Deut 6:8 - Kaqchiquel Bible

⁸ Kan tixima' chirij ri iq'a' re ruchojmilal re' y keri' chuqa' tixima-el nik'aj iwech richin jun retal.

Deut 6:8 ပူးပေါင်းရင်းမြစ်များ

Wuj Richin Etamabel-Tzij 6:21

Kan jantape' k'a kek'oje' ri pa taq iwánima y man kesolkopitej-el, kan ke'ixima' k'a chi'iqul, richin kan jantape' k'o chi'ik'u'x,

Wuj Richin Etamabel-Tzij 3:3

Ri joyowanik y ri qitzij kan awichin tabana' chike y man ke'amestaj kan; kan tabana' chi jebel ta yeq'alajin ri pan ak'aslen, achi'el niq'alajin jun ichinaj ri tzeqel chuwa-ak'u'x; kan tabana' k'a chi e tz'ibatel ta ri pan awánima.

Deut 11:18

Roma ri' kan tiyaka' k'a re ch'abel re' pa taq iwánima y tich'obo'. Tixima' k'a chirij iq'a' y ri nik'aj iwech richin jun retal.

Wuj Richin Etamabel-Tzij 7:3

Ri nutijonik kan ke'iximila' ri chuwi' taq iq'a' y kan ke'itz'ibala' chuqa' ri pa taq iwánima.

Ex 13:9

Y re' kan man xtiqamestaj ta k'a y kan xtuben chiqe chi kan achi'el jun etal chirij ri qaq'a' y ri nik'aj-qawech, richin keri' ri rupixa' ri Jehová kan jantape' xtoqaqa chiqak'u'x, roma ri Jehová rik'in ri nimalej ruchuq'a' xojrelesaj-pe pan Egipto.

Ex 13:16

Y re' kan man xtiqamestaj ta k'a, y kan xtuben chiqe chi kan achi'el jun etal chirij ri qaq'a' y ri nik'aj-qawech, roma ri Jehová rik'in ri nimalej ruchuq'a' xojrelesaj-pe pan Egipto, xcha'.

Hebreos 2:1

Roma ronojel re', k'o chi niqatzeqelibej ri ruch'abel ri Dios ri qak'axan, richin chi man niqach'er ta kan qi'.

San Mateo 23:5

Rije' nikibanala' k'a ri utz, jak'a man richin ta chi utz nikiben chuwech ri Dios. Rije' xaxe richin chi ketz'et y kenimex koma ri winaqi'. Y tikitz'eta' k'a ri retal ri kik'uan chirij ri kiq'a' y ri nik'aj-kiwech, ri ek'o mokaj ruch'abel ri Dios chupan. Y chuqa' más nima'q raqen nikibanala' chire ri retz'aba'l ruchi' taq kitziaq retal chi kan kijachon-ki' pa ruq'a' ri Dios.

Ex 12:14

Y re q'ij re' kan k'o chi xtinimaq'ijuj rix, chuqa' keri' xtikiben ri iwijatzul ri xkepe chi wiq chi tanaj. Kan keri' k'a ri k'o chi niben richin jantape'.