Deut 7:21 - Kaqchiquel Bible

²¹ Man kixmayamo-qa chikiwech rije', roma ri Jehová ri qa-Dios kan k'o chi'ikojol rix, rija' jun Dios nim y kan k'o rukiy, y roma ri' xkebaybot chuwech.

Deut 7:21 ပူးပေါင်းရင်းမြစ်များ

2 Crón 32:8

Rija' xa achi'a' ri yeto'on richin; jak'a roj kan ja ri Jehová ri qa-Dios yojto'on chupan re oyowal re', xcha'. Toq xkak'axaj ri ruch'abel ri rey Ezequías, ri winaqi' kan xk'oje' k'a kuqubabel-k'u'x kik'in.

Wuj Richin ri Nehemías 1:5

Y xinbij k'a chire: Nink'utuj utzil chawe Jehová, Dios ri rajaw ri kaj, ri k'o janila awuchuq'a', y naben chiqe chi niqamey ronojel ri naben y kan k'o akiy. Y chuqa' kan man namestaj ta ri atzij ri xajikiba', y najoyowaj k'a kiwech ri ye'ajowan awichin y ri nikitaqej ri apixa';

Wuj Richin ri Nehemías 4:14

Toq xentz'et yan ronojel re', xinbij k'a chike ri e tata'al, ri e aj-raqen y chike ri ch'aqa' chik winaqi': Man tixibij-iwi' chikiwech. Toqaqa k'a chi'ik'u'x chi ri qa-Dios, rija' kan nim wi y kan k'o rukiy chikiwech konojel winaqi'. Roma ri' tiqatija' qaq'ij koma ri qami'al-qak'ajol, ri qixjayilal y konojel ri ek'o pa qachoch, xicha' chike.

Wuj Richin ri Nehemías 9:32

Roma ri' nimalej qa-Dios, ri k'o ronojel uchuq'a' awik'in y kan xaxe chawech rat ruk'amon chi yojbaybot. Rat ri xajikiba-atzij chiqawech y kan xaben ri xabij. Man ta ti ko'ol ok chawech re tijoj-poqonal re niqaq'axaj roj, ri e qa-rey, ri e qatata'al, ri e qa-sacerdote, ri e q'alajirisey ri ach'abel, ri e qawinaq y ri qate-qatata'. Ri qawinaq kan xkitej-pe poqon kan ja toq xepe ri aj-Asiria, k'a chupan re q'ij re'.

Wuj Richin Bix Chire ri Dios 27:1

Ja ri Jehová ri saqil y kolotajik chire ri nuk'aslen. ¿Achoq chuwech ta k'a xtinxibij-wi'? Ja ri Jehová nichajin ri nuk'aslen. ¿Achike ta k'a roma xkik'ark'ot-qa?

Wuj Richin Bix Chire ri Dios 46:11

Ri Jehová k'iytisanel richin ronojel, jari' ri k'o qik'in roj. Ri nito'on qichin roj, kan ja ri ru-Dios kan ri Jacob.

Wuj Richin Bix Chire ri Dios 46:5

Roma chiri' k'o-wi ri Dios, kan man jun xtitikir xtisilon. Ja ri Dios nichajin richin, toq niseqer-pe.

Wuj Richin Bix Chire ri Dios 46:6

Ri nima'q taq tinamit kixibin-ki' y man nikil ta achike nikiben ri q'atoy taq tzij. Roma toq ri Dios nich'on kan nik'is-qa ri ruwach'ulew.

Wuj Richin Bix Chire ri Dios 46:7

Ri Jehová k'iytisanel richin ronojel jari' ri k'o qik'in roj. Ri nito'on qichin roj kan ja ri ru-Dios kan ri Jacob.

Wuj Richin Bix Chire ri Dios 47:2

Roma ri Jehová kan k'o rukiy. Ja rija' ri nimalej rey pa ruwi' chijun ri ruwach'ulew.

Wuj Richin Bix Chire ri Dios 68:35

Roj kan yojk'ark'ot roma xibinri'il toq ri Dios nel-pe chupan ri rachoch. Jak'a rija' kan nuya' quchuq'a'. Tiqaya' k'a ruq'ij ri nimalej qa-Dios.

