Deut 7:2 - Kaqchiquel Bible

² Toq ri Jehová ri qa-Dios xerujech yan pan iq'a', man tijunamatej-iwech kik'in, ni man tijoyowaj kiwech, xa kan ke'ik'isa' k'a konojel.

Deut 7:2 ပူးပေါင်းရင်းမြစ်များ

Wuj Richin ri Rutikeribel 14:20

Y nim ruq'ij ri nimalej Dios, ri Dios ri kan man jun chik achi'el rija', ri Dios ri kan xerujech pan aq'a' ri e etzelanel awichin; keri' xubij ri Melquisedec chire ri Abram. Y ri Abram xuch'er k'a jun chire ri lajuj ri ruch'akon-pe pan oyowal y xuya' chire ri Melquisedec.

2 Sam 21:2

Ri gabaonita man e israelita ta. Xa jun tinamit ri xek'oje' kan chike ri amorreo, ri achoq ik'in xkiya' kitzij ri israelita richin man yekikamisaj ta. Jak'a ri Saúl xa xuchop kikamisaxik, roma man nrajo' ta chi ri winaqi' ri' yek'oje' chikikojol ri israelita. Roma ri' ri rey David xeroyoj ri gabaonita, richin xch'on kik'in.

1 Rey 20:34

Jari' toq ri Ben-hadad xubij chire ri Acab chi xkerutzolij ri tinamit ri e rumajon kan ri rutata' rija' chire ri rutata' ri Acab. Y ri Ben-hadad xuya' q'ij chire ri Acab chi kerubana' jay richin k'ayij pa tinamit Damasco achi'el xuben ri rutata' rija' ri chiri' pa Samaria. Y ri Acab xubij chire chi wi keri', rija' kan xtuya' k'a el q'ij chire richin nitzolej pa Damasco. Y keri' ri Acab xuben k'a jun jikibel-tzij rik'in ri Ben-hadad, y xuya-el q'ij chire richin xbe.

Wuj Richin ri Esdras 10:3

Wakami k'a, kan qabana' jun jikibel-tzij rik'in ri qa-Dios, richin k'o chi niqach'er-qi' kik'in ri ixoqi' ri', y kik'in ri ak'uala' ri e alaxineq kik'in rije', achi'el nubij ri Jehová ri qa-Dios chupan ri rupixa'. Y kan tiqabana' k'a achi'el nubij ri pixa'.

Wuj Richin Bix Chire ri Dios 106:34

Chuqa' ri israelita man xekik'is ta k'a ri winaqi' richin ri ruwach'ulew Canaán, ri xubij ri Jehová chi kekik'isa' kan jumul.

Ex 22:20

Wi k'o ta jun ri nisuju kamelabel chikiwech ch'aqa' chik dios pa ruk'exel chi nusuj chuwech ri Jehová, kan tikamisex k'a.

Wuj Richin ri Q'axanri'il 21:2

Y xeri' ri israelita kan xkibij k'a chire ri Jehová, chi wi xkerujech ri winaqi' ri' pa kiq'a', kan xkekik'is ri kitinamit.

Wuj Richin ri Q'axanri'il 31:17

Wakami k'a ke'ikamisaj konojel ri taq alaboni' chikikojol ri ak'uala'. Chuqa' ke'ikamisaj konojel ri ixoqi'.

Wuj Richin ri Q'axanri'il 33:52

k'o chi xke'ikamisaj k'a konojel ri winaqi' aj chiri'. Chuqa' xke'iwulaj kan ronojel wachibel ri nikiya' kiq'ij, ri ki-dios ri xa e banon rik'in abej o e ya'erisan pa q'aq'. Chuqa' xke'iwulaj kan akuchi nikiya-wi kiq'ij wachibel pa ruwi' taq juyu'.

Deut 13:8

Xa man kixniman chire, ni man tiwak'axaj ri ruch'abel, ni man tijunamatej-iwech rik'in, man tijoyowaj ruwech, y man tikuch-ruwi' ri rumak.

Deut 13:9

Xa kan tikamisaj k'a y ja rix ri nabey xkixtzeqen ri iq'a' chirij y k'ari' xtutzeqej ruq'a' chijun ri tinamit.

