Deut 7:14 - Kaqchiquel Bible

¹⁴ Rix más urtisanik xtiberuya' pan iwi' chikiwech ch'aqa' chik tinamit; man xtibek'oje' ta jun ixoq ri man nik'oje' ta ral, y chuqa' man jun achin ri man ta nalk'ualan, y chuqa' chikikojol ri iwawej man xkek'oje' ta ri man ye'alan ta.

Deut 7:14 ပူးပေါင်းရင်းမြစ်များ

Deut 28:4

Ri Jehová xtuben chi xtik'oje' k'iy iwalk'ual, y kan utz xtel ri itiko'n, y kan xkek'iyer ta ri taq kal ri kokoj y nima'q taq iwawej.

Wuj Richin Bix Chire ri Dios 127:3

Ri alk'ualaxela' kan jun sipanik ri nuya' ri Jehová chike ri te'ej-tata'aj; kan jun urtisanik chike rije'.

Deut 28:11

Ri Jehová Dios kan xkixrurtisaj k'a, y xtuya' janila iwalk'ual, y ri iwawej kan janila xkek'iyer y ri itiko'n chuqa' janila xtiwachin achi'el xujikiba' chike ri qati't-qamama'.

Wuj Richin ri Chojmirisabelri'il 26:9

Yin kan xkixinwajo' k'a y kan xkixink'iyerisaj, y ri nujikiban richin xtinbenya' chiwe kan xtinbenya' k'a.

Deut 33:29

Ri Jehová xkolon iwichin, y kan xuya' janila urtisanik chiwe. Ri Jehová kan yixruchajij y kan yixruto'. Rija' nuben oyowal pan ik'exel rix richin yixch'akon chikij ri etzelanel iwichin, y kan ja rix xkixk'oje' pa kiwi' rije', xcha' ri Moisés.

Wuj Richin Bix Chire ri Dios 115:15

Kan utz ruwa-iq'ij rix ri ix richin ri Jehová, ri Jehová ri xbanon ri kaj y ri ruwach'ulew.

Wuj Richin Bix Chire ri Dios 107:38

Ri Jehová kan xerurtisaj y kan janila xewinaqir; ri kawej kan janila chuqa' xek'iyer.

Wuj Richin ri Q'axanri'il 22:12

K'ari' ri Dios xubij chire ri Balaam: Man kabe kik'in re achi'a' re', richin chi nabeya' ri jun itzel oyonik pa ruwi' ri tinamit ri', roma ri tinamit ri' kan k'o ri wurtisanik yin pa kiwi', xcha' ri Dios.

Deut 30:9

Ri Jehová ri qa-Dios xtuben chiwe chi ronojel k'a ri xtiben, kan utz xtel chiwech, y kan xtuya' k'a urtisanik pa kiwi' ri iwalk'ual y pa kiwi' ri iwawej y pa ruwi' ri itiko'n richin utz yixk'ase'. Y ri Jehová kan xtikikot iwik'in, roma ri' ronojel ri xtuben iwik'in kan ja ri utz, achi'el xuben kik'in ri qati't-qamama'.