Deut 6:2 - Kaqchiquel Bible

² Tinimaj k'a ronojel ri pixa' ri ninbij chiwe rix, chike ri iwalk'ual y ri iwiy-imam richin chi niya' ruq'ij ri Jehová ri qa-Dios, y keri' k'iy k'a juna' xkixk'ase' chuwech re ruwach'ulew.

Deut 6:2 ပူးပေါင်းရင်းမြစ်များ

Wuj Richin ri Rutikeribel 18:19

Kan q'alaj chik chinuwech chi rija' kan xtuk'ut kan chikiwech konojel ri ralk'ual y ri rijatzul chi k'o chi nikitaqej ri niqa' chinuwech yin, roma rije' k'o chi pa ruchojmilal xtikiben ronojel y jebel chuqa' ruchojmirisaxik xtikiben chike ri yebanatej, richin keri' yin Jehová xtinya' ronojel ri nusujun chire ri Abraham, xcha-qa.

Wuj Richin ri Rutikeribel 22:12

Y xubij chire: Man takamisaj la ak'ajol y man jun taben chire, y roma man xapoqonaj ta xaya' ri juney ak'ajol pa kamik chuwe, wakami q'alaj chik chinuwech chi rat kan k'o-wi rukiy ri Dios chawech, xcha'.

1 Rey 8:40

Richin keri' kan xtikiya' k'a aq'ij y xtikinimaj atzij ronojel q'ij ri janipe' xkek'ase-el chuwech re ruwach'ulew ri xaya' kan chike ri qate-qatata'.

Wuj Richin ri Achin Job 28:28

Roma ri' ri Ajaw kan rubin wi k'a chike ri winaqi': Jun wineq ri kan k'o rukiy ri Dios chuwech, kan q'alaj k'a chi k'o na'oj rik'in, y jun wineq ri kan nuch'er-pe ri' chike ri itzel taq banobel, kan q'alaj k'a chi k'o etamabel rik'in.

Wuj Richin Bix Chire ri Dios 111:10

Wi k'o ta jun nrajo' nok aj-na'oj, k'atzinel chi tik'oje' rukiy ri Jehová chuwech. Roma ri' konojel ri nikitaqej ri rupixa', kan e aj-na'oj. Kan jantape' k'a tiya'ox ruq'ij ri Jehová.

Wuj Richin Bix Chire ri Dios 128:1

Jebel ruwa-aq'ij rat ri k'o rukiy ri Jehová chawech, ri kan ja ri bey ri niqa' chuwech rija' ri atzeqeliben.

Wuj Richin Bix Chire ri Dios 91:16

Xtinya' k'a k'iy q'ij ruk'aslen chuwech re ruwach'ulew. Y kan xtink'ut k'a chuwech ri kolotajik ri ninya'.

Ex 20:12

Tiya' kiq'ij ri ite-itata', richin chi k'iy k'a juna' xkixk'ase-el chuwech re ruwach'ulew, ri ninya' yin Jehová ri i-Dios chiwe.

Ex 20:20

Y ri Moisés xubij k'a chike ri winaqi': Man tixibij-iwi', roma ri Dios xpe richin yixrutejtobej. Re xibinri'il re' kan xtik'oje' k'a chi'ik'u'x y xtuben chiwe chi niya' ruq'ij-ruk'ojlen, richin chi man yixmakun ta chik chuwech, xcha' ri Moisés chike.

Wuj Richin Etamabel-Tzij 16:6

Ri wineq ri kan qitzij nutzeqelibej ri Dios y man numalij ta kan, kan xtikuyutej rumak, y wi kan xtunimaj rutzij ri Dios, man jun itzel xtuk'uluwachij.

Wuj Richin Etamabel-Tzij 3:16

Ri na'oj achi'el xa ta k'o ruq'a' y ri pa rijkiq'a' ruk'amon-pe k'aslen, y ri pa rajxokon ruk'amon-pe beyomel y k'ojlemal.

Wuj Richin Etamabel-Tzij 9:11

Woma k'a yin ri na'oj, ri wineq kan xkerukochij k'iy ruq'ij chuwech re ruwach'ulew, y ri rujuna' kan pa ruk'iyal k'a xkeruben-q'anej.

Wuj Richin ri Molojri'il 12:13

Wakami kan tawak'axaj y tawetamaj k'a ri achike nuk'atzinej-wi re jun wuj re': Kan tawetamaj k'a nik'oje' rukiy ri Dios chawech y tabana' ri nubij ri rupixa', roma kan jare' ri achike roma toq ri wineq k'o chuwech re ruwach'ulew.

Wuj Richin ri Jeremías 32:39

Xtinben k'a chike richin xtinjel ri kánima y ri kich'obonik richin nikiya' nuq'ij richin jantape' y keri' xkek'ase' k'a el chi utzil; rije' y ri kalk'ual chik rije'.

Ez 20:19

Xinbij chike chi ja yin Jehová ri in ki-Dios y kan tikitzeqelibej k'a ri nupixa' y kan tikiyaka' k'a pa taq kánima.

San Lucas 12:5

Ninbij k'a chiwe achoq chuwech ruk'amon chi nixibij-iwi': Tixibij-iwi' chuwech ri man xaxe ta ri ch'akulaj nukamisaj, jak'a chirij ri' xa kan k'o chuqa' uchuq'a' rik'in richin nitikir yixruteq pa q'aq' richin jantape'. Kan tixibij k'a iwi' chuwech ri nibanon keri'.