Deut 19:13

Man tipoqonaj ruwech ri kamisanel, richin keri' man jun mak xtiqaqa pa ruwi' ri ruwach'ulew Israel, richin keri' ronojel utz xtel chiwech.

Deut 2:33

jari' toq ri Jehová ri qa-Dios xujech pa qaq'a' y kan xqach'ek rija' y chuqa' ri e ruk'ajol y keri' chuqa' chijun ri rutinamit.

Deut 2:34

Y k'ari' xojok k'a chupan ronojel ri kitinamit y xeqak'is konojel; xeqakamisaj kan chi achi'a' chi ixoqi', chi ak'uala'. Y man jun xqak'asba' kan.

Deut 23:14

Roma ri Jehová ri qa-Dios kan nibiyaj chi'ikojol rix chiri' akuchi ixk'o-wi-qa, richin xkixrukol y xkerujech pan iq'a' ri e etzelanel iwichin. Y roma ri' ri akuchi ixk'o-wi-qa kan k'o chi jantape' ch'ajch'oj, richin chi ri Dios man jun tz'il xtutz'et chiri', y roma ta ri' yixrumalij kan.

Deut 25:12

Wi keri', rix man tijoyowaj ruwech ri ixoq, xa kan titzak'ix ri ruq'a', roma xuben keri'.

Deut 3:3

Ri Jehová ri qa-Dios xujech chuqa' pa qaq'a' ri Og rey richin Basán y konojel ri aj-labal, kan xeqach'ek k'a, y kan man jun xk'ase' kan chike.

Deut 31:5

Ri Jehová xkerujech pan iq'a' y rix kan ja k'a ri nubin yin chiwe jari' ri k'o chi niben kik'in.

Deut 33:27

Ri Dios richin q'asen jari' ri itobal. Ja rija' ix chapayon rik'in uchuq'a' tibe-q'ij tibe-seq. Xtuben k'a chi ye'animej-el chiwech ri e etzelanel iwichin, y nubij chiwe richin ye'ikamisaj.

Deut 7:16

Y rix kan xke'ik'is konojel ri e nima'q taq tinamit ri xkeruya' ri Jehová ri qa-Dios pan iq'a'; man tikuy kimak y man tiya' kiq'ij ri ki-dios, roma jari' ri xtok jun pikbel chiwe rix.

Deut 9:3

Roma ri' tiwetamaj chi ri Jehová ri qa-Dios ja rija' ri ik'owineq chiwech rix, achi'el jun q'aq' ri nuk'is ronojel. Rija' xkeruk'is y xtuqasaj kiq'ij; y rix kan xke'iwelesaj-el y kan xke'ik'is chi'anin, achi'el xubij ri Jehová.

Wuj Richin ri Josúe 10:28

Y keri' chuqa' chupan k'a ri q'ij ri' ri Josué y ri achi'a' xkich'ek ri tinamit Maquedá, y xekikamisaj rik'in espada, keri' chuqa' xkikamisaj ri rey, y xekik'is k'a konojel ri winaqi' ri ek'o chupan ri tinamit ri'; y kan man jun k'a xkiya' kan, y xkiben chire ri rey achi'el xkiben chire ri rey richin ri Jericó.

Wuj Richin ri Josúe 10:30

Y ri Jehová chuqa' xujech pa kiq'a' ri Josué y ri achi'a', re tinamit re' y ri ru-rey; xekikamisaj k'a konojel chi espada y kan man jun xkiya' kan rik'in ruk'aslen. Chuqa' kan keri' xkiben rik'in ri rey achi'el xkiben rik'in ri rey richin Jericó.

Wuj Richin ri Josúe 10:32

Chuqa' ri Jehová xujech pa kiq'a' rije' ri tinamit ri', y pa ruka'n q'ij xkich'ek. Xekikamisaj k'a konojel chi espada y kan man jun xkiya' kan rik'in ruk'aslen achi'el xkiben pa tinamit Libná.

Wuj Richin ri Josúe 10:40

Ri Josué y ri achi'a' xekich'ek k'a konojel tinamit ri ek'o pa xokon: Ri winaqi' ri ek'o chuwech ri ruwach'ulew ri ek'o chuwa taq juyu', ri ek'o pa xokon chire ri ruwach'ulew, ri ek'o pa taq'aj chuwech ri palou y ri ek'o pa xulan chire ri relebel-q'ij. Y xekikamisaj ri ki-rey y konojel winaqi' ri ek'o chiri', y kan man jun k'a xkiya' kan rik'in ruk'aslen. Kan konojel k'a xekikamisaj, achi'el rubin ri Jehová Dios richin Israel.

