Deut 7:6 - Kaqchiquel Bible

⁶ Roma rix kan ix jun tinamit ri kan ix ch'aron chire ri Jehová ri qa-Dios; rija' kan xixrucha' chikikojol chijun ri ruwach'ulew ri ek'o, richin keri' rix xkixok jun rutinamit ri kan k'o rejqalen chuwech rija'.

Deut 7:6 ပူးပေါင်းရင်းမြစ်များ

1 Rey 3:8

Y wakami, ja yin ri xik'oje' kan chuwech ri nimalej tinamit ri acha'on rat, jun nimalej tinamit ri kan man e ajlatel ta.

Wuj Richin ri Esdras 9:2

Rije' kan e k'ulan kik'in ri kimi'al re winaqi' re', y keri' chuqa' ri kik'ajol, y kan xkixol-pe-ki' qik'in roj, ri kan oj ch'aron. Y pa ruwi' re' ja ri e tata'al y ri e aj-raqen pa kiwi' ri qatinamit, ja rije' ri e nabey ri xebanon re mak re', xecha'.

Wuj Richin Bix Chire ri Dios 114:2

jari' toq ri rijatzul ri Judá xecha'ox richin xe'ok richin ri Jehová. Jari' toq ri Israel xok rajawaren.

Wuj Richin Bix Chire ri Dios 135:4

roma rija' kan ja ri e rijatzul kan ri Jacob ri xerucha'. Xucha' k'a ri tinamit Israel richin xok richin.

Wuj Richin Bix Chire ri Dios 50:5

Ri Dios xtuteq rubixik chi tikimolo-ki' ri winaqi' ri e ruch'aron rija', ri xkiben jikibel-tzij rik'in rija' toq xkisuj kamelabel.

Ex 6:7

Y xkixok k'a nutinamit y yin xkinok i-Dios, y xtiwetamaj k'a chi ja yin Jehová ri i-Dios ri xixelesan-pe chuxe' ri kowilej taq samaj pan Egipto.

Wuj Richin ri Isaías 41:8

Jak'a rix israelita ix nusamajela' yin. Rix ix rijatzul kan ri Jacob ri kan xincha'. Rix ix rijatzul kan ri Abraham ri xok wachibil.

Wuj Richin ri Isaías 41:9

Kan k'a janila nej xenk'en-pe ri iwati't-imama', y xencha' rije' richin xe'ok nusamajela'. Y re wakami kan man xkixinmalij ta kan rix.

Wuj Richin ri Isaías 6:13

Y stape' k'a xtik'oje' kan jun chire ri lajuj chike ri winaqi' ri', chuqa' kan xkenwelesaj-el. Jak'a achi'el toq yechoy-el ri paten-che', xa kan k'a yek'oje' kan ri kuta'm. Y keri' k'a xtibek'uluwachitej kik'in ri awinaq israelita. Jak'a xa xkek'oje' kan achi'el jun rukuta'm che'.

Wuj Richin ri Isaías 62:12

Chike rije' xtibix; ri xecha'ox roma ri Jehová, y kan xeloq' roma rija'. Tinamit ri xtibix rayixel chire, y jun tinamit ri kan man xmalix ta kan.

Wuj Richin ri Jeremías 2:3

Chupan k'a ri q'ij ri', rije' e nutinamit, ri kan e nuch'aron xaxe wichin yin; kan e achi'el ri nabey taq ruwech nutiko'n nubanon chike. Jak'a ri xek'ison kichin, yin kan xinya' ri ruk'ayewal pa kiwi'. Yin Jehová ri yibin.

Ez 20:5

Y tabij chike chi toq yin xencha' ri ite-itata', xinjikiba-nutzij kik'in y xink'ut k'a wi' chikiwech rije' ri chiri' pan Egipto. Kan xinya' k'a nutzij y xinbij k'a chike chi ja yin Jehová ri in ki-Dios.

Wuj Richin ri Chojmirisabelri'il 20:24

Yin kan nujikiban nutzij chiwe richin kan xtok kan iwichin ri kiruwach'ulew rije'. Kan ja yin ri xkiya'on chiwe ri ruwach'ulew ri akuchi niwachin ronojel ruwech tiko'n, richin xtok iwichin. Ja yin Jehová ri i-Dios ri yibin, y ri xcha'on iwichin chikikojol konojel ruwach'ulew.

Wuj Richin ri Chojmirisabelri'il 20:26

Yin Jehová kan in ch'ajch'oj-wi, y roma ri' rix k'o chi yixok ch'ajch'oj chuqa' y kan xixincha' k'a chikikojol konojel ri ruwach'ulew richin xixok wichin yin.

Am 3:2

Kan xaxe rix ri xixincha' chikikojol konojel ruwach'ulew richin xixok wichin. Roma ri' xkixinpixabaj roma ri imak.

Wuj Richin ri Malaquías 3:17

K'ari' ri Jehová ri k'iytisanel richin ronojel xubij: Rix kan ix achi'el jun beyomel ri janila rejqalen. Y toq xkipe richin nonq'ata-tzij, xtinben chiwe achi'el nuben jun tata'aj chire ri ruk'ajol ri nilin richin.

