Deut 7:25 - Kaqchiquel Bible

²⁵ Rix kan xke'iporoj ri ruwachibel ri ki-dios. Man tirayij ri saqipueq, ri q'anapueq ri e ya'on chikij, richin chi man tok jun pikbel chiwe rix. Man xa kixtzaq pa mak roma ri', roma keri' kan man niqa' ta chuwech ri Jehová ri qa-Dios.

Deut 7:25 ပူးပေါင်းရင်းမြစ်များ

Ex 32:20

Xeri' ri Moisés xberuk'ama-pe ri wachibel richin ri wákix ri kibanon y xubox pa q'aq'. Xeri' xrelesaj-pe pa q'aq' y xuben chi xkok'ix ri wachibel ri', ri banon rik'in q'anapueq. K'ari' xujopij pa ruwi' ri ya' y xuben chike ri ruwinaq chi xkiqum ri ya' ri'.

1 Crón 14:12

Chirij ri' ri aj-Filistea xekimalij kan ri ruwachibel ri ki-dios rije' y ri David xuteq kiporoxik.

Deut 17:1

Man tisuj richin kamelabel chire ri Jehová ri qa-Dios jun chikop richin ri iwawej ri man tz'aqet ta, roma re' kan nretzelaj ri Jehová ri qa-Dios.

Wuj Richin ri Josúe 7:21

Yin xintz'et k'a chukojol ri k'o rejqalen ri xqamej-pe chuwi-kiq'a' ri e etzelanel qichin, jun tzieq banon pa tinamit Babilonia ri janila utz, y wo'o' libra saqipueq y jun ti tz'ajaj q'anapueq ralal juwineq onza; jari' k'a xinrayij ruwech y xinchop-pe y ronojel re' wewan chuxe' ulew pa runik'ajal ri wachoch, nabey nuya'on-qa ri q'anapueq y ri saqipueq y pa ruwi' re' nuya'on-qa ri tzieq, xcha'.

Deut 12:3

Kan tiyojo' k'a el ri kiporobal y ke'ipaxila' ri kiwachibel ki-dios ri e banon rik'in abej. Ke'iporoj k'a ri kiwachibel ri ki-dios Asera y ronojel ri wachibel ri e paban akuchi nikiya-wi kiq'ij ri ch'aqa' chik dios. Tibana' ronojel re' richin man jun chik xtinatan kichin.

Wuj Richin ri Isaías 30:22

Kan xke'iwetzelaj k'a konojel wachibel ri e banon rik'in saqipueq y q'anapueq. Ronojel re' kan xke'ik'eq kan achi'el jun tz'il laj tzieq ri man ch'ajch'oj ta.

Wuj Richin ri Josúe 7:1

K'o k'a jun achin rubini'an Acán ruk'ajol ri Carmí, rumam kan ri Zabdí, ruxikin rumam kan ri achin rubini'an Zérah, richin ri tzobaj Judá. Ri Acán man xunimaj ta tzij y xuk'en-pe juba' chire ri kan banon chire richin nik'is jumul. Y roma ri' ri Jehová xyakatej royowal chikij konojel ri e rijatzul kan ri Israel.

Deut 23:18

Roma wi keri' niben, ri Jehová kan man niqa' ta chuwech, stape' nik'en-pe ri isujun chire rija'.

Deut 7:5

Ke'iwulaj ronojel ri porobel, ri wachibel, ri paban taq che' ri nikiya' ruq'ij; kan ke'iporoj k'a kan.

Apocalipsis 17:5

Y nik'aj ruwech tz'ibatel-wi ri rubi'. Y man kan ta q'alaj achike nik'ulun chi tzij, y kere' ri nubij: Ri nimalej tinamit Babilonia, kite' ri ixoqi' ri itzel kik'aslen y kite' chuqa' ri winaqi' ri yebanon etzelal chuwech ri ruwach'ulew, nicha'.

Wuj Richin ri Sofonías 1:3

Xkenk'is k'a el konojel winaqi' y ri jalajoj kiwech chikopi' ri e richin pa k'echelaj; xkenmes-el ri aj-xik' taq chikopi' y konojel ri ek'o chupan ri palou. Kan xkenmes k'a el chuwech ri ruwach'ulew konojel winaqi' ri e banoy etzelal. Yin Jehová ri yibin.

Deut 7:16

Y rix kan xke'ik'is konojel ri e nima'q taq tinamit ri xkeruya' ri Jehová ri qa-Dios pan iq'a'; man tikuy kimak y man tiya' kiq'ij ri ki-dios, roma jari' ri xtok jun pikbel chiwe rix.

Ex 8:26

Jak'a ri Moisés xubij: Man ruk'amon ta k'a chi xa wawe' pan Egipto niqasuj ri kamelabel chire ri Jehová ri qa-Dios roj, roma man xtiqa' ta chikiwech ri winaqi' aj wawe'. Roma xa ta keri' niqaben chikiwech, xqojketzelaj y xqojkikamisaj chi abej.

Ex 20:17

Man tirayij chi iwik'in ta rix k'o-wi ri k'o kik'in ri iwachpochel: Man tirayij kiwech ri kixjayilal, ni ri kisamajela', ni ri kaj-ik'a', ni ri kibóyix, ni ri kibur; ni man jun chike ri e kichin ri iwachpochel tirayij, xcha' ri Jehová.

Deut 13:16

Nimol ruchi' ronojel ri kibeyomel y nimontonij pa nima-ruwech bey richin molojri'il, y niya' ruq'aq'al ri tinamit y ronojel ri k'o kik'in y re' xtok achi'el jun poron chikop chuwech ri Jehová ri qa-Dios. Y kan xtok k'a kan wuluwik abej y man jun bey chik xtipabex-q'anej.

2 Rey 23:14

Chuqa' chiri' xeruwulaj k'a el ri wachibel ri e paban-q'anej y xuchoy ri paban-che' richin Asera. K'ari' xutaluj baq kichin kaminaqi' ri chiri'.

Wuj Richin ri Chojmirisabelri'il 13:52

Y rija' xtuteq k'a kiporoxik, roma ri pus ri' xa nutaluj-ri'.

Wuj Richin ri Chojmirisabelri'il 19:4

Man kinimalij kan richin ye'iya' kiq'ij ri tiox, ni man tiben wachibel ri e banon rik'in pueq ri ya'erisan pa q'aq'; yin Jehová ri i-Dios ri yibin.

Wuj Richin ri Isaías 41:24

Jak'a ri wachibel ri' xa kan man jun kejqalen, y xa kan man jun achike ta ri e kibanon. Y pa ruwi' ri' konojel ri yetzeqeliben kichin kan man jun chuqa' kejqalen.