Deut 7:26 - Kaqchiquel Bible

²⁶ Roma ri' man jun tik'uaj pan iwachoch ri man niqa' ta chuwech ri Dios, richin chi man yixk'is. Kan tiwetzelaj k'a ronojel re', roma ri Dios rubin kan chi xa nik'is jumul.

Deut 7:26 ပူးပေါင်းရင်းမြစ်များ

Wuj Richin ri Isaías 2:20

Chupan k'a ri q'ij ri', ri winaqi' xtikik'uaj-el ri wachibel ri e kibanalon rik'in q'anapueq y saqipueq, ri e kibanalon richin xekiya' kiq'ij, y xtikik'aqala-el k'a akuchi ek'o-wi ri ch'oy y ri sotz'.

Wuj Richin ri Isaías 30:22

Kan xke'iwetzelaj k'a konojel wachibel ri e banon rik'in saqipueq y q'anapueq. Ronojel re' kan xke'ik'eq kan achi'el jun tz'il laj tzieq ri man ch'ajch'oj ta.

Wuj Richin ri Isaías 41:24

Jak'a ri wachibel ri' xa kan man jun kejqalen, y xa kan man jun achike ta ri e kibanon. Y pa ruwi' ri' konojel ri yetzeqeliben kichin kan man jun chuqa' kejqalen.

Ez 11:18

Y toq xkixtzolej-pe, rix kan xtimalij k'a kan ronojel ruwech itzel taq banobel y ri jalajoj kiwech wachibel ri k'o iwik'in.

Ez 14:7

Wi k'o ta jun awinaq o jun chik wineq ri man awinaq ta ri k'o chiri' pan Israel, y xa kan rujech'en kan ri' wik'in, richin nujech-ri' richin nuya' ruq'ij ri wachibel y k'ari' rija' nipe awik'in richin yiruk'ulubej yin; re' kan ja yin k'a ri xkich'on-el rik'in.

Os 14:8

Ri tinamit Israel kan xtubij chik k'a: Wakami xa kan man yek'atzin ta chik chuwe ronojel ri wachibel, xticha'. Yin Jehová kan xkenwak'axaj k'a y xtinchajij chik ri nutinamit. Yin kan xkinok k'a chike rije' achi'el jun che' chej ri kan rex-rex rubanon, ri nutinamit kan jantape' k'a xtikil ri kiway wik'in yin, nicha' ri Jehová.

Wuj Richin ri Zacarías 5:4

Ri Jehová k'iytisanel richin ronojel nubij chi xtuteq re jun etzelanik re' richin napon pa kachoch ri winaqi' ri', y xa kan xtik'oje' k'a chiri' k'a toq xtik'is na el ri tem y ri abej chire ri kachoch, xcha'.

Romanos 2:22

Rix yixch'on chikij ri k'ulan taq winaqi' ri kikanon chik jun richin yemakun kik'in, ¿man niben ta kami keri' rix? Rix nibij chi ke'etzelex ri dios ri xa man e qitzij ta, ¿man yixeleq' ta kami pa kachoch rije'?

Deut 13:16

Nimol ruchi' ronojel ri kibeyomel y nimontonij pa nima-ruwech bey richin molojri'il, y niya' ruq'aq'al ri tinamit y ronojel ri k'o kik'in y re' xtok achi'el jun poron chikop chuwech ri Jehová ri qa-Dios. Y kan xtok k'a kan wuluwik abej y man jun bey chik xtipabex-q'anej.

Deut 13:17

Kan man jun k'a tichap chire ri xa kan banon chire chi nik'is jumul, richin keri' ri Jehová xtik'o-qa ri royowal, y xtujoyowaj iwech. Rija' xtujoyowaj iwech y xkixruwinaqirisaj, achi'el xusuj chike ri qati't-qamama',

Deut 13:18

wi rix kan xtinimaj ri rutzij y kan xtitaqej ri rupixa' richin jantape' ri xinya' chiwe wakami, y wi kan choj xtiben chuwech ri Jehová ri qa-Dios.