Deut 7:8 - Kaqchiquel Bible

⁸ Ri Jehová ri qa-Dios kan yojrajo', y roma ri' xuben k'a ri rujikiban chik chike ri qati't-qamama'. Rik'in ronojel ruchuq'a' xojrukol-pe pa kiq'a' ri aj-Egipto y xojrelesaj-pe chiri' ri akuchi xqatej-wi poqon roma xojya'ox pa kowilej taq samaj.

Deut 7:8 ပူးပေါင်းရင်းမြစ်များ

Wuj Richin ri Rutikeribel 19:16

Jak'a ri Lot man niniman ta k'a. Roma ri' xepe ri ka'i' ángel xkichop-el chi ruq'a' rija', ri ruq'a' ri rixjayil y ri kiq'a' ri e ka'i' rumi'al, roma ri Jehová kan janila xujoyowaj kiwech. Xekelesaj k'a pe chiri' y xekik'uaj k'a chuchi' ri tinamit y xekiya' kan chiri'.

Wuj Richin ri Rutikeribel 19:29

Kere' k'a xk'uluwachitej toq ri Dios xeruk'is ri tinamit ri akuchi xk'oje-wi ri Lot. Ri Dios kan xuben k'a achi'el xuk'utuj ri Abraham chire y xerukol k'a pe ri Lot pa Sodoma toq achi'el xupiskolij kan ri' ri tinamit.

2 Sam 22:20

Jak'a ri Jehová xikolon y xiruya' ri akuchi kan janila jebel. Roma kan janila yirajo' xirelesaj chupan ri ruk'ayewal.

1 Rey 10:9

Tinimirisex k'a ri rubi' ri Jehová ri a-Dios ri utz xarutz'et richin xarutz'uyuba' kan chupan ri tz'uyubel richin xatok rey pa ruwi' ri Israel, roma rija' kan jantape' rajowan-pe ri atinamit Israel. Roma ri' xarukusaj kan rey richin kan ta k'o q'atbel-tzij pa ruchojmilal, xcha'.

1 Crón 16:16

Re jikibel-tzij re' ri xuben rik'in ri Abraham, re yo'ontzij re' ri xuben rik'in ri Isaac,

2 Crón 9:8

Tinimirisex k'a ri rubi' ri Jehová ri a-Dios ri utz xarutz'et richin xarutz'uyuba' kan chupan ri tz'uyubel richin q'atbel-tzij richin xatok rey pa ruwi' ri Israel, roma rija' kan jantape' rajowan-pe ri atinamit Israel. Roma ri' xarukusaj kan rey richin kan ta k'o q'atbel-tzij pa ruchojmilal, xcha'.

Wuj Richin Bix Chire ri Dios 105:42

Keri' xuben ri Jehová roma ri ya'on tzij ri rubanon; ri ruch'abel ri rubin kan chire ri Abraham, ri rusamajel.

Wuj Richin Bix Chire ri Dios 44:3

Rije', man roma ta ri kikamisabal xe'ok kan chuwech ri ruwach'ulew ri', ni man ja ta ri kuchuq'a' rije' ri xekolo. Kan ja ri awijkiq'a' y ri asaqil rat kik'in rije' ri xbanon chike chi xech'akon, Kere' xaben kik'in roma kan xeqa' chawech.

Wuj Richin Bix Chire ri Dios 44:4

Rat, nimalej Dios, ri at nu-rey. Tabana' utzil taya' ri kolotajik chike ri e rijatzul kan ri Jacob.

Ex 13:14

Y toq ri chua'q-kabij xtikik'utuj chiqe ri qalk'ual chi achike roma kere' niqaben, roj xtiqabij k'a chike: Roj janila k'a k'iy juna' ri xojyuqe' pa samaj ri pan Egipto y k'a ja na ri Jehová ri xkolon-pe qichin, rik'in ri nimalej ruchuq'a' rija'.