Deut 10:20

Kan chuwech k'a ri Jehová ri qa-Dios tiqaxibij-qi' y kan xaxe rija' tiqaya' ruq'ij y tiqasamajij. Y pa rubi' k'a rija' xtiqaya' ri qatzij.

Deut 11:9

Richin keri' kan xtiyaloj ri ik'aslen chuwech ri jebelej ruwach'ulew ri rusujun ri Jehová chike ri qati't-qamama' y chiwe rix ri ix kijatzul.

Deut 13:4

Xa kan titzeqelibej k'a ri Jehová ri qa-Dios; kan chuwech k'a rija' tixibij-wi-iwi', titaqej k'a ri rupixa' y kan tiwak'axaj ri nubij, kan tisamajij y junan iwech tibana' rik'in rija'.

Deut 15:5

wi kan jantape' ninimaj rutzij ri Jehová ri qa-Dios y nitaqej ronojel re pixa' re ninbij chiwe re q'ij re'.

Deut 22:7

Ri te'ej k'o chi nrisq'opej kan, richin keri' kan utz xkixbe, y k'iy juna' xkixk'ase' chuwech ri ruwach'ulew.

Deut 30:19

Chupan re q'ij re' kan chuwech k'a ri kaj y ri ruwach'ulew ninbij chiwe chi ninya' chiwech ri k'aslen o ri kamik, ri urtisanik o ri etzelanik. Kan ticha' k'a ri k'aslen, richin chi yixk'ase' rix y ri iwijatzul.

Deut 30:20

Kan tiwajo' k'a ri Jehová ri qa-Dios rik'in ronojel iwánima y kan tinimaj ri nubij y kan titzeqelibej k'a; roma pa ruq'a' rija' k'o-wi ri k'aslen, richin yixk'ase' k'iy juna' pa ruwach'ulew ri xujikiba' chike ri qati't-qamama', ri Abraham, ri Isaac y ri Jacob, xcha'.

Deut 4:10

Toqaqa k'a chi'ik'u'x toq xqamol-apo-qi' chuwech ri Jehová ri qa-Dios, chuxe-apo ri juyu' Horeb, toq rija' xubij chuwe: Ke'amolo' k'a ri awinaq, richin chi nikak'axaj ri nuch'abel richin niketamaj nikiya' nuq'ij chijun ri kik'aslen chuwech re ruwach'ulew, y xtikik'ut chikiwech ri kalk'ual, xcha' chuwe.

Deut 4:40

Roma ri' kan titaqej k'a ri rupixa' ri ninya' chiwe wakami, richin chi utz yixk'ase' rix y ri iwijatzul; y kan xkixk'ase' k'iy juna' chuwech ri ruwach'ulew ri xtuya' chiwe ri Jehová ri qa-Dios richin jantape', xcha' ri Moisés.

Deut 4:9

Roma ri' tichajij k'a iwi', y tik'oje' k'a chi'ik'u'x, richin man nimestaj ta ri xe'itz'et rik'in ri runaq' taq iwech, chuqa' man tel pan iwánima ronojel q'ij chire ri ik'aslen; kan xtik'ut k'a chikiwech ri iwalk'ual y ri kalk'ual rije'.

Deut 5:16

Tiya' kiq'ij ri ite-itata', richin k'iy k'a juna' xkixk'ase-el y utz xkixbe chuwech re ruwach'ulew ri ninya' yin Jehová ri i-Dios chiwe.

Deut 5:33

Kan xtitzeqelibej k'a ri bey ri xuk'ut ri Jehová ri qa-Dios chiqawech, richin chi utz k'a xkixbe y kan k'iy juna' xkixk'ase' chuwech ri ruwach'ulew ri xtiberuya' rija' chiwe.

Deut 6:1

Ja ronojel pixa' re' ri xuya' ri Jehová ri qa-Dios chuwe, richin xixintijoj, richin jari' ri nitaqej chupan ri ruwach'ulew ri xkixapon-wi ri kan xtok iwichin.

Deut 6:24

Chirij ri' ri Jehová xubij chiqe chi k'o chi niqataqej ronojel ri pixa' ri ya'on chire ri tinamit y kan niqaya' ruq'ij richin keri' utz xqojbiyin. Keri' chuqa' rija' xqojruchajij achi'el rubanon qik'in k'a re q'ij re'.

Deut 6:7

y kan tikamuluj chike ri iwalk'ual y kan ke'itijoj k'a jantape', pa taq iwachoch, pa taq bey, toq yixkotz'e-qa y toq yixyakatej-el.

Wuj Richin ri Josúe 4:24

Keri' k'a xbanatej richin chi konojel tinamit richin chijun ruwach'ulew xtiketamaj chi ri ruq'a' ri Jehová kan janila ruchuq'a', y richin chuqa' chi rix k'o ta rukiy ri Jehová ri qa-Dios chiwech ronojel q'ij, xkecha', xcha' ri Josué.

1 Pedro 1:17

Ri Dios ri nibij qatata' chire, jun chojmilej q'atoy-tzij, y man nuben ta rukojol kik'in ri winaqi'. Roma wi utz o man utz ta, ri ibanobal rija' nuya' rutojbalil chiwe. Roma ri' kan tixibij-iwi' yixmakun rokik ixk'o chuwech re ruwach'ulew.