Deut 8:10 - Kaqchiquel Bible

¹⁰ Xkixwa-xkixuk'ya' y kan xkixch'uch'u' k'a, y kan xtiya' k'a ruq'ij ri Jehová ri qa-Dios, roma ri utzilej ruwach'ulew ri xtuya' chiwe.

Deut 8:10 ပူးပေါင်းရင်းမြစ်များ

Wuj Richin Bix Chire ri Dios 103:2

Yin kan jantape' xtinnimirisaj ruq'ij ri Jehová. Kan man xtinmestaj ta k'a ri rutzil ri ruya'on pa nuwi'.

Romanos 14:6

Ek'o ri kan k'o q'ij ri yekichajij, y ek'o ri man jun q'ij ri yekichajij. Ek'o qach'alal ri nikitej ronojel, y keri' chuqa' ek'o ri man nikitej ta ronojel. Jak'a konojel rije' kere' nikiben richin nikiya' ruq'ij ri Dios, y yematioxin chire.

Wuj Richin Etamabel-Tzij 3:9

Rat kan taya' k'a ruq'ij ri Jehová rik'in ri abeyomel, kan taya' k'a ruq'ij rija' rik'in ri nabey taq ruwech ri atiko'n

1 Crón 29:14

¿In achike ta k'a yin richin yitikir ninsuj chawe ronojel re sipanik re'? ¿Achike ta k'a ri nutinamit richin yetikir nikisuj chawe ronojel re sipanik re'? Roma ronojel re' kan awik'in rat nipe-wi, y roma ri' roj niqaya' chik apo chawe ri qak'ulun.

San Mateo 14:19

Y jari' chuqa' toq xubij chi ketz'uye' k'a konojel ri winaqi' pa ruwi' ri rex q'ayis. Y k'ari' rija' xeruli'ej pa ruq'a' ri wo'o' kaxlan-wey y ri ka'i' ker, xtzu'un chikaj y xumatioxij chire ri Dios. Rija' xeruper k'a el ri ker y ri kaxlan-wey, y xuya-el chike ri rutijoxela'; y rije' xbekijacha' kan chikiwech ri winaqi'.

1 Corintios 10:31

Roma ri' yin ninbij chiwe chi toq yixwa-yixuk'ya' o xabachike chik ri niben, kan tibana' k'a richin niya' ruq'ij-ruk'ojlen ri Dios.

San Juan 6:23

ek'o k'a barco ri e peteneq pa tinamit Tiberias, y xe'apon chunaqaj ri akuchi xkitej-wi kiway ri winaqi' ri jun q'ij kan, ri wey ri xuya' ri ajaw Jesús chike toq rumatioxin chik chire ri Dios.

1 Tesalonicenses 5:18

Kixmatioxin chire ri Dios toq utz ixk'o, y toq ixk'o pa jun ruk'ayewal, roma keri' nrajo' ri Dios chi niben rix ri ix richin chik ri Cristo Jesús.

Deut 8:9

Chupan ri jun ruwach'ulew ri' maneq tijoj-poqonal y kan k'o-wi k'iy richin nitij. Chuqa' man jun ri man ta nik'ase' chiri' richin tijel y man jun ri man ta nilitej chiri' achi'el ri q'eqapueq y ri q'enq'oj-pueq.

Deut 31:20

Y toq yin xkenkusaj-apo chupan ri ruwach'ulew ri akuchi niwachin-wi ronojel ruwech tiko'n, ri ruwach'ulew ri kan nuya'on nutzij chire chi chike ri ite-itata' ninya-wi, toq rije' xewa-xe'uk'ya' yan richin xech'uch'u' y xeti'ojir yan, jari' toq xtikiya' kiq'ij ch'aqa' chik dios y xkinkimalij kan yin y xtikiq'ej ruwi' ri nujikibel-tzij.

Wuj Richin ri Isaías 5:1

Xtinbenbixaj k'a re jun bix re' chire ri wachibil ri janila ninwajo', Re bix re' richin ri rutiko'n richin uva. Ri wachibil kan k'o k'a jun rutiko'n richin uva ri rubanon-qa, pa jun ulew ri akuchi niwachin-wi ronojel ruwech tiko'n.

Joel 2:26

Kan xkixwa' k'a jebel, kan k'a ja toq xtinoj na ri ipan. Chupan ri q'ij ri', rix kan xtiya' k'a nuq'ij yin, roma kan xenben meyel taq banobel iwik'in. Y kan man jun bey chik xkixink'ixbisaj rix ri nutinamit.