Deut 8:15 - Kaqchiquel Bible

¹⁵ Ri Jehová xuben chiqe richin xojruk'uaj chupan ri nimalej tz'iran ruwach'ulew ri kan nak'en rukiy, ri nojineq rik'in kumatzi' y alacrán ri yekamisan, y akuchi janila xchaqi'j qachi' roma maneq ya'. Y rija' xuya' ri qaya' richin xqaqum ri xel-pe pa jun nimalej abej.

Deut 8:15 ပူးပေါင်းရင်းမြစ်များ

Wuj Richin ri Q'axanri'il 21:6

Y kan jari' toq ri Jehová xeruteq-pe itzel taq kumatzi' chikikojol ri winaqi' richin xekiti' y e k'iy k'a chike rije' xeken.

Wuj Richin ri Q'axanri'il 20:11

Y jari' toq ri Moisés xutzeqej k'a ri ruch'ame'y y xuk'osij ka'i' mul ri abej. Y kan jari' xbechoxcho-pe ya' chupan ri abej; y xe'uk'ya' k'a konojel ri winaqi', y xe'uk'ya' chuqa' ri kawej.

Wuj Richin ri Jeremías 2:6

Rije' kan man xoqaqa ta k'a chikik'u'x akuchi ink'o-wi yin ri xinelesan-pe kichin pan Egipto y xenyuqej chupan ri tz'iran ruwach'ulew; jun ruwach'ulew nojineq rik'in nimalej taq siwan, ruwach'ulew akuchi maneq ya' y akuchi chi'anin yaken, jun ruwach'ulew akuchi man jun wineq niq'ax y ni man jun nik'oje' chiri'.

Wuj Richin Bix Chire ri Dios 114:8

Ja rija' xbanon chi ri nima-abej xel-pe k'iy ya' chupan. Xuben chi ri abej xe'ok alaxibel taq ya'.

Deut 1:19

Roj kan xojel k'a pe pan Horeb y xojpe pa ruchojmilal ri k'echelaj ri k'o pa kiruwach'ulew ri winaqi' amorreo, achi'el ri xubij ri Jehová ri qa-Dios chiqe. Xqaq'axaj k'a ri itzel y ri nimalej tz'iran ruwach'ulew, y keri' xojoqaqa pa Cadés-barnea.

Os 13:5

Ja yin xichajin awichin chupan ri tz'iran ruwach'ulew, chupan ri chaqi'j ruwach'ulew.

1 Corintios 10:4

chuqa' xkiqum ri ya' ri xuya-pe ri Dios chike. Ri ya' ri' xel-pe pa jun nimalej abej ri kan kachibilan. Y ri abej ri', nuk'exewachuj ri Cristo.

Wuj Richin ri Isaías 35:7

Pa ruk'exel yepa'e' ta pa ruwi' k'aten sanayi', xa xkepa'e' chupan jun choy. Y pa ruk'exel ri ruwach'ulew nutz'u' ta qa ri ya', kan xkek'oje' alaxibel taq ya'. Ri akuchi wakami ek'o-wi ri utiwa', chiri' xtik'oje-wi pa ruk'iyal ri q'os y aj. Y chuqa' chiri' xtik'oje' pa ruk'iyal ri pop.

Wuj Richin Bix Chire ri Dios 136:16

Kan xeruyuq'uj k'a ri qati't-qamama' chupan ri tz'iran ruwach'ulew: Roma ri rujoyowanik rija' kan richin jantape'.

Wuj Richin Bix Chire ri Dios 105:41

Xujeq k'a ri nimalej abej, y kan xuben chi xbebulbu'x-pe ri ya' chupan. Kan xbiyin k'a el chupan ri chaqi'j ruwach'ulew achi'el jun raqen-ya'.

Deut 32:13

Rija' xixruto' richin xe'ich'ek ri winaqi' ri ek'o chuwech ri taq'aj, y xixwa' jebel chuwech ri ulew ri ek'o chiri'. Chuqa' xe'itz'ub ri kab ri nikiya' ri taq chikopi' ri chuwa taq abej, y kojol wajweq taq abej xek'iy-pe che' olivo.

Wuj Richin ri Isaías 30:6

Pa ruwi' ronojel re' k'o chik jun rutzijol ri ninya' pa kiwi' ri chikopi' ri ek'o pa tz'iran ruwach'ulew ri k'o pa xokon. Ri itaqonela' nikik'uaj ri ibeyomel chikij ri taq bur y ri camello richin xebe pan Egipto. Nikiq'axaj ri jun ruwach'ulew re akuchi xaxe janila ruk'ayewal y k'ayew ri k'o. Nikiq'axaj jun ruwach'ulew akuchi ruyon koj, kumatzi' y nima'q taq kumatzi' ri yexik'an pa kaq'iq'. Jak'a ri aj-Egipto kan man jun to'onik ri xtikiya' chiwe.

Wuj Richin ri Isaías 43:19

Jak'a re wakami yin xtinben k'a jun k'ak'a' banobel. Y kan chi'anin xbek'ulun-pe. Y rix ¿kan man nitz'et ta chi xchapatej yan? Ninbenjaqa' jun bey ri pa tz'iran ruwach'ulew, y kan ninya' raqen taq ya' chupan ri ruwach'ulew akuchi ri man niwachin ta.