Deut 6:7 - Kaqchiquel Bible

⁷ y kan tikamuluj chike ri iwalk'ual y kan ke'itijoj k'a jantape', pa taq iwachoch, pa taq bey, toq yixkotz'e-qa y toq yixyakatej-el.

Deut 6:7 ပူးပေါင်းရင်းမြစ်များ

Wuj Richin ri Rutikeribel 18:19

Kan q'alaj chik chinuwech chi rija' kan xtuk'ut kan chikiwech konojel ri ralk'ual y ri rijatzul chi k'o chi nikitaqej ri niqa' chinuwech yin, roma rije' k'o chi pa ruchojmilal xtikiben ronojel y jebel chuqa' ruchojmirisaxik xtikiben chike ri yebanatej, richin keri' yin Jehová xtinya' ronojel ri nusujun chire ri Abraham, xcha-qa.

Wuj Richin ri Achin Job 8:10

Jak'a ri kina'oj ri ojer taq winaqi' kan k'o ri nikik'ut chawech; kan k'a xkech'on na awik'in rik'in ri ketamabal ri k'o kan.

Wuj Richin Bix Chire ri Dios 119:13

Yin kan rik'in k'a ri nuchi' nutzijon ronojel ri pixa' ri abin kan rat.

Wuj Richin Bix Chire ri Dios 119:46

Kan xkich'on k'a pa ruwi' ri ach'abel chikiwech ri e rey, y man xkik'ix ta k'a xtintzijoj.

Wuj Richin Bix Chire ri Dios 129:8

K'ate' ta man jun xtik'utun urtisanik pa kiwi' ri winaqi' ri', y chuqa' man ta jun xturtisan kichin pa rubi' ri Jehová. Jak'a roj kan niqak'utuj urtisanik pan iwi' pa rubi' ri Jehová.

Wuj Richin Bix Chire ri Dios 37:30

Ri choj ruk'aslen kan nich'on rik'in na'oj. Kan nich'on k'a rik'in ruchojmilal.

Wuj Richin Bix Chire ri Dios 71:17

Nimalej Dios, kan k'a pa nuk'ajolil k'a aya'on ri tijonik chuwe; y k'a re wakami, yin kan nuq'alajirisan-pe ri meyel taq abanobal.

Wuj Richin Etamabel-Tzij 10:21

Ri ruch'abel ri wineq ri choj ruk'aslen, kan k'o utz nuk'en-pe chike ri winaqi'; jak'a ri wineq ri xa maneq ok runa'oj, ni rija' man nitikir ta nuto-ri' y pa kamik napon-wi.

Wuj Richin Etamabel-Tzij 15:2

Ri raq' ri chojmilej wineq, kan jebel k'a rubixik nuben chire ri etamabel; jak'a ri ruchi' ri xa maneq runa'oj, kan nuchololej ch'abel ri xa maneq rejqalen.

Wuj Richin Etamabel-Tzij 15:7

Ri ruchi' ri wineq ri kan k'o runa'oj, kan nutaluj k'a rubixik ri na'oj; jak'a ri winaqi' e itzel, ri nikitaluj rubixik, xa ja ri man choj ta.

Wuj Richin Etamabel-Tzij 6:22

Re ruchojmilal re', kan yixruyuqej chupan ri ik'aslen, toq yixwer, kan yixruchajij k'a; y toq yixk'astej, kan achi'el nitzijon iwik'in.

Wuj Richin ri Isaías 38:19

Xaxe k'a ri k'o kik'aslen yetikir nikiya' aq'ij, achi'el ninben yin re wakami. Y jun sol winaqi' nikitzijoj chike jun sol chik winaqi' ri awajowabal ri man nik'is ta.

Wuj Richin ri Malaquías 3:16

Y toq xkak'axaj ronojel re', ri winaqi' ri k'o rukiy ri Dios chikiwech kan xech'on chikiwech ri chi kachibil-ki'. Y ri Dios kan xuya' ruxikin chike y xerak'axaj k'a. K'ari' ri Jehová xutz'ibaj kibi' chupan jun wuj richin natabel kichin ri k'o rukiy chikiwech, y ri nikinimirisaj ri rubi'.

