi'el ri pamaj ri ch'ototajineq kan pa juyu'. Y ri kich'akul ri kaminaqi' kan xkepunupuxin kan achi'el ri espiga ri nitzaq kan toq niq'at ri trigo y kan man jun nisik'o-el richin, xecha'.

Ez 28:5

y chi rik'in ri anojibal kan janila xnimer ri ak'ayij. Roma ri' xach'ob chi xabeyomer janila y ri abeyomel xbe más pa jotol. Y roma ri' xanimirisaj-awi'.

Dn 4:27

Roma ri', rat rey, kan tak'ulu' k'a ri nupixabanik ri ninya' chawe: Kan tabana' k'a pa ruchojmilal, y man chik kamakun. Man chik ke'aben ri itzel taq banobel, xa kan más utz ke'ato' ri man jun k'o kik'in. Rik'in juba' rik'in re banobel re' xkak'ase' k'iy q'ij rik'in uxlanenri'il, keri' xubij chuwe.