Ex 13:3

Y ri Moisés xubij chike ri winaqi': Toqaqa k'a chiqak'u'x re jun q'ij re', chupan ri ik' Abib toq ri Jehová rik'in ri nimalej ruchuq'a' xojrelesaj-pe pa tijoj-poqonal. Roma ri' kan man jun k'a chiqe roj xtutej ta kaxlan-wey ri k'o ch'amilej-q'or rik'in.

Ex 20:2

Ja yin Jehová ri in i-Dios, ri xinelesan-pe iwichin ri chiri' pa ruwach'ulew Egipto, ri akuchi xixyuqe-wi pa samaj.

Ex 32:13

Toqaqa chi'ak'u'x ri xabij kan chike ri asamajela' ri Abraham, ri Isaac y ri Israel ri xajikiba' kan chike pan abi' rat chi kan xkewinaqir k'a ri kijatzul y kan achi'el k'a kajlabal ri ch'umila' ri ek'o chikaj xtaben chike, kan chike k'a ri kijatzul xtaya-wi kan ri ruwach'ulew ri asujun chike, kan xke'ok k'a chupan y kan xtikichinaj k'a richin q'asen, keri' xabij chike, xcha' ri Moisés.

Ex 6:6

Wakami k'a kabiyin y tabebij chike ri awinaq: Ja yin Jehová, y ja yin xkinelesan-el iwichin chuxe' ri kowilej taq samaj y xkixtotej k'a el chuwech ri ilinri'il, y rik'in ri nimalej wuchuq'a', yin xtinq'et-tzij pa kiwi' rik'in nima'q taq ruk'ayewal.

Wuj Richin ri Isaías 43:4

Roma chinuwech yin kan janila iwejqalen, kan janila iruwaq'ijaj, y yin kan janila yixinwajo'. Roma ri' kan xkenjech k'a achi'a' pa kamik richin yixinkol rix, y xkenya' ch'aqa' chik ruwach'ulew pa ruk'exel ri ik'aslen rix.

Wuj Richin ri Isaías 63:9

Toq rije' xek'oje' pa jun nimalej bis, chuqa' rija' kan xbison kik'in. Y kan ja ri ru-ángel ri xto'on kichin. Roma ri rajowabal y ri rujoyowanik, roma ri' xerukol y kan xeruyek chik el jun bey, y kan keri' ri rubanon-pe.

Wuj Richin ri Jeremías 31:3

Yin k'a nej xink'ut-wi' chikiwech ri iwati't-imama' y xinbij chike: Yin kan yixinwajo' rik'in jun ajowabel ri man jun bey nik'is y roma ri' kan jantape' xtinjoyowaj iwech, xicha' chike.

Ez 36:22

Roma ri' tabij k'a chike ri awinaq israelita chi ri xtinbenbana' wakami, man iwoma ta rix; xa kan roma ri nimalej nubi' ri iqasan ruq'ij ri pa taq ruwach'ulew ri akuchi ix apowineq-wi.

Wuj Richin ri Miqueas 6:4

Kan ja k'a yin ri xinelesan-pe iwichin pan Egipto y xixinkol-pe chupan ri kowilej taq samaj. Xenteq k'a ri Moisés, ri Aarón y ri María richin ja rije' re xeyuqen-pe iwichin.

Wuj Richin ri Miqueas 7:20

Jehová, jantape' ta k'a xtaya' pa qawi' ri awajowabal ri xasuj chire ri Abraham y ri Jacob. Ronojel ri xasuj chike ri qati't-qamama' ojer kan, jari' ta k'a ri xtaya' pa qawi' roj wakami.

Wuj Richin ri Sofonías 3:17

Roma ri Jehová kan k'o pa qanik'ajal roj. Rija' ri k'o ronojel uchuq'a' rik'in, xqojrukol. Roj kan xqojkikot rik'in. Rik'in ri rajowabal xtuya' k'ak'a' quchuq'a'.