San Mateo 12:35

Jun utzilej wineq kan chukojol k'a ri utzilej beyomel ri k'o pa ránima yerelesaj-pe ri yerubij. Jak'a ri wineq ri man utz ta, kan chukojol k'a ri itzel ri k'o pa ránima yerelesaj-pe ri yerubij.

San Lucas 6:45

Kan keri' k'a ri wineq. Ri wineq utz, ja ri utz ri nuben, roma kan jari' ri k'o pa ránima. Jak'a ri wineq itzel, ja ri etzelal ri nuben, roma kan jari' ri k'o pa ránima. Roma jun wineq kan jak'a ri k'o pa ránima ri nubij.

Efesios 4:29

Man tibila' itzel taq tzij. Xaxe k'a ri utz y ri nik'atzin tibij, richin keri' re ch'abel re' nukuquba' kik'u'x ri ek'o pa bis, y k'o utzil nuk'en-pe chike.

Efesios 6:4

Y rix te'ej-tata'aj, man tiyek koyowal ri iwalk'ual. Xa kan ke'ik'iytisaj k'a rik'in ri nubij ri ruch'abel ri Dios y kan pa rubeyal.

Deut 11:19

Ke'itijoj k'a ri iwalk'ual chire re ch'abel re' toq ixk'o pa taq iwachoch, toq ix beneq pa taq bey, toq yixkotz'e-qa y toq yixyakatej-el.

Deut 6:2

Tinimaj k'a ronojel ri pixa' ri ninbij chiwe rix, chike ri iwalk'ual y ri iwiy-imam richin chi niya' ruq'ij ri Jehová ri qa-Dios, y keri' k'iy k'a juna' xkixk'ase' chuwech re ruwach'ulew.

Colosenses 4:6

Kan ta ronojel ri nibij k'o ta utzil nuk'en-pe. Kan ta achi'el toq k'o atz'an rik'in ri iq'utun, keri' ta ri ich'abel richin chi kan xaxe ta k'a ri ruk'amon ri nibij chike konojel ri k'o nikik'utuj chiwe.

1 Pedro 3:15

Pa ruk'exel ri' kan tiya' ruq'ij ri Cristo ri iwajaw pa taq iwánima. Y wi k'o ta jun ri nuk'utuj chiwe ri achike roma iwoyoben ri rutzil rija', kan jantape' k'a tiq'alajirisaj chuwech rik'in ch'uch'ujil y ajowabel.

Wuj Richin ri Rut 2:12

Ja ri Jehová ri qa-Dios roj xtiya'on rajel ruk'exel chawe roma ri yatajin chubanik y kan xtak'ul rajel ruk'exel pa ruq'a' ri qa-Dios roj ri aj-Israel, ri achoq ik'in akuquban-wi ak'u'x rat, xcha' ri Booz.

Wuj Richin ri Rut 2:4

Y toq ri Rut najin nipich'olin, xapon k'a ri Booz ri peteneq pa Belén, y xubij chike ri rusamajela': Ja ri Jehová xtik'oje' iwik'in, xcha'. Y ri rusamajela' xkiq'ejela' chuqa'.

Wuj Richin ri Rut 4:11

Y konojel k'a ri winaqi' ri ek'o chiri' ri e kachibilan ri achi'a' ri k'o kiq'ij, xkibij: Qitzij, roj xqatz'et ronojel re'. Ja ri Jehová xtiya'on ri urtisanik pa ruwi' ri ixoq ri xtapon pan awachoch y chuqa' xtik'oje' ta k'iy awalk'ual rik'in achi'el xuben chike ri Raquel y ri Lea, ri oj kiy-kimam kan roj. Y rat Booz kan ta xkatok jun nimalej tata'aj chikikojol ri e rijatzul kan ri Efrata, wawe' pa Belén.