Deut 8:11 - Kaqchiquel Bible

¹¹ Kan tichajij k'a iwi' richin man nimestaj ta ri Jehová ri qa-Dios, richin nitaqej ronojel pixa' ri ninya' chiwe re wakami.

Deut 8:11 ပူးပေါင်းရင်းမြစ်များ

Wuj Richin Bix Chire ri Dios 106:21

Xkimestaj k'a kan ri Dios ri nikolon kichin, ri xbanon nima'q taq banobel pan Egipto,

Wuj Richin Etamabel-Tzij 1:32

Roma ri wineq ri man k'iy ta retamabal y man niniman ta tzij, xa jari' ri xtikamisan richin, y ri maneq runa'oj y nuben ri achike niqa' chuwech rija', ruyon rija' nuqasaj ruq'ij.

Wuj Richin Etamabel-Tzij 30:9

Roma wi xa naya' nubeyomel, rik'in juba' yatinjech'ej kan y ninbenbij-pe chi man yak'atzin ta chuwe, o wi yinaya' pa meba'il, yibeneleq'-pe, roma k'iy ri nibek'atzin-pe chuwe; y ninya' ak'ix.

Wuj Richin ri Q'axanri'il 15:39

Ri retz'aba'l ri ruchi' ri itziaq ri' kan xtik'atzin k'a chiwe richin toq nitzu-qa, noqaqa chi'ik'u'x ronojel ri nupixa' ri nuya'on chiwe yin y xkixok k'a nimey taq tzij y man xtiben ta ri itzel taq rayinik ni man xtitzu' ta chik ruwech.

Deut 4:9

Roma ri' tichajij k'a iwi', y tik'oje' k'a chi'ik'u'x, richin man nimestaj ta ri xe'itz'et rik'in ri runaq' taq iwech, chuqa' man tel pan iwánima ronojel q'ij chire ri ik'aslen; kan xtik'ut k'a chikiwech ri iwalk'ual y ri kalk'ual rije'.

Deut 8:14

man tiya' q'ij richin ninimirisaj-iwi' rik'in ronojel ri k'o iwik'in, richin man timestaj ri Jehová ri qa-Dios ri xojelesan-pe pan Egipto ri akuchi xqatej-wi poqon y xojxime' pa samaj.

Wuj Richin Bix Chire ri Dios 103:2

Yin kan jantape' xtinnimirisaj ruq'ij ri Jehová. Kan man xtinmestaj ta k'a ri rutzil ri ruya'on pa nuwi'.

Wuj Richin ri Isaías 51:13

Rix xa kan xinimestaj yin Jehová ri xibanon iwichin. Ja yin ri xirik'o ruwech ri kaj, y xinben ri ruxe' ri ruwach'ulew. ¿Achike k'a roma ronojel mul nixibij iwi' chikiwech ri yetz'ilo iwichin? ¿Y akuchi ek'o-wi rije' wakami?

Wuj Richin ri Malaquías 4:4

Kan xtoqaqa ta k'a chi'ik'u'x ri nupixa' ri xinya' chire ri Moisés ri nusamajel chiri' pa juyu' Horeb. Ri pixa' ri' rachibilan ri ch'aqa' chik ruchojmilal ri xinya' chire richin tubij chiwe rix aj-Israel.

Wuj Richin ri Chojmirisabelri'il 13:48

o xabachike ta peraj tzieq ri kemon o pach'un, o chuwech ta xabachike ri banon rik'in tz'um, y nik'ulun ta pe pus chirij;

Deut 4:1

Wakami k'a rix nuwinaq, tiwak'axaj k'a ronojel ri nubij ri pixa' re nink'ut chiwech. Kan titaqej k'a, richin xtiwichinaj y richin xkixk'ase' chupan ri ruwach'ulew ri xtuya' chiwe ri Jehová, ri ki-Dios chuqa' ri qati't-qamama'.

Deut 4:5

Yin kan nuk'utun chik chiwech rix nuwinaq ri pixa', kan achi'el ri xubij ri Jehová ri qa-Dios chuwe, richin kan nitaqej ronojel ri pixa' chupan ri ruwach'ulew ri akuchi xkixapon-wi ri kan xtiwichinaj kan.

Deut 6:11

Xujikiba' chuqa' chi ri iwachoch nojineq rik'in beyomel ri man rix ta ix samajiyon, y ek'o pozo ri man rix ta ix k'otoyon, ek'o uva y olivo ri man rix ta ix tikiyon. Toq jebel chik ix wayneq

Deut 7:11

Roma ri' kan titaqej k'a ri pixa' ri ninya' chiwe wakami richin chi niben.

Deut 11:32

kan titz'eta' k'a richin niben ronojel ri nubij ri pixa' ri ya'on chiwe.

Wuj Kichin ri To'onela' 3:7

Ri kibanobal ri israelita kan janila itzel chuwech ri Jehová roma xa xemestan rik'in rija' y xa ja ri Baal y ri Astarot ri xkiya' kiq'ij.

Wuj Richin ri Jeremías 23:27

Kan rik'in ri kachik' ri nikitzijoj chikiwech rije', kan nikiben chi ri nutinamit yinkimestaj kan más, kan achi'el xkiben ri kati't-kimama' ri ojer kan. Toq rije' xinkimestaj kan y ja ri Baal ri xkitzeqelibej.