Hechos 13:17

Ri qa-Dios roj judío kan xerucha' k'a ri qati't-qamama', y xuben k'a chike chi xe'ok jun nimalej tinamit toq kan k'a ek'o na chiri' pan Egipto, ruwach'ulew ri xa man kichin ta rije'. Ri Dios kan rik'in k'a ri ruchuq'a' xerelesaj-pe ri chiri'.

Romanos 9:4

Roj ri oj israelita kan xban k'a chiqe roma ri Dios chi xojok ruwinaq. Rija' xuben chike ri qati't-qamama' chi xe'ok ralk'ual. Chuqa' kan xkitz'et k'a ri ruq'ij-ruk'ojlen ri Dios. Kik'in k'a rije' xban-wi ri jikibel-tzij. Ri Dios chike rije' xuya-wi ri pixa', y xuk'ut chikiwech achike rubanikil richin nikiya' ruq'ij. Y chuqa' k'o ri xusuj chike.

Deut 14:2

Roma roj kan oj jun tinamit ri kan oj ch'aron chire ri Jehová ri qa-Dios, rija' xojcha'on chikikojol ri ch'aqa' chik ruwach'ulew richin xojok jun tinamit ri kan richin rija'.

Deut 14:21

Ri chikopi' ri kiyon yeken, man ke'itej, roma rix ix jun tinamit ri ix rucha'on ri Jehová ri qa-Dios. Xa kan utz k'a niya' chike ri man e iwinaq ta, richin nikitej rije' o nikik'ayij-el chike ri winaqi' ri choj yeq'ax-el iwik'in. Man tichaq'arisaj ri ti alaj tzuntzun chupan ri tz'umaj richin ri te'ej.

Deut 26:18

Ri Jehová xubij re wakami chi roj israelita kan oj jun tinamit richin rija' achi'el ri rusujun chiqe, roma ri' kan tiqataqej ronojel ri rupixa'.

Deut 26:19

Rija' kan xtuben jun nimalej ruwach'ulew chiqe, nim qejqalen y kan xtel rutzijol richin kan janila ruwa-qaq'ij chikiwech ri ch'aqa' chik ruwach'ulew achi'el ri rubin rija', kan oj jun tinamit ri ch'aron roma ri Jehová ri qa-Dios, xcha' ri Moisés.

Deut 28:9

Wi xtitaqej ri pixa' ri xuya' chiqe ri Jehová, y xkixbiyin chupan ri bey richin rija', kan xtuben k'a chiwe chi rix kan ix jun tinamit ri ruch'aron richin rija', achi'el ri rujikiban chiwe.

Deut 33:3

Kan qitzij na wi ri Jehová kan nrajo' ri rutinamit, konojel ri kijachon-ki' pa ruq'a' kan yeruchajij. rije' kan janila nikiqasaj-ki' chuwech, y chikijujunal kan nikak'axaj ri rutijonik.

Deut 4:20

Jak'a ri Jehová xelesan-pe qichin pan Egipto akuchi xqatej-wi janila poqon, achi'el xa ta xojk'oje' pa jun horno, richin chi xojok rutinamit rija', achi'el re wakami.

Deut 4:37

Rija' xerajo' ri qati't-qamama' y roma ri' xojrucha' roj y rik'in ri ruchuq'a' xojrukol pa ruq'a' ri Egipto.

Tito 2:14

Rija' kan man xupoqonaj ta xuya-ri' pa kamik pa qak'exel, richin chi xojrukol chuwech ronojel ruwech mak, y richin chuqa' xuch'ajch'ojirisaj ri qak'aslen. Keri' xuben qik'in roj ri xojok richin rija', richin nibe qánima chubanik ri utz.

1 Pedro 2:9

Jak'a rix kan ix jun tinamit ri kan ix cha'on roma rija', roma ja rija' ri xelesan-pe iwichin chupan ri q'equ'm y xixruya' chupan ri saqil. Xuben chi xixok ru-sacerdote, jun loq'olej rutinamit y xixok ruwinaq richin chi nitzijoj ri meyel taq rubanobal.

2 Pedro 2:5

Y chuqa' ri Dios man xerukoch' ta ri winaqi' ri xemakun ri ojer kan pa ruq'ijul ri Noé. Y roma ri' xuben chi xmuqutej ri ruwach'ulew chi ya', richin chi xek'is konojel. Jak'a xekolotej kan e wuqu' winaqi' y ri Noé; ja rija' ri xq'alajirisan chikiwech ri winaqi' ri ruk'uaxik jun k'aslen choj chuwech ri Dios.

2 Pedro 2:9

Ronojel re' nuk'ut chi ri Dios kan yerukol ri e uk'uayon jun k'aslen ri achi'el nrajo' rija' toq yek'oje' pa jun tijoj-poqonal. Jak'a ri winaqi' ri man kik'uan ta jun choj k'aslen, rija' xa yeruyek-apo richin ri q'ij toq xtiq'at-tzij pa kiwi'.

1 Sam 12:22

Ri Jehová kan man xtumalij ta kan ri rutinamit, roma ri nimalej rubi'; roma kan xrajo' richin xojok rutinamit rija'.