Deut 8:14 - Kaqchiquel Bible

¹⁴ man tiya' q'ij richin ninimirisaj-iwi' rik'in ronojel ri k'o iwik'in, richin man timestaj ri Jehová ri qa-Dios ri xojelesan-pe pan Egipto ri akuchi xqatej-wi poqon y xojxime' pa samaj.

Deut 8:14 ပူးပေါင်းရင်းမြစ်များ

2 Rey 14:10

Kan qitzij na wi chi rat Amasías xe'ach'ek yan ri aj-Edom, y ri awánima kan animirisan y ayon rat aya'on-q'anej aq'ij. Xaxe kak'oje' k'a chiri' pan awachoch. ¿Achike roma naju-awi' pa jun ruk'ayewal, xaxe richin chi yabetzaq rat y ri aj-Judá chuqa'?, xcha' ri Joás rey richin Israel.

2 Rey 17:38

Man timestaj k'a ri jikibel-tzij ri xinben iwik'in, ni man tiya' kiq'ij ch'aqa' chik dios.

2 Crón 26:16

Jak'a toq xuna' chi k'o chik ruchuq'a' jebel chupan ri ruq'atbal-tzij, jari' toq janila xunimirisaj-ri', y jari' xbanon chire chi xtzaq. Rija' man xunimaj ta ri rutzij ri Jehová ri ru-Dios, y roma ri' ja rija' xbeporon ri pom pa rachoch ri Jehová pa ruwi' ri porobel.

2 Crón 32:25

Jak'a man rik'in ri', rija' xa man xumatioxij ta ri xuben ri Dios rik'in. Xa xpe pa ránima richin janila xunimirisaj-ri', y roma ri' ri Jehová xuya-pe ri royowal pa ruwi' rija' y pa kiwi' konojel ri aj-Judá.

Wuj Richin Bix Chire ri Dios 106:21

Xkimestaj k'a kan ri Dios ri nikolon kichin, ri xbanon nima'q taq banobel pan Egipto,

Wuj Richin Bix Chire ri Dios 78:7

Ronojel re' nik'atzin richin chi rik'in ri Dios tikikuquba-wi kik'u'x, y richin chi man tikimestaj ronojel ri meyel taq banobel ri xuben kik'in, y kan tikiyaka' ri pixa' ri xuya' chike.

Ex 13:3

Y ri Moisés xubij chike ri winaqi': Toqaqa k'a chiqak'u'x re jun q'ij re', chupan ri ik' Abib toq ri Jehová rik'in ri nimalej ruchuq'a' xojrelesaj-pe pa tijoj-poqonal. Roma ri' kan man jun k'a chiqe roj xtutej ta kaxlan-wey ri k'o ch'amilej-q'or rik'in.

Wuj Richin ri Jeremías 2:31

Rix winaqi' ri ix richin re sol winaqi' re'; tiya' jebel ixikin chire ri nuch'abel. ¿Man jun kami nuya'on chiwe rix? o ¿Man jun kami nuq'alajirisan chiwech? Nutinamit yin, ¿achike k'a roma nibij chi rix ix totajineq chuwech ronojel y man jun bey chik xkixtzolin wik'in?

Wuj Richin ri Jeremías 2:6

Rije' kan man xoqaqa ta k'a chikik'u'x akuchi ink'o-wi yin ri xinelesan-pe kichin pan Egipto y xenyuqej chupan ri tz'iran ruwach'ulew; jun ruwach'ulew nojineq rik'in nimalej taq siwan, ruwach'ulew akuchi maneq ya' y akuchi chi'anin yaken, jun ruwach'ulew akuchi man jun wineq niq'ax y ni man jun nik'oje' chiri'.

Wuj Richin ri Jeremías 23:27

Kan rik'in ri kachik' ri nikitzijoj chikiwech rije', kan nikiben chi ri nutinamit yinkimestaj kan más, kan achi'el xkiben ri kati't-kimama' ri ojer kan. Toq rije' xinkimestaj kan y ja ri Baal ri xkitzeqelibej.

Dn 11:12

Toq ri rey richin Egipto xeruch'ek yan ri janila chi winaqi' aj-Siria, kan janila k'a xtunimirisaj-ri'. Jak'a xa man xtiyaloj ta ri ruchuq'a',

Os 13:6

Jak'a toq xinya' ri away pa ruk'iyal xa jari' k'a toq xpe nimirisanen awik'in, xa jari' toq xinamestaj kan.

Wuj Richin ri Q'axanri'il 15:39

Ri retz'aba'l ri ruchi' ri itziaq ri' kan xtik'atzin k'a chiwe richin toq nitzu-qa, noqaqa chi'ik'u'x ronojel ri nupixa' ri nuya'on chiwe yin y xkixok k'a nimey taq tzij y man xtiben ta ri itzel taq rayinik ni man xtitzu' ta chik ruwech.

Deut 13:6

Y wi ta xa jun inimal, jun ichaq', jun ik'ajol, jun imi'al, o ri iwixjayil o jun iwach'alal ri kan janila niwajo', nutej ruq'ij chiwij pan ewel y nubij chiwe chi tiya' kiq'ij ch'aqa' chik dios ri man jun bey iwetaman ruwech, ni ta ri iwati't-imama' man xketamaj ta chuqa' kiwech.

Deut 17:20

Richin keri' man tunimirisaj-ri' chikiwech ri ruwinaq, y man tujech'ej kan ri' chire ri pixa', ni ta pa rijkiq'a', ni pa rajxokon. Richin keri' kan xtiyaloj k'a ri ruk'aslen chupan ri ruq'atbal-tzij, rija' y ri e rijatzul.

Deut 4:9

Roma ri' tichajij k'a iwi', y tik'oje' k'a chi'ik'u'x, richin man nimestaj ta ri xe'itz'et rik'in ri runaq' taq iwech, chuqa' man tel pan iwánima ronojel q'ij chire ri ik'aslen; kan xtik'ut k'a chikiwech ri iwalk'ual y ri kalk'ual rije'.

Deut 5:6

Ja yin Jehová ri i-Dios, ri xinelesan-pe iwichin ri chiri' pan Egipto, akuchi xixyuqe-wi pa samaj.

Deut 6:11

Xujikiba' chuqa' chi ri iwachoch nojineq rik'in beyomel ri man rix ta ix samajiyon, y ek'o pozo ri man rix ta ix k'otoyon, ek'o uva y olivo ri man rix ta ix tikiyon. Toq jebel chik ix wayneq

Deut 8:11

Kan tichajij k'a iwi' richin man nimestaj ta ri Jehová ri qa-Dios, richin nitaqej ronojel pixa' ri ninya' chiwe re wakami.

Deut 8:13

y xtitz'et chi ri iwákix y ri ikarne'l xkek'iyer, y keri' chuqa' ri q'anapueq, ri saqipueq, ronojel ri beyomel y ronojel k'a ri k'o iwik'in xtik'iyer,

Wuj Kichin ri To'onela' 3:7

Ri kibanobal ri israelita kan janila itzel chuwech ri Jehová roma xa xemestan rik'in rija' y xa ja ri Baal y ri Astarot ri xkiya' kiq'ij.