Deut 5:33 - Kaqchiquel Bible

³³ Kan xtitzeqelibej k'a ri bey ri xuk'ut ri Jehová ri qa-Dios chiqawech, richin chi utz k'a xkixbe y kan k'iy juna' xkixk'ase' chuwech ri ruwach'ulew ri xtiberuya' rija' chiwe.

Deut 5:33 ပူးပေါင်းရင်းမြစ်များ

Wuj Richin ri Jeremías 7:23

Xaxe xinbij chike chi wi nikak'axaj ri nuch'abel, yin xkinok ki-Dios y rije' xke'ok nutinamit. Chuqa' wi xkebe chupan ri nubey, kan utz k'a xkebe ri'.

Deut 4:40

Roma ri' kan titaqej k'a ri rupixa' ri ninya' chiwe wakami, richin chi utz yixk'ase' rix y ri iwijatzul; y kan xkixk'ase' k'iy juna' chuwech ri ruwach'ulew ri xtuya' chiwe ri Jehová ri qa-Dios richin jantape', xcha' ri Moisés.

San Lucas 1:6

Re juk'ulaj winaqi' re' choj kik'aslen chuwech ri Dios, y kan nikiben ri nubij ri pixa'.

Deut 10:12

Wakami k'a nuwinaq, ri Jehová ri qa-Dios jare' ri nuk'utuj chiqe: Kan tiqaya' rejqalen, kan tiqatzeqelibej ri bey ri niqa' chuwech rija'. Kan tiqajo' y kan tiqaya' ruq'ij-ruk'ojlen rik'in ronojel qánima y chijun ri qak'aslen.

1 Timoteo 4:8

Kan janila jebel wi natej aq'ij richin nik'oje' más ruchuq'a' ri ach'akul. Jak'a más utz wi natej aq'ij richin nak'uaj jun k'aslen utz chuwech ri Dios. Roma k'o nuk'en-pe chawe chupan ri ak'aslen wawe' y ri chawech apo.

Romanos 2:7

Jak'a kan ek'o winaqi' ri man yetane' ta richin nikiben ri utz. Rije' nikajo' chi ri Dios nuben chike chi nik'oje' kiq'ij y kik'aslen ri man k'isel ta. Y chike rije' ri Dios kan xtuya' ri k'aslen richin tibe-q'ij tibe-seq.

Wuj Richin Bix Chire ri Dios 119:6

Wi keri' kan man xkik'ixbitej ta k'a roma nintaqej ronojel ri apixa'.

Deut 5:29

K'ate' ta kere' k'o pa taq kánima ronojel mul, kan nikiya' ta nuq'ij y chuqa' kan nikitaqej ta ronojel ri nupixa', richin keri' rije' y ri kalk'ual kan jantape' ta utz xtel ronojel chikiwech.

Efesios 6:3

Y wi niben keri', ri Dios nuya' k'iy juna' ik'aslen chuwech re ruwach'ulew, y janila k'iy urtisanik ri xtik'ul.

Ex 20:12

Tiya' kiq'ij ri ite-itata', richin chi k'iy k'a juna' xkixk'ase-el chuwech re ruwach'ulew, ri ninya' yin Jehová ri i-Dios chiwe.

Deut 4:1

Wakami k'a rix nuwinaq, tiwak'axaj k'a ronojel ri nubij ri pixa' re nink'ut chiwech. Kan titaqej k'a, richin xtiwichinaj y richin xkixk'ase' chupan ri ruwach'ulew ri xtuya' chiwe ri Jehová, ri ki-Dios chuqa' ri qati't-qamama'.

Deut 6:1

Ja ronojel pixa' re' ri xuya' ri Jehová ri qa-Dios chuwe, richin xixintijoj, richin jari' ri nitaqej chupan ri ruwach'ulew ri xkixapon-wi ri kan xtok iwichin.

Deut 6:3

Roma ri' rix nuwinaq israelita tiwak'axaj, y kan tiya' k'a pan iwánima re pixa' re' richin utz xkixbe, y keri' kan xkixwinaqir chupan ri ruwach'ulew ri akuchi nik'ase' ronojel ruwech tiko'n, achi'el rusujun ri Jehová ri qa-Dios, ri chuqa' ki-Dios ri qati't-qamama'.

Deut 11:9

Richin keri' kan xtiyaloj ri ik'aslen chuwech ri jebelej ruwach'ulew ri rusujun ri Jehová chike ri qati't-qamama' y chiwe rix ri ix kijatzul.

Deut 12:25

Kan man titej k'a ni man tiqum ri kik'. Wi xtiben ri nubij ri Jehová ri qa-Dios, kan utz k'a xkixbe rix y ri iwijatzul.

