Deut 6:22 - Kaqchiquel Bible

²² Roj xqatz'et ronojel ri nima'q taq rubanobal ri xeruben chiri' pan Egipto, y xuben chike chi xebaybot konojel ri winaqi' y chuqa' ri rey y konojel ri aj pa rachoch.

Deut 6:22 ပူးပေါင်းရင်းမြစ်များ

Deut 4:34

Kan man jun chik k'a dios ri nuben achi'el xuben ri qa-Dios roj, ri xojrucha' chikikojol ri ch'aqa' chik nimalej tzobaj winaqi' achi'el xuben qik'in roj richin xojrelesaj-pe pan Egipto, ri kan rik'in k'iy tejtobenik, rik'in nima'q taq retal, rik'in nima'q taq banobel, rik'in labal y rik'in nimalej uchuq'a'. Rik'in k'a ronojel banobel re' ri kan xe'itz'et rik'in ri runaq' taq iwech, xojrelesaj-wi-pe,

Wuj Richin Bix Chire ri Dios 91:8

Ronojel re' kan xtiqatz'et k'a roj rik'in ri runaq' taq qawech. Kan xtiqatz'et k'a ri xtikik'ul ri maneq Dios chikiwech.

Deut 7:19

Tich'obo' rij ri nima'q taq banobel ri xitz'et, ri man jun bey itz'eton, ri xuben ri Jehová Dios ri k'o ronojel uchuq'a' rik'in toq xojrelesaj-pe ri chiri' pan Egipto. Keri' chuqa' xtiberubana' ri Jehová Dios kik'in konojel ri tinamit ri ixibin-iwi' chikiwech.

Deut 4:3

Rix xitz'et ri achike xuben ri Jehová kik'in ri qawinaq ri xkiya' ruq'ij ri Baal chiri' pa juyu' Peor; roma kan konojel ri qawinaq ri xetzeqeliben ri wachibel Baal, kan xeruk'is ri Jehová ri qa-Dios.

Deut 3:21

Chupan k'a ri q'ij ri' xinbij k'a chire ri Josué: Xatz'et ronojel ri xuben ri Jehová ri qa-Dios kik'in ri Sihón y ri Og; kan keri' k'a chuqa' xtiberubana' kik'in konojel ri e rey ri ek'o pa taq ruwach'ulew ri akuchi xkatapon-wi.

Deut 1:30

Roma ri Jehová ri qa-Dios, kan beneq chiqawech, y kan ja rija' ri xtibanon ri oyowal pa qak'exel, achi'el ri xuben qik'in toq xojel-pe pan Egipto.

Wuj Richin Bix Chire ri Dios 135:9

Rija' kan xuben meyel taq banobel chupan ri ruwach'ulew Egipto. Pa kiwi' k'a ri ki-rey y ri e rusamajela' xuben-wi ronojel re'.

Ex 3:20

Roma ri', yin kan xtinben chi xtiqaqa ruk'ayewal pa ruwi' ri Egipto, kan xtinben chi xkebanatej banobel ri man jun bey e tz'eton ta. K'a chirij ri' xtuya-el q'ij chiwe richin xkixbe.

Deut 6:21

Rix xtibij chike: Roj xojxime' pa samaj kik'in ri aj-Egipto, jak'a ri Jehová xojrelesaj-pe chiri' rik'in ri nimalej ruchuq'a'.

Deut 6:23

Jak'a roj xojrelesaj-pe chiri' y xojruk'en-pe chupan re ruwach'ulew ri akuchi xujikiba' kan chike ri qati't-qamama'.

Wuj Richin Bix Chire ri Dios 136:4

Kan xaxe rija' ri xbanon ri nima'q taq banobel; roma ri rujoyowanik rija' kan richin jantape'.

Ex 10:2

Y richin chi rix nitzijoj chuqa' chike ri iwalk'ual y chike ri iwiy-imam, ronojel re xinben yin re wawe' pan Egipto. Ri nima'q taq nubanobal richin retal, richin chi rix kan tiwetamaj chuqa' chi ja yin Jehová, xcha'.