Deut 5:9 - Kaqchiquel Bible

⁹ Man k'a kixxuke' chikiwech rije', ni man tiya' kiq'ij, roma ja yin Jehová ri i-Dios ri kan man niqa' ta chinuwech richin niya' ruq'ij jun chik. Y wi k'o ta jun ri nibanon keri' xtinwetzelaj y xtiqaqa ri woyowal pa ruwi', y pa kiwi' ri rijatzul k'a pa rukaj sol.

Deut 5:9 ပူးပေါင်းရင်းမြစ်များ

Ex 34:7

Ri nujoyowanik yin kan xtik'oje' k'a kik'in ri winaqi' ri yepe chi wiq chi tanaj, richin jantape'. Yin kan ninkuy k'a ri itzel taq kibanobal, ri kiyakatajinenri'il y ri kimak. Chinuwech yin, ri yebanon etzelal kan k'o chi nikik'ul ri rutojbalil roma ri kimak. Ri rutojbalil ri kimak ri tata'aj, kan xkerumej ri kalk'ual, ri kimam, ri xikin-kimam y ri kalk'ual ri kixikin-kimam, xcha' ri Jehová.

Wuj Richin ri Q'axanri'il 14:18

roma rat kan man chi'anin ta nipe awoyowal, k'o janila joyowan-wech awik'in. Nakuy kimak ri itzel taq kibanobal y nakuy kimak ri nikipaba-ki' chawech, stape' kan naya' rutojbalil pa kiwi' ri kan e banoy richin ri etzelal y kan k'a niqaqa na pa kiwi' ri kalk'ual, ri kiy-kimam y numej k'a pa rukaj sol winaqi'.

Ex 34:14

Man tiya' ruq'ij jun chik dios, roma yin Jehová kan man niqa' ta chinuwech chi niya' ruq'ij jun chik dios chinuwech yin.

Wuj Richin ri Jeremías 32:18

¡Rat kan nak'ut k'a ri awajowabal pa kiwi' janila chi winaqi'. Jak'a chuqa' naya' rutojbalil pa kiwi' ri winaqi' roma ri kimak ri kite-kitata'! ¡Jehová kan janila nim ak'ojlen y ri abi' ja ri Jehová k'iytisanel richin ronojel!

Deut 4:16

richin chi man yixyojtej y ye'ibanala-q'anej paban taq wachibel, ruwachibel jun achin, jun ixoq o jun chik wachibel.

Deut 4:24

Ri Jehová ri qa-Dios kan man niqa' ta chuwech chi k'o ta jun chik niya' ruq'ij, roma ri royowal rija' achi'el q'aq' ri nuk'is ronojel.

Deut 6:15

roma ri Jehová ri qa-Dios ri k'o iwik'in rix, kan jun Dios ri kan man jun chik achi'el rija' y kan k'o chi'ikojol. Roma ri' man tiyek royowal, roma wi xtiyek royowal, kan xkixruk'is chuwech re ruwach'ulew.

Deut 7:10

Y nuya' rutojbalil chike ri winaqi' ri ye'etzelan richin y chi'anin k'a xkeruk'is.

2 Rey 17:35

Ojer kan ri Jehová xuben jun jikibel-tzij kik'in ri winaqi' aj-Israel y xubij chike: Man ke'iwilij y man tiya' kiq'ij ch'aqa' chik dios, ni man ke'isuj kamelabel chikiwech.