Deut 6:6 - Kaqchiquel Bible

⁶ Kan tiya' k'a pan iwánima ronojel ri ch'abel ri xinbij chiwe wakami;

Deut 6:6 ပူးပေါင်းရင်းမြစ်များ

Wuj Richin ri Rutikeribel 18:19

Kan q'alaj chik chinuwech chi rija' kan xtuk'ut kan chikiwech konojel ri ralk'ual y ri rijatzul chi k'o chi nikitaqej ri niqa' chinuwech yin, roma rije' k'o chi pa ruchojmilal xtikiben ronojel y jebel chuqa' ruchojmirisaxik xtikiben chike ri yebanatej, richin keri' yin Jehová xtinya' ronojel ri nusujun chire ri Abraham, xcha-qa.

2 Sam 22:23

Kan nintzeqelibej k'a ri rupixa' ri Dios, roma chuwe yin achi'el jun utzilej bey. Y kan man xtinch'er ta k'a kan wi' chire.

Wuj Richin Bix Chire ri Dios 119:11

Kan nuyakon k'a pa wánima ri ach'abel, richin chi man yimakun ta chawech.

Wuj Richin Bix Chire ri Dios 119:13

Yin kan rik'in k'a ri nuchi' nutzijon ronojel ri pixa' ri abin kan rat.

Wuj Richin Bix Chire ri Dios 119:30

Yin kan ja ri bey ri awichin rat ri xincha'. Kan ja ri apixa' ri ninwajo' nintzeqelibej.

Wuj Richin Bix Chire ri Dios 119:98

Rik'in ri apixa', abanon chuwe chi kan más in aj-na'oj, chikiwech ri e etzelanel wichin, roma re pixa' re' kan jantape' k'o wik'in.

Wuj Richin Bix Chire ri Dios 37:31

Ri rupixa' ri Dios kan jari' ri ruyakon pa ránima. Roma ri' kan man jun bey nijilijo'.

Wuj Richin Bix Chire ri Dios 40:8

Yin kan niqa' chinuwech richin niben ri arayibel rat nu-Dios yin. Ri apixa' kan nuyakon k'a pa wánima.

Wuj Richin Etamabel-Tzij 3:5

Kan rik'in k'a ronojel awánima takuquba' ak'u'x rik'in ri Jehová, y man takuquba-qa ak'u'x awik'in rat roma ri awetamabal.

Wuj Richin Etamabel-Tzij 7:3

Ri nutijonik kan ke'iximila' ri chuwi' taq iq'a' y kan ke'itz'ibala' chuqa' ri pa taq iwánima.

Wuj Richin ri Isaías 51:7

Kiniwak'axaj k'a rix winaqi' ri iwetaman ri ruchojmilal, tinamit ri kan k'o ri nupixa' pan iwánima. Man tixibij-iwi', y man kixk'ix chikiwech ri winaqi' ri yech'on itzel chiwij. Y man timayamo-qa ri iwánima chikiwech ri janila yixkiyoq'.

Wuj Richin ri Jeremías 31:33

Roma kan jare' k'a ri k'ak'a' jikibel-tzij ri xtinben yin Jehová kik'in rije' chupan ri q'ij ri' y kan xtinben richin xtibek'oje' ri nupixa' pa taq kánima. Chupan ri q'ij ri' yin xkinok ki-Dios y rije' xke'ok nutinamit.

San Lucas 2:51

K'ari' ri ak'ual junan k'a xtzolin kik'in rije' pa kitinamit Nazaret, y kan janila k'a nunimaj kitzij. Y ronojel ri xbanatej rik'in ri ak'ual, ri María xeruyek k'a pa ránima.

San Lucas 8:15

Ri ija'tz ri xqaqa pa jun utzilej ulew, re' kan nich'on-wi k'a chikij ri winaqi' ri ye'ak'axan ri ruch'abel ri Dios, y rik'in ronojel kánima nikiben ri nubij. Jantape' kikuquban kik'u'x rik'in ri Dios, y niwachin jebel ri kik'aslen, xcha'.

2 Corintios 3:3

Ri qawuj roj ri nibin chi kan qojk'ul, kan ja wi rix, y ja ri Cristo ri banayon-pe rik'in ri Loq'olej Espíritu richin ri k'aslik Dios. Jak'a man rik'in ta tz'ibabel banon-wi, ni man chuwech ta chuqa' tz'alem taq abej; xa kan chuwech k'a ri iwánima.

Deut 11:18

Roma ri' kan tiyaka' k'a re ch'abel re' pa taq iwánima y tich'obo'. Tixima' k'a chirij iq'a' y ri nik'aj iwech richin jun retal.

Deut 11:20

Y kan titz'ibaj k'a chuwech ri ruchi' taq iwachoch,

Deut 32:46

xubij k'a chike konojel: Kan tiya' k'a rejqalen ronojel re xinbij chiwe re wakami, richin yixtikir nibij chike ri iwalk'ual chi tikitaqej ronojel ri nubij re pixa' re'.

Colosenses 3:16

Kan nik'atzin k'a chuqa' chi ri qánima nojineq ta rik'in ri ruch'abel ri Cristo. Kan rik'in ronojel etamabel tiqatijola-qi' chiqachibil-qi'. Y tiqabixaj rubi' ri ajaw roma ri matioxinik ri k'o pa taq qánima.

2 Juan 1:2

Roma k'o ri qitzij ri pa taq qánima, roma ri' niqajowala-qi'. Ri qitzij xtik'oje' k'a qik'in richin jantape'.