Wuj Richin ri Malaquías 1:2

Yin Jehová kan ix wajowan-pe. Jak'a rix nik'utuj ri achoq ik'in nuk'utun-wi chiwech chi kan yixinwajo'. Stape' ri Jacob chaq'laxel chuwech ri Esaú, yin kan ja ri Jacob ri xincha'.

San Mateo 11:26

Kan keri' wi k'a nata', roma jari' ri arayibel rat, xcha' ri Jesús.

San Lucas 1:55

Xuk'ut ri rajowabal chire ri Abraham. Xuk'ut ri rajowabal richin jantape' chiqe roj ri oj riy-rumam kan, xcha' ri María.

Romanos 11:28

Ek'o nuwinaq judío ri niketzelaj ri Dios, roma man kiniman ta ri utzilej ch'abel richin kolotajik. Y roma k'a man kiniman ta, ri Dios xuya' ri ruch'abel chiwe rix ri man ix judío ta. Jak'a kan k'a yerajo' na ri nuwinaq, roma e rucha'on y roma chuqa' ri rutzil ri xusuj chike ri ojer taq qati't-qamama'.

Deut 1:8

Tiwetamaj k'a chi kan ja yin yiya'on chiwe ri ruwach'ulew, kixok chupan y tichapa' k'a y kan tibana' iwichin chire ri ruwach'ulew ri nuya'on nutzij chire. Yin in Jehová, chi kan chike ri iwati't-imama', Abraham, Isaac y ri Jacob y chiwe rix ri ix kijatzul kan rije' ninya-wi, xcha' ri Jehová, xcha' ri Moisés.

Deut 10:15

Y man rik'in ri', kan xuya' k'a ri rajowabal pa kiwi' ri qati't-qamama', roma ri' xojrucha' roj ri oj kijatzul kan rije' chikikojol konojel ri winaqi', achi'el rubanon wakami.

Deut 23:6

Y roma ri' rix man tirayij chi rije' utz ta nikik'uaj-ki' iwik'in y man jun oyowal chi'ikojol rokik k'o ik'aslen, y re' kan richin jantape'.

Deut 33:3

Kan qitzij na wi ri Jehová kan nrajo' ri rutinamit, konojel ri kijachon-ki' pa ruq'a' kan yeruchajij. rije' kan janila nikiqasaj-ki' chuwech, y chikijujunal kan nikak'axaj ri rutijonik.

Deut 4:20

Jak'a ri Jehová xelesan-pe qichin pan Egipto akuchi xqatej-wi janila poqon, achi'el xa ta xojk'oje' pa jun horno, richin chi xojok rutinamit rija', achi'el re wakami.

Deut 4:34

Kan man jun chik k'a dios ri nuben achi'el xuben ri qa-Dios roj, ri xojrucha' chikikojol ri ch'aqa' chik nimalej tzobaj winaqi' achi'el xuben qik'in roj richin xojrelesaj-pe pan Egipto, ri kan rik'in k'iy tejtobenik, rik'in nima'q taq retal, rik'in nima'q taq banobel, rik'in labal y rik'in nimalej uchuq'a'. Rik'in k'a ronojel banobel re' ri kan xe'itz'et rik'in ri runaq' taq iwech, xojrelesaj-wi-pe,

Deut 4:37

Rija' xerajo' ri qati't-qamama' y roma ri' xojrucha' roj y rik'in ri ruchuq'a' xojrukol pa ruq'a' ri Egipto.

Deut 5:6

Ja yin Jehová ri i-Dios, ri xinelesan-pe iwichin ri chiri' pan Egipto, akuchi xixyuqe-wi pa samaj.

1 Juan 4:19

Y ja ri Dios ri xojajowan-pe nabey, roma ri' roj xqajo' rija'.

1 Sam 12:22

Ri Jehová kan man xtumalij ta kan ri rutinamit, roma ri nimalej rubi'; roma kan xrajo' richin xojok rutinamit rija'.