Wuj Richin ri Josúe 10:42

Ri Josué y ri achi'a' xekikamisaj k'a kan konojel re rey re' richin xkich'ek kan ri kiruwach'ulew: Y re' kan xetikir xkiben pa jun bey, roma ri Jehová ri ki-Dios xbanon oyowal junan kik'in rije'.

Wuj Richin ri Josúe 11:8

Ri Jehová xerujech k'a ri winaqi' ri' pa kiq'a' ri Josué y ri achi'a'; xekich'ek y xekitzeqelibej k'a pa nimalej tinamit Sidón y k'a pa Misrefot-maim y k'a pa taq'aj richin Mispá ri k'o pa relebel-q'ij. Y xekikamisaj kan y man jun k'a xk'ase' kan.

Wuj Richin ri Josúe 2:14

Y ri nachanela' xkibij: Roj xtiqaya' qatzij chi kan xtiqakol ri ik'aslen, wi man xqojisujuj ta ri achike roma ojk'o wawe' roj, y toq ri Jehová xtuya' re ruwach'ulew re' chiqe, kan qitzij wi chi xtiqajoyowaj iwech, xecha'.

Wuj Richin ri Josúe 21:44

Y man jun k'a chike ri etzelanel kichin ri xupaba' ta ri' chikiwech rije', roma ri Jehová kan xerujech pa kiq'a'. Y keri' kan xuya' k'a uxlanenri'il ri chiri' pa kiruwach'ulew, achi'el ri ya'on-tzij ri rubanon kik'in ri kite-kitata'.

Wuj Richin ri Josúe 8:24

Y toq ri achi'a' aj-Israel xekikamisaj yan konojel ri achi'a' aj-Ai ri e beneq pa taq'aj ri pa tz'iran ruwach'ulew ri akuchi e kitzeqeliben-el, y kan konojel xeken yan rik'in espada, jari' toq xetzolin chupan ri tinamit Ai y xekikamisaj konojel ri winaqi' ri ek'o chiri'.

Wuj Richin ri Josúe 9:24

Y rije' xkibij k'a chire ri Josué: Roj kan xqetamaj k'a chi ri Jehová ri i-Dios xubij chire ri ánima Moisés, ri rusamajel richin nuya' chiwe ronojel re ruwach'ulew re' y chuqa' kan k'o chi xke'ikamisaj konojel ri ek'o chuwech. Roma ri' janila xqaxibij-qi' richin yojikamisaj, y roma ri' roj xqaben kere'.

Wuj Richin ri Josúe 9:7

Y ri winaqi' aj-Israel xkibij chike ri achi'a' heveo: Rik'in k'a juba' rix xa ke taq re' naqaj ixk'o-wi, ¿achi'el ta k'a yojtikir nijunamatej-qawech iwik'in?, xecha'.

Wuj Kichin ri To'onela' 1:24

Y ri nachanela' xkitz'et k'a chi k'o jun achin ri xel-pe ri chiri' pa tinamit, y roma ri' rije' xkik'utuj k'a chire: Tabij chiqe, ¿k'o kami jun chik okibel richin chi yojok chupan re tinamit re', ri awetaman rat?, y wi xtak'ut chiqawech, roj xtiqajoyowaj k'a awech y man xkatqakamisaj ta, xecha' chire.

Wuj Kichin ri To'onela' 1:4

Ri tzobaj ri' xkichop k'a oyowal, y ri Jehová xerujech pa kiq'a' rije' ri winaqi' aj-Canaán y ri winaqi' ferezeo; y xekich'ek k'a e 10,000 achi'a' chiri' pa tinamit Bézec.

Wuj Kichin ri To'onela' 2:2

richin chi rix man ta nijunamatej-iwech kik'in ri winaqi' ri ek'o chupan re ruwach'ulew re', y ri kiporobal kan k'o chi xke'iwulaj-el, xicha' chike rije'. Jak'a rix xa man xinimaj ta nutzij. ¡Titz'eta' re ibanon wakami!