Deut 12:28

Kan tiwak'axaj y kan titaqej k'a ronojel ri xinbij chiwe, richin keri' rix y ri iwijatzul kan utz xkixbiyin richin q'asen, roma kan utz y choj ri niben chuwech ri Jehová ri qa-Dios.

Deut 22:7

Ri te'ej k'o chi nrisq'opej kan, richin keri' kan utz xkixbe, y k'iy juna' xkixk'ase' chuwech ri ruwach'ulew.

Wuj Richin ri Jeremías 42:6

Utz o man utz ta ri xtubij-pe, roj kan xtiqanimaj rutzij ri Jehová ri qa-Dios, ri achoq ik'in xatqateq-wi richin chi utz yojbe y kan qitzij na wi xtiqanimaj rutzij ri Jehová ri qa-Dios, xecha'.

Ez 20:19

Xinbij chike chi ja yin Jehová ri in ki-Dios y kan tikitzeqelibej k'a ri nupixa' y kan tikiyaka' k'a pa taq kánima.

Deut 5:16

Tiya' kiq'ij ri ite-itata', richin k'iy k'a juna' xkixk'ase-el y utz xkixbe chuwech re ruwach'ulew ri ninya' yin Jehová ri i-Dios chiwe.

Deut 8:1

Kan tibana' k'a ri nubij ri pixa' ri ninbij chiwe wakami, richin keri' kan xkixk'ase' utz y kan xkixwinaqir y kan xkixok-apo richin niwichinaj ri ruwach'ulew ri rusujun ri Jehová, ri xujikiba' chike ri qati't-qamama'.

Deut 29:8

Y xqak'en kan ri kiruwach'ulew y xqaya' chike ri tzobaj richin ri Rubén, richin ri Gad y chike ri nik'aj tzobaj richin ri Manasés richin xkichinaj.

Deut 30:16

Roma ri' ninbij chiwe wakami chi tiwajo' ri Jehová ri qa-Dios y kan titzeqelibej ri rubey y titaqej chuqa' ri rupixa', richin chi yixk'ase' y yixwinaqir, y ri Jehová ri qa-Dios xkixrurtisaj k'a chupan ri ruwach'ulew ri akuchi xkixberuya-wi.

1 Rey 3:14

Y wi xtatzeqelibej ri nubey y kan xtataqej ronojel ri ninbij chawe achi'el xuben ri David ri atata', xtinya' k'a k'iy juna' ak'aslen, xcha' ri Jehová.

2 Rey 17:37

Tibana' k'a ronojel ri pixa' ri nuya'on chiwe, y man ke'isamajij ch'aqa' chik dios.

1 Crón 28:8

Wakami k'a kan chiwech k'a rix y chuwech ri Jehová ri qa-Dios ri yojrak'axaj, ninbij chiwe chi kan titaqej k'a ri nubij ri rupixa' ri Jehová ri qa-Dios, richin keri' kan xtok kan iwichin re jun jebejoj nimalej ruwach'ulew re', y richin xtiya' chik kan chike ri iwalk'ual richin nikichinaj kan rije'.

Wuj Richin Bix Chire ri Dios 37:9

Roma ri e banoy etzelal kan xke'elesex-el chuwech re ruwach'ulew, jak'a ri kikuquban kik'u'x rik'in ri Jehová kan xkek'ase' chiri'.

Wuj Richin Bix Chire ri Dios 37:11

Jak'a ri xtikiqasaj-ki', kan xtikichinaj k'a ri ruwach'ulew, y kan xkekikot k'a rik'in uxlanibel-k'u'x.

Wuj Richin Bix Chire ri Dios 37:22

Ri e urtisan roma rija' xtikichinaj ri ruwach'ulew. Jak'a ri ruya'on etzelanik pa kiwi', kan xkek'is k'a konojel.

Wuj Richin Bix Chire ri Dios 37:29

Ri choj kik'aslen chuwech ri Jehová, xtikichinaj ri ruwach'ulew. Y kan xkek'ase' k'a chiri' richin jantape'.

Wuj Richin Bix Chire ri Dios 37:34

Takuquba' ak'u'x rik'in ri Jehová y tanimaj ri rutzij. Y rija' kan xkarunimirisaj, y xtuya' chawe ri ruwach'ulew richin nawichinaj kan. Y kan xtatz'et toq xkek'is-el ri e banoy taq etzelal.

Wuj Richin Etamabel-Tzij 3:1

Rat walk'ual, man k'a tamestaj ri tijonik ri nuya'on chawe, xa kan tayaka' pan awánima ri nuchilaben chawe chi naben,