Deut 6:18 - Kaqchiquel Bible

¹⁸ Tibana' k'a ronojel pa ruchojmilal chuwech ri Jehová ri qa-Dios y kan utz k'a xkixbe, richin keri' kan ronojel k'a utz xtel chiwech toq xkixok-apo chupan ri ruwach'ulew ri rusujun y rujikiban chi nuya' chike ri qati't-qamama'.

Deut 6:18 ပူးပေါင်းရင်းမြစ်များ

Deut 4:40

Roma ri' kan titaqej k'a ri rupixa' ri ninya' chiwe wakami, richin chi utz yixk'ase' rix y ri iwijatzul; y kan xkixk'ase' k'iy juna' chuwech ri ruwach'ulew ri xtuya' chiwe ri Jehová ri qa-Dios richin jantape', xcha' ri Moisés.

Deut 12:25

Kan man titej k'a ni man tiqum ri kik'. Wi xtiben ri nubij ri Jehová ri qa-Dios, kan utz k'a xkixbe rix y ri iwijatzul.

Romanos 12:2

Man titzeqelibej ri kik'aslen ri winaqi' ri k'a kikuquban na kik'u'x rik'in re ruwach'ulew. Xa kan tiya' q'ij chire ri Dios richin nujel ri ich'obonik, richin keri' kan tijalatej k'a chuqa' rubanik ri ik'aslen. Y keri' xtiwetamaj ri achike nrajo' ri Dios chi niqaben. Ri nrajo' rija': Ja ri utz, ri jebel y ri choj.

Deut 5:29

K'ate' ta kere' k'o pa taq kánima ronojel mul, kan nikiya' ta nuq'ij y chuqa' kan nikitaqej ta ronojel ri nupixa', richin keri' rije' y ri kalk'ual kan jantape' ta utz xtel ronojel chikiwech.

San Juan 8:29

Ri nata' ri taqayon-pe wichin, kan k'o wik'in. Man k'a yiruya' ta kan nuyon, roma yin kan ninben-wi ri niqa' chuwech, xcha'.

Ez 33:19

Jak'a wi jun wineq ri itzel ruk'aslen nuya' ta kan ri itzel rubanobal y nuben ri utz, rija' kan xtik'ase'.

Os 14:9

Ri e aj-na'oj kan xtiq'ax k'a chikiwech ronojel re'. Ri kan nowineq kan xtretamaj k'a, chi ri bey ri nibe rik'in ri Jehová kan choj-choj. Ri choj kik'aslen kan chupan k'a re bey re' yebiyin-wi. Jak'a ri kik'uan ri itzel k'aslen xa kan nikipajk'ij k'a ri kaqen chupan re bey re'.

Ez 33:16

Wi rija' nuben kere', kan xtik'ase' roma xuben ri utz y man jun bey chik xtoqaqa chinuk'u'x ri rumak ri rubanalon-pe.

Ez 33:14

Rik'in juba' ninbij chire jun wineq ri rujachon-ri' chubanik ri etzelal chi rija' kan xtiken roma ri itzel rubanobal. Jak'a wi rija' xa nitzolej k'a pe ruk'u'x y nuya' kan ri itzel k'aslen y nuchop k'a rubanik ri utz,

Ez 18:27

Y wi ta jun wineq ri banoy etzelal nuchojmirisaj ta ri ruk'aslen y kan xtik'ase' pa ruchojmilal, man xtinwelesaj ta ri ruk'aslen.

Ez 18:21

Y wi ta ri banoy etzelal nuchojmirisaj ruk'aslen y man nuben ta chik ri achi'el rubanon-pe y nutaqej ronojel ruwech pixa' y nuben ronojel pa ruchojmilal, kan xtik'ase' k'a kan y man xtinwelesaj ta ri ruk'aslen.

Ez 18:5

Rik'in juba' k'o ta jun wineq choj ruk'aslen y kan ronojel pa ruchojmilal ri nuben.

Wuj Richin ri Isaías 3:10

Tibij k'a chike ri choj kik'aslen chi kan utz xkebe, roma kan xtikitej ruwech ri kitiko'n.

Wuj Richin Bix Chire ri Dios 19:11

Ronojel re', kan nubij k'a chire ri asamajel ri utz y ri man utz ta nuben; wi nuyek re' pa ránima, kan k'o rajel ruk'exel xtuk'ul.

Deut 13:18

wi rix kan xtinimaj ri rutzij y kan xtitaqej ri rupixa' richin jantape' ri xinya' chiwe wakami, y wi kan choj xtiben chuwech ri Jehová ri qa-Dios.

Deut 12:28

Kan tiwak'axaj y kan titaqej k'a ronojel ri xinbij chiwe, richin keri' rix y ri iwijatzul kan utz xkixbiyin richin q'asen, roma kan utz y choj ri niben chuwech ri Jehová ri qa-Dios.

Deut 8:11

Kan tichajij k'a iwi' richin man nimestaj ta ri Jehová ri qa-Dios, richin nitaqej ronojel pixa' ri ninya' chiwe re wakami.

Deut 5:33

Kan xtitzeqelibej k'a ri bey ri xuk'ut ri Jehová ri qa-Dios chiqawech, richin chi utz k'a xkixbe y kan k'iy juna' xkixk'ase' chuwech ri ruwach'ulew ri xtiberuya' rija' chiwe.

Ex 15:26

Y xubij: Wi kan qitzij xtiwak'axaj ri nuch'abel yin Jehová ri i-Dios, y kan xkixbiyin choj chinuwech, y kan xtiben ronojel ri nubij ri pixa' y kan xtiyek pan iwánima, kan man jun k'a yabil xtinteq-pe pan iwi' achi'el ri xinteq pa kiwi' ri aj-Egipto, roma ja yin Jehová ri in aq'omanel iwichin, xcha' ri Jehová.

Ez 18:19

Rik'in juba' rix xtik'utula' chiwech ri achike roma man nrejqalej ta ri alk'ualaxel ri rumak ri rutata'. Roma ri alk'ualaxel ri' kan xuben pa ruchojmilal y choj xbiyin y kan xutaqej ronojel ri nubij ri nupixa'. Roma ri' kan qitzij ninbij chi re alk'ualaxel re' kan xtik'ase' kan.

Deut 6:19

Y keri' xkerelesaj-el chiwech ri e etzelanel iwichin achi'el ri rubin kan.

Wuj Richin ri Isaías 38:3

y xubij: Jehová, nink'utuj utzil chawe re wakami chi yinoqaqa ta chi'ak'u'x chi yin kan choj ri nuk'aslen ri nubanon-pe chawech, y rik'in ronojel wánima nubanon ronojel ri niqa' chawech rat, xcha'. K'ari' xuchop janila oq'ej.

Deut 6:10

Toq ri Jehová ri qa-Dios, xtuya' ri ruwach'ulew ri rujikiban kan chike ri qati't-qamama' Abraham, ri Isaac y ri Jacob, y ri xujikiba' chi nuya' chiwe jun nimalej ruwach'ulew ri ek'o jebel taq tinamit chupan ri man rix ta ix yakayon-q'anej.