Wuj Richin Bix Chire ri Dios 89:8

Nimalej Jehová, Dios k'iytisanel richin ronojel, ¿achike ta chik k'a jun ri achi'el rat? Rat kan k'o ronojel uchuq'a' pan aq'a'. Ronojel ri asujun, kan abanon.

Wuj Richin Bix Chire ri Dios 95:3

Roma ri Jehová jari' ri nimalej Dios. Kan xaxe k'a rija' ri rey pa kiwi' ri ch'aqa' chik dios.

Ex 29:45

Y keri', yin kan xkik'oje' k'a chi'ikojol y ja yin ri xkinok ri i-Dios.

Dn 9:4

Y xich'on k'a rik'in rija' richin xinq'alajirisaj chuwech ri qamak. Y xinbij k'a chire: Wajaw, nimalej Dios, ri kan ruk'amon chi niqak'en akiy, rat ri kan man amestan ta ri xajikiba' chi kan najoyowaj kiwech ri ye'ajowan awichin y nikitaqej ri apixa'. Y rat kan jare' abanon-pe.

Wuj Richin ri Q'axanri'il 13:9

ri Paltí, ri ruk'ajol ri Rafú, richin ri tzobaj richin ri Benjamín;

Wuj Richin ri Q'axanri'il 14:14

Rije' xtikitzijoj k'a chike ri winaqi' aj-Canaán. Y ri winaqi' aj-Canaán kak'axan chik k'a chawij rat, Jehová, chi kan atk'o chiqakojol roj y naya' q'ij chiqe richin chi yojtzijon awik'in; y kak'axan chi ri sutz' k'o pa qawi' ri paq'ij y toq niqachop binen, jari' ri nuk'uan qichin y ri chaq'a' nusaqirisaj ri qabey.

Wuj Richin ri Q'axanri'il 14:42

Man kixbe-el ri pa ruwach'ulew ri', roma wi yixbe ri Jehová man nibe ta iwik'in, xa choj yixbech'akatej-pe, koma ri winaqi' ri aj chiri' ri e etzelanel iwichin.

Wuj Richin ri Q'axanri'il 14:9

Ri nrajo' ja ri man kixyakatej chirij ri Jehová, chuqa' man tixibij-iwi' chikiwech ri winaqi' ri richin ri ruwach'ulew ri', roma roj kan chaqba' xkeqach'ek, roma rije' kan man jun chik xtito'on ta kichin, jak'a roj kan k'o ri Jehová qik'in, xecha'.

Wuj Richin ri Q'axanri'il 16:3

Y xbekimolo' k'a ki' kik'in, y xkibij chike: ¿Achike roma toq rix janila nim iq'ij ibanon-q'anej, toq xa konojel ri winaqi' man yixkikoch' ta chik? Qonojel roj kan oj ch'aron richin ri Jehová y rija' kan k'o chuqa' qik'in roj y man nik'atzin ta richin nik'oje' ta chik jun pa qawi', xecha'.

Wuj Richin ri Q'axanri'il 21:34

Xeri' ri Jehová xubij chire ri Moisés: Man taxibij-awi' chuwech rija', roma yin xkenjech pan aq'a', e rachibilan konojel ri ruwinaq y chuqa' xtinya' chiwe ri kulew. Xaxe tabana' rik'in achi'el xaben rik'in ri Sihón, rey kichin ri winaqi' amorreo ri xk'oje' kan pan Hesbón.

Wuj Richin ri Q'axanri'il 23:21

Man jun itzel banobel ri tz'eton ta chikij ri e rijatzul kan ri Jacob; man jun ruk'ayewal ri niqaqa ta chikij ri israelita. Roma ri Jehová ri ki-Dios kan k'o-wi kik'in; rije' kan nikibij k'a chi ri Dios kan ja wi ri' ri ki-rey.

Wuj Richin ri Q'axanri'il 9:20

Y k'o k'a jujun bey ri sutz' nik'oje' pa ruwi' ri jay, richin jun ka'i-oxi' q'ij y kan man nisilon ta el. Y toq keri' nuben, ri winaqi' kan chiri' yek'oje-wi-qa. Chuqa' k'o k'a jujun bey ri sutz' ja ri tiqaq'ij nipa'e' y man nisilon ta chik el y ri nimaq'a', ja yan chik ri' niyakatej-el, richin chi ri israelita nikichop chik el kibey. Toq ri sutz' niyakatej-el, stape' chaq'a' o paq'ij ri israelita kan jari' nikichop-el bey. Re' kan jari' ri retal ri xuya' ri Jehová chike richin yek'oje-qa, o nikichop binen.

1 Corintios 14:25

K'ari' k'a ye'el-pe chuwa-saqil ronojel ri k'o pa kánima. Roma ri' rije' xa kan jari' xkexuke-qa richin nikiqasaj-ki' y nikiya' ruq'ij ri Dios, y xtikibij chi kan qitzij wi chi k'o ri Dios chi'ikojol.

Deut 1:21

Tiwetamaj k'a chi ri Jehová ri qa-Dios nujech ri ruwach'ulew chiqe, kixbiyin k'a q'anej y tichapa' y kan tibana' iwichin chire, kan achi'el ri rubin ri Jehová chike ri qati't-qamama'. Man k'a tixibij-iwi' y man kixmayamo-qa, xicha' chiwe.

Deut 10:17

Roma ri Jehová ri qa-Dios kan ja rija' ri Dios pa kiwi' konojel ri dios ri ek'o, y kan ja rija' ri Ajaw pa kiwi' konojel ajaw ri ek'o. Rija' kan Dios nim rejqalen ri k'o ronojel uchuq'a' pa ruq'a' y kan ruk'amon yojbaybot chuwech. Rija' man nuben ta rukojol kik'in ri winaqi', ni man yojtikir ta niqapuaqij.

Deut 20:1

Toq rix xkixbe pa labal kik'in ri etzelanel iwichin, y kan xke'itz'et chi ek'o janila kikiej y ki-carruaje e richin labal y kan janila e k'iy ri aj-labal más ke chiwech rix, man tixibij-iwi' chikiwech, roma rix man iyon ta ixk'o, kan k'o ri Jehová ri qa-Dios iwik'in, ri xojelesan-pe pan Egipto.

Deut 25:8

K'ari' ri achi'a' ri k'o kiq'ij richin ri tinamit ri' xtikiteq royoxik ri achin ri' y xkech'on rik'in, y wi rija' man nrajo' ta nik'ule' rik'in ri rixnan,

Deut 31:17

Y chupan ri q'ij ri' ri nuq'aq'alen kan xtiqaqa k'a pa kiwi'. Kan xkenmalij k'a kan y man xkento' ta chik. Y kan xtipe k'a k'iy ruk'ayewal y tijoj-poqonal pa kiwi' k'a toq xkenk'is. K'ari' rije' xtikik'utuj ri achike roma maneq chik ri Jehová kik'in y achike roma qajineq re ruk'ayewal re' pa kiwi'.

Wuj Richin ri Josúe 3:10

Y chuqa' xubij: Rik'in ri xtitz'et wakami xtiwetamaj chi ri k'aslik Dios kan k'o-wi chiqakojol roj y kan ja rija' xtelesan-el chiqawech ri winaqi' cananeo, ri hitita, ri heveo, ri ferezeo, ri gergeseo, ri amorreo y ri jebuseo.

Wuj Richin ri Josúe 8:1

Ri Jehová xubij chire ri Josué: Man taxibij-awi' ni man kamayamo-qa. Ke'ak'uaj konojel ri aj-labal y kixjote-el richin nichop ri tinamit Ai. Wakami yin xtinjech k'a chawe ri rey, ri ruwinaq, ri rutinamit y ronojel ri kulew.

1 Sam 4:8

Toq'ex qawech roj, roma man jun xqojkolon pa kiq'a' ri ki-Dios rije'. Roma k'o ronojel uchuq'a' kik'in y ja rije' ri xeya'on jalajoj ruwech nima'q taq banobel pa kiwi' ri aj-Egipto toq k'a ek'o pa tz'iran ruwach'ulew.